Polgo Po Pas Rom Dabeba Asęani 9:4 - Godigo dwagi yai po buku

⁴ Augwali da, te Abraham aga ogwago ogwa Jekop aga hani dao, tama Godigo augwali aga wai dabe nogi poali. Tama tiyu aga agai ula yai bomo augwali dali bidagasidu geai dao, te bidi meni yai kemi tǫ bulude. Aga digi agai dąų wali po augwalibolo madu geai. Godigo agai bomai po me augwalibolo mani. Tama agai te augwaligo agabolo lotu po wabo kolesaga te agai ola mani. Tama agai aga sa muani bidi Krais nosali augwaligo hanidu pedalaibao po augwali dali dąų walali.

Polgo Po Pas Rom Dabeba Asęani 9:4 Iomraidhean Croise

Tigidali Nai Gagalama Nigali Side 15:18

Te side digi tama te Yawego tau sabo bomai po Abram dali dąų weyu, tama agai tama po wali, “Te eno te e tǫ tigidali te nago nosali ame nabo bulai wai, te hani dabe augwalibolo mawaibao. Tama te tǫ dąį te wę sesedu te Isip dabe tǫ pedai badu gagalasa, te genuai wę Yufretis teba saboligi paibao, moni tǫ mu.

Tigidali Nai Gagalama Nigali Side 17:10

Dagego eno te dąį ilali bomai po wali pao. Dagego te duga hani bidi tigidali te tigiwali togoiąo.

Tigidali Nai Gagalama Nigali Side 17:2

Te nage dali eno dwagi yai tau sabo bomai po dąų wali po, tede eno megi usu da po weyu, tama nagebolo menama, tama eno nago hani wai dabe te umabo hauwa pedalumainu ilaibao,” wali.

Tigidali Nai Gagalama Nigali Side 17:7

Te eno nage dali me, te augwali nosali pedalubo hani dabe dali me, te eno dwagi yai tau sabo bomai po dąų walobao. Ena da, nago God me, te ena nago nosali pedelabo hani wai dabe augwaligo God me dao. Te dąų wali bomai po da, te sesemane bidada pabo sogo elalua piduaibao.

Tigidali Nai Gagalama Nigali Side 32:28

Tialima, te bidigo te po wai, “Megi da, nago nogi te Jekop ma wagobeo. Nago te God dali hwįani, tama bidi dali me hwįai, tama nago nogi ugwaba sali. Tialima, nago gesi nogi te Israel dao.”

Te Israel me Juda Hani Sigo Tuni Bidigo Po Elalubo Buku Deli 8:11

Tama Genuai Bidigo bomo yai ula te pǫde ula umabo mu eyu, tama aga te pągąna sali, tama tiyu te pris dabego augwa sę yabo usu meni yani.

Nehemia 13:29

Tama tialima, God, nago te pris dabego te yali dwai kolesaga homu koneao. Augwaligo te pris hani te nago gedude meda ilali. Tama nago te pris me Livai hani dabe dali dų walali bomo yai po te augwaligo dolalio.

Godigo Nogi Ugwaba Sabo Tęąbi Po Wabo Buku Dabe 147:19

Agai aga po te Jekopba mawai. Awe, te po dabe me, bomai po me, agai te Israel dabeba mawai dao.

Godigo Nogi Ugwaba Sabo Tęąbi Po Wabo Buku Dabe 63:2

Eno nage te naga mena wiegi yai bede mu suabo homu elama, tama eno homugo te nago genuai bomo te enabolo ola momainu homu yali, tama nago genuai nogi yai ula me te ola momainu yai.

Godigo Nogi Ugwaba Sabo Tęąbi Po Wabo Buku Dabe 73:1

Godigo te Israel dabeba wiegi yai mu yai. Godigo te wiegi yai haliga elalubo we bidi dabeba te wiegi yai sę mu ebo dao.

Godigo Nogi Ugwaba Sabo Tęąbi Po Wabo Buku Dabe 78:61

Tama agai te boi bidi dabego te dąų walali bomai po muani halobage, te bokis kontrak, sela pomainu ilali. Te bokis halobagede augwaligo te agai bomo me ula suali.

Godigo Nogi Ugwaba Sabo Tęąbi Po Wabo Buku Dabe 89:3

Nago te tama po wali, “Eno te bidi me deli sa muai da,” wali, “tama eno dąų wabo po me deli aga dali wai dao,” po wai. “Eno ena sę bidi Devitba po dąų walalio,” po wai.

