Sekaraia 10:2 - Godigo dwagi yai po buku

² Te bidi dabe augwaligo te augwa bede munalubo tibo god dabeba me, te mena sę page konea pabo bidi dabeba me hanalu te nosali mena sę dabe pedelabo po omainu ebo dao. Tiali goli, augwaligo tibo po wei ponoyu, te dwai po augwaliba wabo dao. Bidi mebago te na yali po page pusali, te augwaligo me dage tibo po ola mobao. Augwaligo te tama po weyu, te dage nagame yai homu saibao po wabo, tiali goli te menio. Te haliga sęgę me elaludalio. Tama tialima, te we bidi dabe tedela palama, te hagawai sipsip kibu wai tiwai yali. Augwa polalubo tuni bidi meni baso, tama augwali sęgę elaluai dao.

Sekaraia 10:2 Iomraidhean Croise

Tigidali Nai Gagalama Nigali Side 31:19

Te augwali pisiąbadi, tama Laban te sipsip dabe nisi togogi peyu, digibulu gana pai digi, tama Reselgo te aga ayago be tonalubo tibo god te bede wi salio.

Te Israel me Juda Hani Sigo Tuni Bidigo Po Elalubo Buku Deli 22:17

Tialima, Mikaiago Ahapba te tiwai po wali, “Eno suali, te Israel ami bidi dabe te bulu du dabede bidalua pelawali, te kibu sipsip augwa tonalubo bidi wasman meni yai tiwai elaluali. Tama eno odali, Genuai Bidigo te po wai, te bidi dabe augwa tobolu bidi meni yai. Augwa te hwįbo tagalama, te augwa buluba ma pelama, te bugagia bidibaso usu yaibao,” Mikaiago te po wali.

Jopgo Po Asęani Elalubo Buku 13:4

Tiali goli, dagego ena aiyaba elalumainu, ili po hauwa mu obao. Dage te dokta bidi te gasi sai bidi mego gasi dodolabo konesiąwai dokta bidi tiwai dao.

Jopgo Po Asęani Elalubo Buku 21:34

Eno te tobage kolesaga te dwai sę yali bidi dabede pedalobo subaso, eno te homu ebao, dage ili po olama, gani bole ebo bidi dabe dao. Dagego homugo te dagego enabolo pogo eno haliga dili ilimainu ebawe? Te bage? Hobede ebo. Te po dabego ena deli me tau sabeo,” Jopgo te aga abagi selabolo te po wai.

Aisaia 41:29

Suao. Augwaligo te mena sę me deli ebaso usugobeo, magi baso meni, augwa digi te olo nai naga dao. Te tibo god dabe te olo piksa dabe naga elalubao. Augwaligo te magi sę me deli yabo bomo me elalubeo,” te po wai dao.

Aisaia 44:25

Eno te magi nai me deli te nosali pedelaibao po wabo bidi dabego po te homu kone tuą palama, tama te augwaligo po geda mueibao. Tama te mena sę aga nade konea pai bidigo po homu kone tuą palaibao. Te po page konea pai bidigo homu kolesaga te eno umuna palobo bidi tiwai pedalumainu ilibo dao.

Aisaia 44:9

“Te tibo god piksa noma nigibo bidi dabe, augwa digi te dwai mu ilibao. Te sawi wiegi yai piksa augwa wiegi yai pemene ebo, augwali te olo nai tiwai ebao. Te tibo godiba lotu wabo bidi dabe, tiwai bidibao. Tiali goli, te augwali hale mu yaibao, magi baso meni, augwaligo te tibo godigo magi sę me deli ebo me sugobeo. Augwali te homu kolesaga mu umuna sai bidi tiwai dao.

Aisaia 46:5

“De mu ena tiwai dawe? Te dagego eno kolesaga te de dali mu dagalaibawe? Te eno kolesaga tiwai gagawai ebo bidi deli bidiba, agawe?

Jeremaia 10:8

Te bidi dabego homu kolesaga te geda muyu, te augwali umuna pai mu elalubao. Magi baso meni, augwali te nigo nigali naiba naga pelama, te kolesaga sabo dao.

