Polgo Po Pas Rom Dabeba Asęani 6:3 - Godigo dwagi yai po buku

³ Da te Krais Jisas dali tiasiyu tama baptais sali, te kolesagade da tigidali te aga isalide me tiasiyu tama baptais salio. Te sęde dagego homugo me konebewe?

Polgo Po Pas Rom Dabeba Asęani 6:3 Iomraidhean Croise

Matyu 28:19

Tama tibaso, dage pelama, tigidali we bidi hani ena wali asobo we bidi pedelao. Tama dagego augwali te Aya me Ogwa me Mobo Bidigo nogide baptais mao.

Godigo Sęba Tagala Palai Bidigo Po 19:5

Tama te Efesus bulude bidali Jisasgo po wali pabo hani we bidi dabe augwaligo te po odama, augwali Jisas wali po baso, baptais sali.

Godigo Sęba Tagala Palai Bidigo Po 2:38

Te Pita agai augwalibolo te po wai, “Dage tigidali deli deli dabego tigidali dwai sę dabe tudiba togolama, tama homu begelama, Jisasgo nogide baptais sao, te Godigo dagego dwai sę sela sąnama, boi bidi egobe weyu yao. Tama tilama, Godigo aga Dwagi Yai Mobo dagebolo mawaibao.

Godigo Sęba Tagala Palai Bidigo Po 8:16

Tama tega augwali sigo koneai, augwaligo Jisasgo nogide naga baptais sai dao.

Polgo Po Pas Rom Dabeba Asęani 6:16

Te dagego duga tigi te bidi me deligo nogoba menama tama agai po naga wali pobaso da, teda dage agai sę ebo bidi bidibo dao. Koneaniwe? Ma dage te dwai sę ebo kolesagago sę bidi bidiyu tama dage agade duga noma mu isabo sę saibao. Ma dage Godigo po odoyu tama te pogo sę ebo bidi dabe bidiyu tama dage doloba pai kolesaga eyu bidibo dao.

Polgo Po Pas Rom Dabeba Asęani 6:8

Awe, da Krais dali isali tiwai gilama yaligo da, teda dago konealubo po dąų mu weyu e homu ebo dao, te da aga dali hodobo te gesi noma bidibo ulade me da bidaibao.

Polgo Po Pas Rom Dabeba Asęani 7:1

Eno ama dedeo, eno e po dage te bomai po bugagia koneani bidibolo obao. Te bidi bidibo ula elaluyu bidibadi, te sogo naga aga te dago elalubo bomai po dologode bidao wabo dao. Eno homugo dagego te tiwai ebo kolesaga koneani homu yalio.

1 Korin 10:2

Tama tigidali augwali te pǫde tamu ąį side baptais sali tiwai yali, tama te baptais saligo augwali te Moses wali pomainogo sa muani.

1 Korin 12:13

Tama da me te tiwai elalubao. Te da meba te Juda hani da, da meba te Juda hani bidi ąǫ isąwai bage dao, meba te masigi sisąbo olo sę ebo we bidi da, meba olo sę isiąwani we bidi dao. Tiali goli te Tedali Mobo Bidi delide naga da tigidali te baptais selama tama deli tigi poaį naga pedelali, tama Godigo te Tedali Mobo Bidi deli naga dabolo mawai dao.

1 Korin 15:29

Edao. Te Godigo te bidi dabe te gų pagede ma hodaluaibao po te mu po menigi sogo da, magi baso te meba bidibo bidigo te isali bidi tau somainogo eyu baptais sabo dawe? Te mu tama te isai bidi munu me ma hodalugobe da weyu da, teda magi baso te isai bidi dabe tobade te bidibo bidigo augwali tau somainogo eyu baptais sabo dawe?

1 Korin 3:16

Dage da te Godigo wiegi yai lotu be tiwai dao, tama te Godigo Tedali Mobo Bidi te dage tomode bidibao, bidi aga bede bidibo tiwai bidibao. Tama te dagego me konebewe?

