Sekaraia 1:12 - Godigo dwagi yai po buku

¹² Tialima te polalubo enselgo te po wali, “Tigidali Bomo Elalubo Genuai Bidi, nago te kibu be 70 usu nama nago te Jerusalem we bidi dali me te Juda hanigo taunde bidibo we bidi dabe dali sębę yai dao. Nisu mu nago augwali dali homu dene eyu tau ma saibawe?” tama wali.

Sekaraia 1:12 Iomraidhean Croise

Tuni Bidi Dabego Po Elalubo Buku Si 36:21

Te Israel dabe augwali augwa tǫde bidibo sogo, augwaligo augwa tǫ tigidali namba 7 wabo kibu bede augwaligo olo me tagalai menio. Tama tialima, augwali te Babilonde kalabuside bidibadi augwaligo tǫ olo bugagia toma tuyu, kibu be 70 olo toma tuali, te Genuai Bidigo te profet Jeremaiago pedauwalidu pusali po usu nigi pali.

Godigo Nogi Ugwaba Sabo Tęąbi Po Wabo Buku Dabe 102:13

Megi da, nage aselama, tama nago te olo tau sabo wiegi yai kolesaga te Saion taunba yagasu, tama aga tau sao. Te nago aga homu dene yabo sogo te pedelalio. Megi naga tama, te tiwai sę ebo sogo dao.

Godigo Nogi Ugwaba Sabo Tęąbi Po Wabo Buku Dabe 69:5

God, nago ena koneanio, ena te kolesaga geda mubo bidi naga dao. Te eno dwai sę yali dabe te nago gedude geme me duala sabeo.

Godigo Nogi Ugwaba Sabo Tęąbi Po Wabo Buku Dabe 74:10

God, nisu sogo naga te boi bidi dabego dabolo te posobo po udumainu yaibawe? Te augwaligo naga nogide te sesemane sogo po dwai omainu yaibawe?

Godigo Nogi Ugwaba Sabo Tęąbi Po Wabo Buku Dabe 79:5

Genuai Bidio, nisu naga sogo nago dade wado po wabo me elalu, elaibawe? Te nago wado po wabo te sesemane elaluabo homu eba, agawe? Te nago wado ebo me elalu, tama te sia bogoli elalubo tiwai eyu, tama me sula sogobe da, agawe?

Kolesaga Koneai Bidigo Pusali Po Elalubo Buku 3:3

Agai te bidi ela muabo sogo bodolu mubadi, agai gasi ebo bidi ma usu ilabo sogo bodolu mubadi yali. Agai te nai dabe hųgiabo sogo bodolu muyu, te nai dabe nigabo sogo bodolu muyu yai dao.

Aisaia 47:6

Eno wado po dwai mu te ena we bidi dabeba wali, te eno augwali te ena we bidi da te tiwai homu kone munu ma ebeo. Te eno nage aselama, augwaliba dwai sę yagasomainu ilali, te nago augwaliba homu dene dwasianu me ebeo. Menio. Nago augwaliba dwai dene mu ilama, te augwaliba genuai sęgę mawai. Te nago monu dabeba me te augwali genuai sęgę mu tolomainu ilalio.

Aisaia 63:9

Te augwali dene me sęgę tolali sogo, Genuai Bidi me augwali dali te dene me sęgę tolali. Te agai haliga augwalide homu dene ebaso, te agai augwaliba te olo mu tau sabo wiegi yai kolesaga yali, tama aga digi te mobo bidi ensel tiwai pedelama, te augwali ma sali. Te tobage sogo sesabi mu elama, te agai augwali tolalu, te augwali bugagia mu tonaluai dao.

Jeremaia 12:4

Genuai Bidi, nago dago tǫba genuai sęgę muani, te tigidali nosai sasia pali. Nisu sogo te sia selama, te tǫ wiegi yai ma pedalugowe? Te hasa me, ba dabe me, isila pobao, magi baso meni, te tǫde we bidi dabego dwai kolesaga me idubo sę ebao. Tama me, te we bidi dabego te po obao, “Jeremaiago daba te pedalubo sę dabe me suagasogobe dao,” po wabo dao.