Jeremaia 14:13

Tialima, eno po wei ponoyu, te tiwai po wali, “Nago po te dolo obao. Tialima, God, Genuai Bidio, te profet dabego gasagi yai po te we bidi dabeba pusudu gebao. Augwaligo nago po e tiwai pusali, ‘Te boi bidi dabego dage me ela mugobeo. Te dage nai me menia sogobeo. Menio. Mu tama, ena Genuai Bidi, eno dage te tǫde sesemane sogo bugagia bidimainogo ebo dao,’ te profet dabego te po pusali,” eno te po wai.

Jeremaia 14:22

Te Godigo po odisąbo bidi dabego te dwai tibo godigo te tulubage tulao obaso, usu yaiba, agawe? Ma, te dagalu aga digi te tulubage da mobaso usu yaiba, agawe? Mu menio. Genuai Bidi, dena God, nagaduba deli te usu mu ebo dao. Tama tibaso, nago te tobage sę dabe yaibao, tama tiyu, dago nage tonalu, te nago da tau somainu ebo dao.

Jeremaia 23:17

Te we bidi augwaligo eno po sela sąbaso, te profet dabego augwaliba te tiwai po waibao, ‘Te dage bugagia bidaibao.’ Te hagoma elama, augwa homu wali pabo we bidiba, te profet dabego augwaliba te tiwai po waibao, ‘Te dwai nai dageba me pedalogobeo.’”

Jeremaia 23:32

Ena Genuai Bidi, eno te profet dabego augwa tibo na yali po selama, te augwaligo te we bidi dabeba pusa mayu, te eno augwaliba mawai po da wabo, te profet dabeba eno boi bidi yabo homu ebao. Augwaligo te haniani tibo po pusulama, te tama tebogo te we bidi digibulu kegasa pabo dao. Eno augwali me tagala palisąma, te eno sę augwaliba me mabeo. Tama te we bidi augwaligo tau me dwasianu me sisąwai. Mu menio. Ena Genuai Bidigo, eno te po wai dao,” wali.

Jeremaia 27:10

Tiali goli, augwaligo dage tibo po ola mobao, tama dagego augwaligo po homu dąų obaso da, teda eno dage te duga page bulu mude digibulu sela sąwaibao. Tama dage mu dolaibao.

Jeremaia 27:14

Tama tialima, dagego te dage Babilon king dologode bidigobeo po wabo profet dabego po me odogio. Augwaligo dage tibo po naga ola mabo dao.

Jeremaia 27:9

Tama tialima, dage king dabego te profet dabego poba me te osola subo bidigo po, me te na yali po page pusubo bidigo poba, me te mada bidigo poba me olo munama igio. Te bidi dabego te tiwai po weyu, dage te Babilon king dologode bidigobeo waibao.

Jeremaia 28:15

Jeremaiago te po pusulama da, tama agai Hananiaba te po ma wali, “Hanania, nago odao. Genuai Bidigo nage me tagala palobeo. Tialima, nago te we bidi dabe tibo po ola mobaso, te augwaligo nago po homude dąų wali.

Jeremaia 29:8

“Ena dage Israelgo God, ena Tigidali Bomo Elalubo Genuai Bidi, eno po dolo obao, dagego te duga profet, me te osabo bidi dabego dage tibo po ola momainu igio. Te bidi dabeba waliyu, te dagego naa elama, te naa page dabolo pusao po wabo tagalao.

Jeremaia 37:19

Nago profet dabego te profet po te tiwai pusali, ‘Te Babilon kingo nageba me, te tǫ kantriba me, hwįagasogobeo,’ wali. Tialima, megi da, te profet dabe mena bidibawe?

Jeremaia 50:17

Genuai Bidigo e tiwai po wai, “Israel te sipsip me deli tiwai, te gasa tǫ kantri dabe te laion tiwai elama, aga dolainogo elama, te augwaligo aga pobeali. Hasia te Asiria kingo aga pageabi elama, tuali. Te nosali, te Babilon king Nebukatnesargo te agai nogo sągą dili dabe halua tuai dao.