1 Korin 5:6

Te dage tomode te bidi me deligo te dwai penani sę idubao, tama dagego tede hagoma ebo kolesaga ebao, te dwali. Te aga dage dali me bididubadi, te aga te tubo nai bret bo dabo nai yis tiwai dao. Te dwasianu yisgo te tigidali bret bo domainu ilibo dao. Te dagego konesiąyu ebawe?

1 Korin 6:19

Te dagego tigi da, te homude Godigo Tedali Wiegi Yai Mobogo be elalubao, te dagego konebewe? Godigo te Tedali Wiegi Yai Mobo te dagebolo manio, tama te Mobo dage tomode bidibao. Dage te dugade digi me elalubo meni.

1 Korin 6:9

Te dwai kolesaga ebo bidi dabe, augwali te augwali Godigo te we bidi tonalubo bomo tomoba me pogobeo. Te dagego konebewe? Tiyu dagego te duga homuba digi tibo po ola maiabuo. Te penani sę kolesaga ebo bidi dabe me, tama te tibo god wali pabo bidi dabe me, te we sabo kolesaga dolobo bidi dabe badi, tama te we dali ebo kolesaga tiwai eyu godolo ebo bidi dabe me, tama te hale ebo kolesaga te gasa bidi dabe dali ebo bidi dabe me,

1 Korin 9:13

Te Moni Lotu Be tempel, te bede sę ebo bidi dabe, augwaligo te bede augwa nai sela tubo dao. Tama tiyu te Juda we bidi augwaligo te Godibolo maiabo nai magaselama, tama te be tomode te alta saide te nai Godibolo mabo sę ebo bidi dabe augwaligo da te alta saide ulubo nai hasa mi meba te sela tubo dao. Tama tiyu augwaligo augwa nai abelebo menio, te augwaligo Godigo sę ebode augwa nai tama sabo dao.

1 Korin 9:24

Megi eno te po digi po begelama obao. Te udabo ususu si ebo bidi dabe te tigidali augwali udulama, tama te geanani bidi deligo naga te dwagi yai nai sabo dao. Te dagego konebewe? Tialima, dage me te tiwai bomonama Godigo po bugagia mu wali piąo, agai te dagebolo dwagi yai sę emainogo yao.

2 Korin 13:5

Dagego sesemane sogo duga digi duga homu usu sela suyu, te duga homu tigidali Kraisba munama agaba homu tialubowe, ma meni yani, te bugagia koneao. Duga digi duga dagalao. Te bidi Jisas Krais dagego homude bidibo te dagego konebewe? Te meni wida, teda dage usu selama, te usu niba kadu wabeo.

Galesia 3:27

Tama dagego duga homu tigidali Kraisba munama tama baptais selama, tama dage aga dali wadolama tama bidibao. Tama bidiyu, bidi aga gudubo ugwa gudubo tiwai eyu, dagego Kraisgo digi homu kolesaga duga homude dąų walao, te dagego te homu kolesaga wali pomainogo tama yao.

Jems 4:4

Dage te penani ebo we tiwai dao, te we aga bidi dali bidisiąyu, gasa bidi dali penani ebo tiwai dao. Niwai bidi agai e tǫde ebo kolesaga naga godolo eyu da, teda te bidi aga God dali boi bidi homu ebo dao. Te dagego konebewe? Tama tiyu, niwai bidi agai te tǫde kolesaga ebo bidi dabe dali abagi weyu, te bidigo aga digi te God dali boi bidi gagawai.

1 Pita 3:21

Tama te ąį te augwaligo dage baptais mani ąį tiwai dao. Tama Jisas Krais aga te gų pagede ma hodalobaso, Godigo te baptais mani ąįgo dage tau siyu ma dobola sali. Te ąįgo te dagego tigide elalubo meda sela sąyu, tama dage tau siyu ma dobola sabo menio. Te meni. Te dagego te doloba pisiąwai sę idali weyu, tama dagego Godibolo te da tau sao po weyu, tama augwaligo dage baptais mawai dao. Tama te tiwai ebogo dage tau siyu ma dobola sabo dao.