Sekaraia 1:6 - Godigo dwagi yai po buku

⁶ Tiali goli eno po te profet sibi dabego pedauwalidu eno pedelaibao wali te sę dabe duga wąį dabeba polo pedelai dao. Augwaligo eno augwalibolo mani te po wali pai menio. Tama tialigo augwali te dolali dao. Tama nosali augwali homu begelama augwaligo e tama po wai dao, ‘God, Tigidali Bomo Elalubo Genuai Bidi, agai dabolo wali gilama tama agai dabolo dene mawai dao. Te dena dagede tama dao,’ augwaligo te po wali,” God Genuai Bidigo te po wai.

Sekaraia 1:6 Iomraidhean Croise

Jopgo Po Asęani Elalubo Buku 6:29

Dagego te tobage po dali, kolesaga dali si tagama, tama doloba pai kolesaga elama, eno kolesaga osayama. Dagego ena aiyaba elalugi, eno magi dwai sę me ebe.

Aisaia 21:17

Te Kedar dabe augwali bomai ami bidi dabe augwali enesigi dali hwįbo bugagia mu koneai dao. Tiali goli, augwali dolaibao. Tama dwasianu bidi hani ami dabe naga bidaibao. Ena Genuai Bidi, Israel dabego God, eno po polo wali.”

Aisaia 44:26

Te eno sę bidigo magi sę yabo po me deli pusubo sogo, tama te sę nosali badu pedelaibao, te po eno wabo sogo da, teda eno te po mu naga pedalumainu ebo dao. Te megi eno te tiwai po obao. Te we bidi dabe te Jerusalemde ma bidigi pelama, bidaibao. Me te Juda dabego taun augwa ma nigaibao. Te megi dolama elalubo hanu dabe te eno ma wiegi yai nigilaibao.

Aisaia 55:1

Genuai Bidigo te po wai, “Tega, dage te ąį nogonego sabo we bidi dabe, dage enaba aselama, dage wę tuagasao. Dage te mone meni yani hani dabe, dage enaba aselama, te dage nai sela tuagasao, te aselama te ąį wain me hasa bulmakaugo ame pę ąį sagasao, te monego me abeligobeo.

Aisaia 55:11

Te tiwai naga eno po me te enaba odolali ma asogobeo. Menio. Agai te eno wali po tiwai gilama pedelaibao. Te agai eno homugo pedalumainogo homu yali sę pedalubo dao.”

Jeremaia 23:20

“Genuai Bidigo haliga sębę elaludu, te agai homude yaibao wali tigidali sę ela siliyu, usu naibao. Te bodolu muani sogo asobo side, dage we bidigo te sę dabe page bugagia koneaibao,” wali.

Jeremaia 26:15

Tialima, eno homu dagego te tiwai konemainogo ebao. Mu tamao, Genuai Bidigo digi ena tagala palobaso, te ena aselama, te eno pusali po dageba pusagasalio. Tama te ena dagego ela mubaso da, dagede te magi dwai sę deli me isąwai bidi odolali elali, te sęgę elalueibao. Tama te dwai sę yali te taunde elalu, te tigidali taun we bidi dabede te sęgę elalueibao,” Jeremaiago te po wai.

Jeremaia 28:17

Te kibu bede digi te polua a naga olama, me badu si wabo side, te profet Hanania isai dao.

Jeremaia 32:24

“Tibaso, te Babilon dabego te Jerusalem bagua sagaselama, te da dali hwįbo sę yai. Augwaligo te taun obo pąde tǫ du holama, te augwa tede dolalu boi hwįnama, te taun sainu yai. Te boi bidi dabe da dali hwįbaso, te da nai sǫą pelama, te dwai gasi daba pedelali. Tialima, te Babilon dabego te Jerusalem saibao. Te nago po wali sę dabe, te pedelalio, te megi nago subao.

Jeremaia 36:28

“Gasa buku me selama, te king Jehoiakimgo isiba ulali bukude asęani po tobage tiwai naga ma asęao,” wali.

Jeremaia 39:16

“Nage te Ebetmelekba pao, te Sudan bidi dao, agabolo e tiwai po wao, ‘Tigidali Bomo Elalubo Genuai Bidi, aga Israelgo God, agai te tiwai po wai. Polobadu eno te taun dolaibao po wali, te megi da, eno te po usu naibao. Eno te taun wiegi yai bugagia me iligobeo. Tama naga digi nago eno te sę ebo sueibao.