Jeremaia 51:23

Eno nage siyu, te sipsip dabe dali, te sipsip tonalubo bidi dabe dali dolali. Eno nage selama, te ain kekeyu, te gi tǫ elala pabo bulmakau dabe dali, te augwali tonalubo bidi dali dolali. Te eno nage siyu, te gavman dabe me, tobolu bidi dabe me dolai dao,” wali.

Jeremaia 6:14

Eno we bidi dabe te genuai keni elaluali, tiali goli te pris dabe me profetgo te keni sulama, te olo nai tiwai sula tagaliyu, te augwaligo bugagia marasin me mubeo. Augwaligo te tama po te we bidi dabeba weyu, ‘Dagego moni homu me igio. Da bugagia bidibao.’ Tialima, menio. Augwa te bugagia me bidibeo.”

Jeremaia 8:11

Eno we bidi dabe genuai keni dabe elaluali, tiali goli, te pris dabe me profet dabego te keni dabe sulama, te olo nai subo tiwai yalio, tama augwaligo bugagia sisibeo. Augwaligo te tiwai po te we bidi dabeba weyu yali, ‘Dage homu kone tuą pigio. Da bugagia bidibao.’ Tiali goli, menio. Augwali bugagia me bidibeo.

Te We Bidi Dabego Jerusalem Hagede Gela Wali 2:14

Te nago profet sibigo te nade subo nai tiwai suali po olama, tama augwaligo nage dali ili po naga walio. Tama augwaligo nage ili po ola mayu, augwaligo nago yali dwai sę hanilai menio. Te nage tau selama, te dwai sę tagalama, tama nage bugagia bidimainu tau me sabeo. Menio. Augwaligo Godigo po pusubode ili po walio. Tama augwaligo pogo nage kegasa bilama, mu tagalalio.

Esekiel 21:21

Tama kingo aga te mena sunumidu pabo konesiąwai, tibaso agai te hanilibo sę ebo kolesaga yaibao. Hasia bolo agai te ene beledide elaluali ene dabe memenege ilaibao. Gasa enego te Raba taunba nogo tų eyu, te gasa ene mego te Jerusalem taunba nogo tų iliyu, te kingo deli naga sabo homu yaibao. Te aga tibo god dabeba me hanalu olama, tama nosali agai te elali kibu hasago homu hobolu duba bugagia tonaluama, te augwa ofa yainu elali hasa dao.

Esekiel 21:29

“Dage Amon dabego te nade subo nai tiwai sulama, tama dagego te tama po pusali, dagego digi te bainat hwą nogo tolama, te eno po sela sąyu dwai kolesaga ebo bidi dabe elaiba wali. Tialima, te yali na tigidali, me te profet po wali, te tibo po naga po walio. Te mu da, te bidi dabego yali dwai sę wei ponabo sogo te pedelalio, tialima te sę dagego me egobe dao,” wali.

Esekiel 34:5

Te sipsip dabe augwali tonalubo bidi meniama, augwali augwa digi subigila bilibo tiwai ebo dao. Tama te bulu hasa dabego augwali elama tubo dao.

Esekiel 34:8

Ena God Genuai Bidi, eno tigidali sogo bidibo dao, tama eno po mu tama e obao, eno sipsip kibu dabe augwali bugagia tonaluabo bidi menio. Tama tibaso, te bulu hasa dabego te sipsip kibu dabe ela wialama, augwali tuali dao. Tama te eno sipsip kibu tonalumainu sa muani bidi dabe augwaligo te hagawali sipsip dabe gegebeo. Augwaligo augwa naga ma tonalubo sę eyu, tama augwali te sipsip dabe tonalubeo.

