Polgo Po Pas Rom Dabeba Asęani 15:3 - Godigo dwagi yai po buku

³ Te Kraisgo me, Krais aga digi aga homu wali me pabeo. Te meni. Te we bidi augwaligo agade nogi posobo po wali goli, aga Godigo homu naga wali pali. Te agade pedalali kolesaga te bidi mego Godibolo polobadu wali po tiwai gilama yai. Te bukude asęani po e dao: “Te God, te bidi dabe augwaligo nagebolo wabo dwai po wabo, te augwaligo dwai po wabo te po asiyu ena mesegelai dao,” te po asęani, tama te Kraisde usu nagasai dao.

Polgo Po Pas Rom Dabeba Asęani 15:3 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 69:20

Te po dwai wabogo eno homu kolesaga dolama, tama ena haliga sęgę umabo mu elalumainu yai. Tama eno bomo meniyu, me elalubeo. Eno homugo te bidi mebago ena homu dene yaiba homu yali, tiali goli me deli meni yai. Tama eno homugo te bidi mebago te enabolo te haliga dąų walobo wiegi yai po meba mayu, waiba homu yali, tiali goli, te menio.

Godigo Nogi Ugwaba Sabo Tęąbi Po Wabo Buku Dabe 69:9

Eno te nago tedali wiegi yai be te godolo mu elama, tama eno te be wiegi yai bugagia elalumainu, te sę bomo ebao. Te bidi dabego nageba wabo dwai po, tama te po enaba me boaga sobao.

Matyu 10:25

Tama te skul ogomanigo te aga tisago ebo kolesaga tiwai ebo usu ebaso da, te usu dao. Tama te sę ebo bidigo aga tonalubo bidigo kolesaga tiwai ebo usu ebo si da, teda te me usu dao. Te augwaligo te nogi posobo po weyu, ‘Nage te dwai haubo bidigo tobolu bidi Belsebul dao’ po te hani tobolu bidibolo obaso da, teda dago koneao, te augwaligo dwai dwai nogi weyu posobo po wabo te aga dali bede bidibo bagebolo mu waibao,” Jisasgo te po wai.

Matyu 26:39

Tama aga dwasianu gana obaba pelama, tama aga pabo gesabidiba degasa dulama, tama gedu haluasa po weyu, bomonama te po wai, “Eno Aya, te usu da wida, teda nago enade te elalubo kap dagala sąyao. Tiali goli nago eno homu kolesaga wali me pelamuo. Menio. Nago naga homu kolesaga naga wali pao,” wali.

Matyu 26:42

Aga si sogo ma pelama, gedu haluasa po te aga dene sabode te tiwai po wai, “Eno Ayao, tama te kapgo ena ela soabo usu me egobe da homu elama, tama eno te kap selama, te ąį tumai da wida, teda nago naga homu kolesaga wali naga pao.,” te po wai.

Matyu 27:44

Te nai wi sai bidi me si augwaligo te Jisas walali ni pedaide pąde ela daganai, te bidi sigo me te tiwai dwai posobo po naga agabolo walio.

Dwagi Yai Gesi Po Jongo Asęani 15:10

Tama dagego eno bomo yai po bugagia wali peyu da, teda dage eno te godolo mu ebo kolesaga tomode bidaibao. Eno ena Ayago bomo yai po bugagia wali peyu, tama agai dwagi yai homu eyu, godolo mu ebo kolesaga tomode ena bidibo dao. Tama dagego tebo gilamao.

Dwagi Yai Gesi Po Jongo Asęani 15:24

Haniani sę polobadu gasa bidigo esiąwani sę, te sę eno augwali tomode yai. Tialima eno te sę me esiąyu da, te augwali sęgę me sigi menio. Tialima, megi augwaligo te eno yali sę sulama digi, tama augwaligo ena dali, eno Aya da si talua si dali boi bidi yabo homu ebo dao.

Dwagi Yai Gesi Po Jongo Asęani 4:34

Jisasgo augwalibolo te po wai, “Eno nai da, e tama dao: eno ena tagala palali bidigo homu wali pabo dao. Tama eno agai ena nogoba muani sę polo silaio,” Jisasgo te po wai.

Dwagi Yai Gesi Po Jongo Asęani 5:30

Eno homugo digi eno te sę ebo usu egobeo. Eno Godigo wali po naga wali pelama, tama eno po tų ebo dao. Tama tibaso, eno po tų ebo sę te dolo mu ebo dao. Magi basowe? Eno sę ena homugo me ebo menio. Te ena tagala palali bidigo homu eno wali pabo dao,” Jisasgo te po wai.

Dwagi Yai Gesi Po Jongo Asęani 6:38

Magi basowe? Eno dagalu tagalama, e tǫba dulali, te eno homu kolesaga wali painogo asobeo. Menio. Ena e tǫba dulali, te ena tagala palai bidigo homu ena wali pomainogo asai.

Dwagi Yai Gesi Po Jongo Asęani 8:29

Agai ena tagala palobaso, ena asai, agai ena dali bidibao. Agai ena tagalama, enaduba bidibo menio. Magi basowe? Eno ebo sę te God agai godolo yabo sę naga ebo dao,” Jisasgo te po wai.

2 Korin 8:9

Magi baso meni. Dagego te dago Genuai Bidi Jisas Kraisgo olo tau sabo wiegi yai kolesaga ebo sę koneai. Aga God dali hodobo bidiyu, tama genuai nogi dali, bomo yai ula dali si umabo elalubadi, tiali goli agai dage tau somainogo eyu tama aga magi nai meni yai bidi pedalali. Tama aga te magi nai meni yai bidi tiwai pedalaligo te dagebolo te God dali bidiyu bomo yai ula umabo sabo tų dawai dao.

Filipai 2:5

Dagego elaluabo homu kolesaga te Krais Jisasgo elaluali homu kolesaga tiwai gilama yao. Te kolesaga e dao:

Filipai 2:8

Aga digi aga nogi aiyaba munama, tama Godigo po wali peyu, tama augwaligo aga ela muabo sogo usu nagasai, te dwai ni pedaide naga isali.