Jeremaia 44:2

“Tigidali Bomo Elalubo Genuai Bidi, aga da Israelgo God, agai te tiwai po wali, ‘Duga digi te tigidali dene mabo sę ena Genuai Bidigo te Jerusalemba me te tigidali Juda taunba yali sę suai dao. Megi augwali dolama elalubao, tede bidi me bidibe dao.

Jeremaia 44:28

Dage bidi deli deli naga te hwįbode me dologobeo, te augwa Isip tagalama, te Juda tǫba ma paibao. Te sogo dage Isipba bidagasali dwasianu Juda hani dabe, te dagego te dego pogo bomo mu elalubo koneaibao, eno pogo, ma dagego po, te sogo koneaibao.’ God Genuai Bidigo te po wai,” wali.

Jeremaia 44:29

“‘Ena Genuai Bidi, eno po dolo obao, te eno dagebolo te nai me delide te tiwai ola mawaibao, te eno dene mabo sę dage te bulude bidibo sogo yaibao. Te sę ebo dagego suyu da, teda duga koneaibao, eno me geda mugobeo. Menio. Te eno po wali gilama, eno te dene mabo sę dageba yaibao.

Jeremaia 44:6

Te eno haliga sębę umabo mu augwalide elama, te eno Juda taun dabeba, me Jerusalem sunumi dabeba me dolobo sę eyu, te augwali eno dwagila mu dolali. Te augwali doludubadi geąį dao,’ da Israelgo Godigo te po wai,” Jeremaiago te po wali.

Jeremaia 5:14

Dagego te tobage po weyu, te dagego Godigo po odobao, Genuai Bidi te Tigidali Bomo Elalubo dao. Agai enaba te tiwai po wali, “Te eno nageba menama pusabo po da, te sia tiwai pedelaibao. Tama te we bidi dabe te nogobo sia tiwai elalubao, tama te siago augwali ulama daibao.

Te We Bidi Dabego Jerusalem Hagede Gela Wali 1:18

Tiali goli, Jerusalemgo te po wali, “Genuai Bidigo ena dali te yali kolesaga te dolo mu dao. Magi baso meni. Eno agai po sela sąwai dao. Tega, dage tigidali kantri we bidi, dagego eno te po odiąo. Eno te genuai sęgę tolali suao. Te boi bidi dabe augwaligo eno gesi bidi me gesi wegi dabe selama, tama augwali digibulu tǫ kantri dabeba mu kalabus igi palio.

Te We Bidi Dabego Jerusalem Hagede Gela Wali 2:17

Te Genuai Bidigo polobadu mu te yainogo yali te sę polo megi yali dao. Polobadu mu Genuai Bidigo te po wai dao, te Israel dabego agai po sela sąbaso da, teda agai Jerusalem dolaibao po wai dao. Tama tialima, megi nage hobede me ebeo, Jerusalem, agai nage aiyaba polo elaluali dao. Agai nago boi bidi dabe bomo mu ilama, tama augwaligo nage aiyaba elalumainu ilali dao. Tama augwaligo nage dolalide wiegi yai homu pemene elama, gana pali dao.

Te We Bidi Dabego Jerusalem Hagede Gela Wali 3:42

“Dago nage dali hagoma elama, tama dago sęgę sai dao. Tama nago dago sęgę sela sąsiąyu, tama da te nago gedude dwagi yai ma pedalubeo.

Esekiel 20:43

Tama dagego duga te tobage dwai kugumini yai kolesaga dabe eyu, dage te eno gedude meda pedelali teba homu kone palaibao. Tama duga te yali dwai kolesaga dabede dage hale mu yaibao.

Esekiel 37:11

Tialima, Genuai Bidigo enabolo te po wali, “Tǫde bidi, te kalabuside megi bidibo Israel dabe tigidali augwali da, te bidi dili dabe wa pai tiwai dao, tama augwaligo te po wabo dao, ‘Te dago dili dabe mu wa pai dao, tama bugagia munu ma me bidigobeo. Tama da mu tama mu hagawaibao.’ Augwaligo po da te tama goli dao.

Daniel 4:28

Tama nosali, te tigidali wali sę te king Nebukatnesarba te Danielgo wali tiwai gilama pedelai dao.