Hosea 3:4

Te tiwai naga te Israel dabe te hauwa sogo olo bidaibao. Tama te augwali tonalubo te polalubo bidi, me king bidi te meni yaibao. Te augwaligo te tibo godiba ofa me isąyu, te augwaligo masigi pos ni me dualisąma, lotu me wagobeo. Te augwaligo te haniani tibo god dabe tagalaibao, tama te piksa dabe augwa te nosali pedelabo sę konemainu ola mabo nai dabe, te tagala silaibao.

Maika 2:12

Te Genuai Bidigo po ma weyu, te po wali, “Tialima, nosali eno te dage te sogo me bidibo tigidali Israel we bidi sisinani elalueibao. Te eno dage ma sisiniyu, te sipsip tonalubo bidigo te sipsip dabe te oboba ma sela asobo tiwai gilama yaibao,” wali. “Tama te we bidi hauwa dagego tǫde pągąnalueibao, te sipsip dabe te wiegi yai nosai tubo madi pągąnalubo tiwai yaibao,” wali.

Habakuk 2:18

Dage bidi dabego te ni dage dabeba me, te masigi dabe me, te tiwai po waliyu, “Nage pila muani tagalama, hodaluao,” wabo. Dage dolaibao. Dagego homugo te nai hodaluama, te dagebolo magi me deli ola mawaiba homu eba, agawe? Tega, dage, te tibo god dabego dage magi ila tau saibawe? Augwaligo usu me egobeo. Tibo god nigibo sę da, te gol me, te ni dagego me selama, te bidigo digi nigibao. Tama tiyu, te nai dabego dage dali po me deli me wagobeo. Agai dage tibo po naga ola mawaibao, tama tiyu te dage dolaibao. Bidigo digi te tibo god nigo dulama nigali, tama agai homugo te naigo aga tau sabo usu yaiba homu yali. Tiali goli, agai usu munu me egobeo. Te tibo godigo mobo meni yai nai naga dao, tama po me wagobeo. Te dagego silvago me golgo bugagia mu au ilali goli, te tagalao. Agai magi sę me egobeo.

Sekaraia 11:17

Tialima te tonalubo dwai bidi dolomainao, magi baso meni, agai aga hani sipsip tonalubo tagalali. Te boi bidi dabego agaba boi hwįagaselama te agai bomo tigidali aiyaba mu tamunaibao. Tialima agai nogo kimi bomo isilama, tama agai dolo nogo badu gedu te mu halua somainao,” Genuai Bidigo te po wai dao.

Israel Hanigo Namba 27:17

Te augwali bugagia bidimainogo tau siyu, me wąbi hwįbode augwali bugagia tonaluyu yabo. Tama naga hani te sipsip kibu aga tolalubo bidi meni yai tiwai bidigobeo,” Mosesgo te po wali.

Matyu 9:36

Tama bilidubadi, agai te genuai we bidi hani augwali sulama, tama agai homu dene augwalide genuai mu yali. Magi basowe, augwaligo homu dolo elalusiąwai baso, tama augwaligo augwa digi tau sabo usu isiąwai bidibo suali. Augwali dwai mu bidiyu, te kibu sipsip dabe augwa aya meni yai tiwai bidai.

Dwagi Yai Gesi Po Makgo Asęani 6:34

Tama Jisas te gebadu pelama, te wę pedai badu tugi pelama, tama agai te we bidi hauwa bidalubo suali. Tama agai augwali homu dene genuai mu yali. Augwali te sipsip kibu tonalubo bidi meni yai tiwai bidaluali. Tama tibaso agai gagalama, te wiegi yai po hauwa augwaliba ola mawai.

Te Israel Tobolu Bidi Dabe 18:14

Tama te a naga bidi te Lais dabego hanu tǫba sa pelama suali bidi dabego te augwa deli hanibolo te tiwai po wali, “Te badu te be me delide te tibo god me deli augwaligo te nigo nigilama, tama augwaligo te silvago haluama elaluali. Dagego te koneaniwe, ma meniwe? Tama te tibo god meba u mabo elalu, te pris dabego holobo ugwa me elalubao. Megi da te dago magi yaibawe?” te a naga bidi dabego te po wai.