Godigo Nogi Ugwaba Sabo Tęąbi Po Wabo Buku Dabe 89:34

Tama eno aga dali te dąų walali bomai po te kontrak me tagalisiąma, tama eno te ena po deli me hasegeliyu me egobeo. Mu menio.”

Godigo Nogi Ugwaba Sabo Tęąbi Po Wabo Buku Dabe 90:16

Nago te naga bomai sę dabe te naga sę bidi dabolo ola mao. Nago te wiegi wiegi yai bomo te dago nosali pedalubo wąį nǫų dabebolo ola mao.

Ma Dobola Sali 12:25

Tama dage te Genuai Bidigo po dąų weyu, dage mawaiba wali te tǫba bidigi pabo sogo me, tama dagego te Godigo dage tagalama ela soali side te nai tuao.

Ma Dobola Sali 34:27

Tama Genuai Bidigo Mosesbolo e tiwai po wai, “Nago te po dabe te buku me delide asęao, magi baso meni, te tigidali po nage dali, me te Israel dabe augwali dali, te po dąų wali page e dao.”

Ma Dobola Sali 4:22

Nosali nago tuni bidi dali eno po weyu, ‘Te Genuai Bidi agai tiwai po wabo dao, “Israel hani te eno hasia wai, te gomunai ogwa tiwai dao.

Ma Dobola Sali 40:34

Tama te ugwa be sę silibo si, teda Genuai Bidigo pǫgo te ugwa be mesega sagaselama, tama aga genuai bomo yai ulago te be pągąna sai dao.

Aisaia 41:8

“Tialima, dage Israel, dage te Jekopgo hani da, eno dage sa muyu, dąį ilama, te dage eno sę bidi bidibao. Dage te bulai wai eno abagi Abrahamgo hani dao.

Aisaia 46:3

“Tialima, dage dwasianu Israel te bidibo hani, dage te Jekopgo hani, dage hani eno selama, te bugagia negeyu tonaluali, te dage gesi hani we bidi pedelali sogo gagalasa, tama tiali, dagego odao.

Aisaia 5:2

Agai tǫ elama, tama masigi tigidali sela sąwai dao. Tama dwagi dwagi yai wain nologo bulali. Te gi tomode agai be sęani, te aga tede bidiyu, te gi tonaluainu. Tama te masigi pesage me delide agai te wain du mimiabo digi te nai nigali, tǫ dedage nigali. Tigidali sę silibo si, agai te homu yali, ‘Eno ni wain du bugagia mu walaibao,’ homu yali. ‘Tama wain du pusu mu yaibao.’ Tiali goli, meni. Te ni dabe du bugagia me walobeo. Tama te du dabe dwasianu mu elama, tama pedauwalide ha yali.

Aisaia 60:19

“Te giligago nageba te bubugade ula mayu, elalubo tiwai munu me elalusiąyu, te poluago me nageba ula mayu, me egobeo. Menio. Genuai Bidi ena digi ena te giliga tiwai, me polua tiwai ula elalu, te eno sesemane nageba ula maduaibao. Te ena, nago God, ena te genuai ula elalu, te nago au ilibo nai elalubo dao.

Jeremaia 31:20

Ena Genuai Bidi, eno te po obao, eno Efraim te godolo mu yali, aga eno ogwa dao. Tigidali sogo eno aga nogi wedu, eno agade homu kone yai. Eno haliga agaba mu mudubadi ebao. Tialima, eno olo tau sabo wiegi yai kolesaga agaba yai dao.”

Jeremaia 31:33

Tialima, eno te Israel we bidi dali dąų wainu ebo bomo yai po e tiwai elalubao. Te eno bomo yai po augwaligo homude munama, te augwaligo haligade te bomo yai po asębo tiwai yaibao. Te ena augwaligo God bidiyu, te augwali eno we bidi hani dabe bidalueibao.

Jeremaia 31:9

Te eno augwali odasa asobo sogo, augwa gela weyu, enaba gedu haluasa po weyu, tama asaibao. Te eno augwali dodolo asu, te augwali eno wiegi yai wę elalubo pesageba pedelama, te eno augwali doloba pai sunumidu odasa asu, te augwali me tula mugobeo. Eno te tama tiwai yaibao, magi baso meni, ena te Israel hani dabego Aya bidibao, tama Efraim te eno gomunai wai tiwai dao,” wali.