Hosea 5:9

Te dwai sę wei ponobo side naga te Israel dabe mu dolaibao. Eno te po dage Israel haniba pusubao, mu tamao, te eno wali gilama te sę pedelaibao,” wali.

Hosea 9:15

Tama Genuai Bidigo po ma wai, “Polobadu augwali te Gilgalde bidiyu, tama augwa te dwai kolesaga ebo gagalali, tama te sogo naga eno me eno augwaliba haliga sębę ebo gagalali. Te we bidi dabego dwai sę hauwa yai, tama augwa polalubo tobolu bidi dabego me eno po sela sąwani. Tama tialima, eno tǫde te augwali eno sela sąnama, tama eno augwali godolo homu munu ma egobeo.

Amos 9:10

Te dwai bidi dabego megi te tama po obao, ‘Te Godigo magi nai me deligo da dolomainu me iligobeo.’ Tiali goli, nosali eno te boi bidi dabego augwali ela mumainogo ilaibao,” Genuai Bidigo te po wai dao.

Sekaraia 1:7

Te Darius aga king bidibadi namba 2 kibu be wabode, te namba 11 poluago namba 24 deide, te polua augwaligo polua nogi Sebat wabo poluade, Genuai Bidigo po enabolo mani.

Malakai 3:18

Tama tiyu, te sogo te ena wali pabo doloba pai we bidiba eno ebo kolesaga ma suiyagameo, te eno dwai bidi dabeba ebo kolesaga, te augwaligo eno po sela sąbo dao, te bageba me eno ebo kolesaga suiyagameo,” wali.

Israel Hanigo Namba 23:19

God da, aga te tǫde bidi mu menio. Godigo da bidigo yali gilama ili po me wabo menio. Agai homu da bidigo yali gilama me hasegelebo menio. Mu menio. Te agai magi sę me yainogo eyu, po dąų wali da, teda agai tama ebo dao. Agai te po wabogo naga te sę tama pedalobo dao.

Israel Hanigo Namba 32:23

“Megi eno po bomona dage dali te obao, dagego duga dąų wali po wali pisiąbaso da, teda dagego Genuai Bidi dali sęgę saibao. Tama dagego te tama koneao, Genuai Bidigo dagego dwai sęgę kone palama, tama dage ela silaibao.

Israel Hanigo Namba 33:56

Dagego augwali sela sąsiąma yali da, teda eno dage dolaibao, te eno augwali dolainu yali homu ebo tiwai gilama,” Genuai Bidigo te po wai.

Matyu 24:35

Te dagalu de tǫ si da, te silaibao, tiali goli eno po da, te munu me sia sogobeo,” Jisasgo te po wai.

Bomai Po 28:15

Tama Mosesgo po geninama weyu, te po wali, “Tiali goli, dagego Genuai Bidi dago Godigo po sela sąnama, tama dagego agai bomai po eno megi dagebolo mabo te po tigidali bugagia wali pisąma eyu da, teda e tama dwai sę dabe dageba pedelaibao,” wali.

Bomai Po 28:2

Dagego Genuai Bidi dago Godigo tigidali po wali peyu da, teda agai dageba e tobage wiegi yai sę dabe pedalomainogo ilaibao,” wali.

Bomai Po 28:20

“Te dagego Genuai Bidiba tudi ola menama, dwai sę dabe yali da, teda agai haniani dwai sę dage tigide pedalomainu yaibao. Tama agai dage dolomainu elama, tama dagego ebo sę tigidali geda muyu elama, te nai dabe dolaibao. Tama polo tama dage sese dola silaibao.

Bomai Po 28:45

“Te tobage dwai sę dabe me sęgę dagede pedalaibao, te boi bidi dabego dage pobeasa peyu, nogogo tuali gilama, te dage siliboba usu nigi paibao. Magi baso meni, dagego Genuai Bidi dago Godigo po wali pisąma ebaso. Tama me dagego agai dagebolo mani te bomai po tigidali wali pisąma ebaso.

1 Tesalonaika 5:4

Tiali ma, abagi dede, dage hulide bidibo menio, te Genuai Bidi asabo sogo te nai wi sabo bidi tiwai geme eyu, polo aselama, dage noma sogobe. Menio. Dage te hulide bidibeo.