Jeremaia 15:17

Ena te bugai haliga eyu, gisugu wabo bidi dabe dali munu me bidibeo. Tama eno augwali dali wiegi yai pemene munu me ebeo. Menio. Enaduba naga bididuali, magi baso meni, eno koneani, te nago bomo enade elalu, te nago haliga sębę enade pągąnalubo dao.

Jeremaia 29:10

“Ena Genuai Bidi, eno dageba mani po page e tiwai elalubao. Eno te 70 yia, te bidi sese sela olama, nogo si kibu bede te dage Babilonde bugagia bidaibao, te tama dąį ilali. Tama te tudi badu nosali, te Babilon dolaibao. Te sogo te eno homugo dage koneama, te dage eno Jerusalemba ma odasa paibao, te eno dąų wali tau sabo poba usu naibao.

Jeremaia 30:18

Genuai Bidigo te tiwai po wali, “Eno te olo mu tau sabo wiegi yai kolesaga te Jekopgo haniba elama, augwali tau saibao. Te augwaligo augwa bidabo be dabe sęnama, te augwa tǫde bugagia ma bidaibao. Tama augwa te Jerusalem taun ma dodolama, te polobadu elaluali pesagede ma nigaibao. Tama augwa te kingo be aga elaluali pesagede ma sę yaibao.

Daniel 12:6

Te dolaluali bidi si te bidi me deligo te wiegi yai nami ugwa belama, te wę tomo daide ugwadu dolaluali bidibolo te po walio. Agai te tiwai po wai, “Nisu sogo mu te gasa tobage noma sabo sę dabe pedelama, te mu siligowe?”

Daniel 9:2

Te hasia kibu bede aga te king bidali, ena Daniel, eno te Godigo buku dabe nededuali. Tama eno te Genuai Bidigo te profet Jeremaiaba mani pode homu kone palali. Agai te po weyu, te Jerusalem dolama elalubadi, te kibu be bidi sese sela olama, te nogo si, te 70 yiaba usu naibao walio.

Habakuk 1:2

Genuai Bidi, hauwa sogo mu eno nage i wabo dao. Nisu mu nago eno i wabo odama, tama nago da Juda dabe tau saibawe, tama te dwai nai dabe daba pedalobo naigo da dolidalio?

Sekaraia 1:8

Te hulide eno nai me nade subo nai tiwai me suali. Tama eno Genuai Bidigo ensel bidi kaneme hosde dualasa asobo suali. Te hos te bulu odogo mede ni tomode dolalubo suali. Tama meba hos dabe aga tudi badu dolalubo suali. Te hos dabe meba te kaneme hos, meba te nala hos, meba hos dabe te popoi pai hos dabe suali. Tama te ensel dabe te hos dabede dualalubo suali.

Sekaraia 7:5

“Nago te kantri we bidi dabe me augwaligo pris bidi dabebolo e tama po walao, ‘Mu tamao, te kibu be 70 edubadi te tigidali 5 poluade me te 7 poluade dagego nai dabe habu selama, hobedai gela weyu yai dao. Tiali goli dagego te enade homu kone paliyu, te eno nogi ugwaba sabo kolesaga me yai menio. Mu menio.

Hibru 7:25

Tama tibaso, agai nogide te God pąba asobo we bidi augwali te agai ma siyu, tama dwagi yai madiba mubo sę bugagia ebode aga usu mu dao, tede sǫą pabo meni. Magi baso meni, te agai bidibo ula sesemane sogo elalubo, tama agai gedu haluasa po te Godigo da tau somainogo wabo dao.

Kraisgo Geme Dualali Sę Pedelabo Po Jonbolo Ola Mani 6:10

Tama te noma bidi augwaligo i bomonama weyu tama wai, “Tigidali nai tonalubo Genuai Bidi, nage magi sę me esiąyu wiegi yai mu bidibo, tama nago kolesaga te mu naga ebo dao. Te tǫde we bidi augwaligo dwai sę da dali elama, tama da ela muani. Tede dago homugo nago augwali dali po tų eyu, dago kanemede augwalibolo wei ponao. Nisu naga sogo bidai madigi tama nago augwalibolo wei nisu ponaibawe?” te po wai.