Esekiel 1:28

Tama te ula te dagalude unigi bidi elalubo tigi poai tiwai hauwa elaluali. Te ula ebo eno suali, te ula te God agade digi genuai ula asobo tiwai yai dao.

Hosea 11:1

Genuai Bidigo po wadolama weyu, te tiwai wali, “Te Israel dabe te dwasianu ogwa wai tiwai digi, eno aga godolo mu elama, te eno aga i olama, te Isip taga soao olama, te eno ogwa bidalio.

Israel Hanigo Namba 7:89

Tama te Moses te Godigo ugwa beba te Genuai Bidi dali po miainogo tula pabo si da, teda agai te Genuai Bidigo penanedu po wabo agai te sęgę sela sąbo be tomode po wabo odali, te kontrak halobage ugwadu daide te ensel bidi piksa noma si tomode.

Matyu 21:33

“Dagego te gasa po digi po begelama wali po me odao. Bidi me deligo genuai tǫ elalubo bidigo agai te bono du wain gi bulama, tama obo bagulali. Tama te gi tomode agai te wain bono du agayabo te tank nai nigilali, tama te gi tonalubo bidigo bobobage be me me deli sę yani. Tama agai te gi te sę yabo bidi meba augwaligo nogoba muani, te augwaligo te gi tonalubo sę eyu, te gi nai meba naga somainogo yai. Tama te gi page bidi aga digi digibulu bulu me deli teba pai.

Dwagi Yai Gesi Po Jongo Asęani 1:17

Te bidi nogi Moses agai da Juda dabego wąį mu augwalibolo agai Godigo bomo yai po ola mawai. Tiali goli, Jisas Krais agai genuai olo tau sabo sę dali mu po dali si magasai.

Dwagi Yai Gesi Po Jongo Asęani 1:47

Jisasgo Nataniel aga pageba asobo suali. Tama Jisasgo te bidi dabebolo tama wali, “Suiąo. Te asobo bidi aga Israel bidi mu dao. Tibo po aga homude me elalubo meni.”

Godigo Sęba Tagala Palai Bidigo Po 2:39

Tama Godigo polobadu mawaibao olama polo dąų walai po dagebolo me, te duga ogomani dabe nosali ame nabo tebolo me, tama te digibulu bidibo we bidibolo me, te dago Genuai Bidi God aga pąba i wabo we bidi tigidalibolo me, agai te tigidali we bidibolo aga Dwagi Yai Mobo mawaibao,” Pitago te po wali.

Polgo Po Pas Rom Dabeba Asęani 3:2

Tegoba! Te wiegi yai haniani sęde te Juda dabe augwaligo te gasa hani bage aiyaba elalubo dao. Te hasia nai e dao: Godigo agai wiegi yai po te Juda dabe augwaligo bugagia tonalumainogo mawai dao.

Polgo Po Pas Rom Dabeba Asęani 8:15

Magi baso meni, te Godigo dagebolo mani Mobo Bidi da, te dage olo sę ebo bidi bidiyu God ma wi ilibo Mobo Bidi meni. Te menio. Te mani Mobo Bidigo dage Godigo wai dabe ilibo Mobo Bidi dao. Te Tedali Mobo Bidigo dago i olama tama Godibolo “Aya, Aya” wabo dao.

Polgo Po Pas Rom Dabeba Asęani 9:6

Te eno hani Juda bage augwali hauwago Krais tudiba muai goli, te Godigo polobadu dąų wali po te olo hagabo tiwai me egobeo. Menio. E tiwai dao, te Jekop aga nogi me Israel, te bidi aga hanide pedalali bidi augwali tigidali te Godigo hagea sali Israel dabe mu me ebo meni.

2 Korin 11:22

Augwali te Hibru dabe da wida, teda ena me te Hibru bidi dao. Augwali te Israel hani bidi dabe da, agawe? Teda, ena me ena te Israel hani bidi da. Augwali te Abrahamgo bulai wai hani da, agawe? Teda, ena me ena te Abrahamgo bulai wai hani bidi mu dao.

Galesia 3:16

Tama Godigo agai po dąų weyu, tama Abrahambolo te tobage po wai, “Eno nage dali, nago wąį me deli dali, te dage sibolo dwagi yai sę yaibao,” te po dąų weyu wali. Tama Godigo wali po bukude augwaligo te po asębeo, “nago wąį dabe,” te bidi hauwa badi wabo menio, te wąį bidi deli nagade Godigo agai dąų wali po wai dao, tama te wąį deli te Krais naga dao.

