Polgo Po Pas Rom Dabeba Asęani 16:1 - Godigo dwagi yai po buku

¹ Eno homugo te dago abe Fibi aga dage bidiboba sabalobo si dagego aga selama, tama agabolo wiegi yai sę bugagia yao. Agai te ede Senkria bulude Godigo po odobo we bidi tau sabo sę ebo dao.

Polgo Po Pas Rom Dabeba Asęani 16:1 Iomraidhean Croise

Matyu 12:50

Eno Aya dagalude bidibo bidi agai homu wali pabo we bidi da, te eno ama dabe me, abe dabe me ida dabe dao,” Jisasgo te po wai.

Dwagi Yai Gesi Po Makgo Asęani 10:30

teda Godigo augwaliba te tobage nai te 100 nedama tama wei ponaibao. Tama augwali te tǫde bidalubo sogo teda augwaligo be hauwa siyu, te ama me hauwa siyu, te abe me hauwa sobadi, te ida me hauwa sobadi, te wai puluba me hauwa siyu, te gi me hauwa sobadi yaibao. Tama te bidi mebago te dwai kolesaga hauwa augwaliba yaibao. Tama te nosali bidabo sogo augwali te sesemane bugagia bidada peyu, bidada pabo ula me saibao.

Dwagi Yai Gesi Po Lukgo Asęani 8:3

We me nogi Joana, Herotgo bede sę ebo genuai bidi Kusago we dao. We me nogi Susana. Me badu we dabe hauwago augwa monego Jisas me, Jisas aga dali bilibo bidi dabe me tau sali.

Godigo Sęba Tagala Palai Bidigo Po 18:18

Te bidi Pol aga te Jisasgo po wali pabo hani dali hauwa sogo bidali, te Korin be nanide. Tama nosali agai augwali taga soali. Agai te Prisila dali, Akwila dali augwali sela te Siria tǫba pabo gagalali. Tama Senkria be naniba tǫdu sabolama, tede Pol agai Godibolo bodolu mawai. Aga tobolu nisi poayali, te bodolu mani po dąų omainu yai.

2 Korin 3:1

Eno te da bidi sigo ebo sęde te tobage po asębaso, tama dago megi ma gagalama te dena nogi ugwaba ma sainogo ebawe? Menio. Gasa bidi dabe, te dagebolo tibo po ola mabo bage, augwali dageba asiyu tama pas dagebolo mani. Augwali gasa bulude bidibadi, tama augwaligo te bulu page bidi dabebolo te tobage po wai, “Te Korin bagego da koneyu, da dali dwagi yai homu emainogo eyu, tama dagego augwalibolo tolabo pas asęyu dago nogoba muao,” te po olama, tama te tobage pas dageba tolasa asai. Me ma, augwaligo dage tagaliyu gasaba pai hagede, augwaligo homugo dagego me te tobage augwali tau sabo pas asęąo wai. Te bagego te augwa nogi ugwaba sabo kolesaga ebo dao. Tiali goli ena dali Timoti da sigo te tobage tau sabo pas mao po dagebolo wabeo. Menio.

2 Timoti 5:2

Tama nago te mosi dabe dodoloyu, te naga ida mosi dabe dodolubo tiwai gilama yao. Tama nago te gesi we dabe dodoloyu, te naga abe dodolubo tiwai eyu, te wiegi yai dolo homu naga ebadi augwali dodolao. Mena bidi nago dwai sęde dodolabo homu ebo bidi, nago sesena pai homu eyu dodologio.

Filemon 1:2

Tama da sigo e po te we Apiabolo me, te bidi Arkipusbolo me asęai. Tama Arkipus agai te we bidi tau sabo sęde te aga bomo eyu te tau sabo sę ebo dao, ami bidigo bomo eyu hwįbo te tiwai ebo dao. Tama da sigo nago beba sisinibo Godigo po wali pabo we bidibolo me e po asębao.

Jems 2:15

Tama tiyu, ama me abe augwali te ugwa dwai eyu, tama tuabo nai me menio.