Polgo Po Pas Rom Dabeba Asęani 9:8 - Godigo dwagi yai po buku

⁸ Te po page e dao, te Godigo gedude te tigigo ebo kolesagade naga pedalali wai dabe augwali te Godigo wai dabe me egobeo. Menio. Te Godigo Abraham dali dąų wali pode ame nani wai dabe, te augwali Abrahamgo hanide nogi elaluai dao.

Polgo Po Pas Rom Dabeba Asęani 9:8 Iomraidhean Croise

Tigidali Nai Gagalama Nigali Side 31:15

Tama ayago da si te digibulu we si pedalumainu ilali. Agai da side nai polo sai dao. Tiali goli, agai te nai tigidali dobola silai dao.

Godigo Nogi Ugwaba Sabo Tęąbi Po Wabo Buku Dabe 22:30

Te nosali pedalubo we bidi hani, augwaligo te agai sę yaibao. Te bidi dabego te nosali pedalubo haniba te Godide po hania pusaibao.

Godigo Nogi Ugwaba Sabo Tęąbi Po Wabo Buku Dabe 87:6

Te Genuai Bidigo te gasa hani we bidi dabe augwaligo nogi asęnama, tama augwali sisinama, tama augwali dali nedeyu, te Jerusalem we bidi dali nedaibao.

Matyu 3:9

Dagego eno pode geda siyu, dagego homude te homu me egimio: ‘Te Abraham da, te dago aya da, tama tibaso da bugagia bidibao, te dago dena homu magi baso begelaibawe,’ te wagio. Eno dagebolo te po obao, God agai da e masigi dabego te Abrahamgo wai pedala wali da te pedalobo usu yaibao.

Dwagi Yai Gesi Po Jongo Asęani 1:13

Tama augwali Godigo wai puluba gagawainogo, augwali augwa ida ayago kanemego ame nabeo. Te augwali Godigo wai te augwa tigigo homugo me ame nabe. Bidigo homugo menio. God aga digi augwali aga wai puluba pedalali dao.

Polgo Po Pas Rom Dabeba Asęani 8:14

Te Godigo Mobo Bidi wali bilibo we bidi augwali tigidali te Godigo wai dabe bidibo dao.

Polgo Po Pas Rom Dabeba Asęani 8:16

Te Mobo Bidigo digi agai dago mobo noma bidi tau siyu tama dago homu tomode hania hanilama, da te Godigo wai puluba bidibo po wabo dao.

Polgo Po Pas Rom Dabeba Asęani 8:19

Te nosali Godigo da ugwaba selama, tama da agai wai dabe te hania hanilaibao. Tama te sę yabo sogo asobo te Godigo nigali tigidali naigo tonaluyu bidibo dao, te bidi aga homu memenege eyu, tama aga wiegi yai nai asobo sogo tonalubo tiwai gilama.

Bomai Po 14:1

Mosesgo po geninama weyu, te po wali, “Dage da, te Genuai Bidi dago God agai wai puluba dao. Tialima, dage te isai bidide gela weyu da, te usu dao. Tiali goli, dagego duga tigi wali me togoyu, o duga tobolu nisi gebo badu me poayu me igio. Teda te wani yaibao, te Godigo po wali pisąbo bagego ebo gilama yaibao.

Hibru 11:11

Tama Sarago me konealubo po Godide dąų olama tama agade tiąluali. Agai wai ame nabo sogo bodolu silai madi, tiali goli agai konealubo po dąų elaluali, tama agai wai ame nabo bomo usu yai. Sarago e tiwai homu yai: ‘Godigo po dąų weyu eno wai ame naibao wai. Tama Godigo mu po naga wabo dao,’ Sarago te homu yai.