Efesus 2:12

Tama polobadu dage te tiwai bidibadi, te dagego Krais aga de dawe, te dagego konebeo. Dage te Israel bidi hani bulu badu bidaluai, te dage God agai hagea sai we bidi hani meni. Te God agai te da Israel we bidi dali dwagi yai sę nosali yabo po olama, tama dabolo polobadu mu pusai dao. Tama te pogo bomo te Godigo dena wąįbolo mu dąų wali po te dao. Tiali goli Godigo dage Israel hani isiąwai we bidi dali te tobage tau sabo dąų wali po wabeo. Tama dage tǫde bidibadi dage dwagi yai homu eyu, te Godigo dage dali wiegi yai sę yabo sogo tonaluai menio. Tama dagego God konesiąwai bidai dao.

Bomai Po 14:1

Mosesgo po geninama weyu, te po wali, “Dage da, te Genuai Bidi dago God agai wai puluba dao. Tialima, dage te isai bidide gela weyu da, te usu dao. Tiali goli, dagego duga tigi wali me togoyu, o duga tobolu nisi gebo badu me poayu me igio. Teda te wani yaibao, te Godigo po wali pisąbo bagego ebo gilama yaibao.

Bomai Po 29:1

Te Genuai Bidigo Israel dabe dali te kantri Moapde dąų wali po page dabe te e dao. Agai te Israel dabe dali kontrak po dąų wali po wadolama, ma wali, te Sainai bulu dude polobadu wali po.

Bomai Po 29:14

Godigo te kontrak o dąų wabo po da, megi aga gedude megi e dolalubo we bidi dabe da dali naga dąų walobeo. Menio. Agai dago wąį nosali pedalabo wai dabe dali me te ebao. Tama da tigidaligo wali paibao olama dąų wao,” Mosesgo te po wai.

Bomai Po 31:16

Tama Mosesbolo Genuai Bidigo te po walali, “Pąde tama nage isaibao. Tama nosali te Israel we bidigo eno augwali dali dąų wali po togolama, ena tagalaibao, te bidi me aga we tagalama, te penani ebo weba pabo tiwai gilama. Tama tiyu augwaligo ena tudiba togolama, tama augwaligo tibo godiba lotu po waibao, te augwaligo megi sigi painogo ebo te bulude bidiyu tiaibao.

Bomai Po 4:13

Tama te sogo agai nogo si bomai po dagebolo menama, tama agai masigi sawali side asęai dao. Te bomai po te agai dage dali te po dąų waliyu, te tama tiai dao. Tama agai dagebolo te bomai po wali piąo po wai dao.

Bomai Po 7:6

Dagego tama tiao. Magi baso meni, dage da God dago Genuai Bidi aga we bidi dao. Te tigidali tǫde we bidi hani tomode agai dage deli naga sa munama, dage agai doloba pai we bidi dao,” wali.

Hibru 9:1

Te hasia dąų wali pode te Godigo te lotu wabo bomai po meba mawai. Tama te lotu wabo be, te me e tǫde sę yai elaluai dao.

Hibru 9:10

Magi baso meni, te tiwai Godibolo maiabo ofa te tubo nai tiwai eyu, te tubo ąį tiwai yali, tama haniani wę paubo gagawai yai. Te e tigide bomai po naga dao. Godigo te tigidali bomai po muani te augwaligo wali peyu, te agai tigidali nai gesi nigilama dodolobo sogo usu nigi paibao.

Hibru 9:5

Tama augwaligo te kapa gol meba selama, tama te golgo augwaligo te wiegi yai au yai ensel mobo bidi si tiwai nigilama, tama te halobage ugwadu daide munama elaluai, tama te ensel mobo bidi sigo te God bidibo pesage ede da olama sa muani. Tama augwaligo te ensel mobo bidi si e tiwai nigali, augwa bogo dabe ugwaba dodolali, te bogo dabe dologode te polalubo pris bidigo kaneme gelama, te Godigo te Israel we bidi dabego sęgę sela sąbo pesage elaluai. Tiali goli megi eno te sę page tigidali haninibo te usu me egobeo.

Hibru 9:6

Augwaligo te tama tiwai nai dabe nigilama, te tigidali sogo te pris dabe augwali te polalubo ugwa be habu tomoba pelama, tama augwaligo te augwa sę egi pidu geai dao.