Polgo Po Pas Rom Dabeba Asęani 13:6 - Godigo dwagi yai po buku

⁶ Tama tede naga dagego te takis me abelebo dao. Magi baso meni, te gavman bidi dabe augwali te Godigo sę bidi bidibaso, tama sesemane sogo augwaligo bomo elama te sę naga tonalubo dao.

Polgo Po Pas Rom Dabeba Asęani 13:6 Iomraidhean Croise

2 Samuel 8:5

Te sogo te Damaskus bulude bidali Siria dabe, augwali hogodama, te king Hadateser dali hwįbo tau sigi pali. Tiali goli, Devit dali, aga ami bidi dabego dali, te Siria ami bidi dabe te bidi sese umabo, te 22,000 bidi ela muani.

Tuni Bidi Dabego Po Elalubo Buku Deli 18:14

Devitgo te tigidali Israel habu badu tonalu, te wiegi yai doloba pai kolesaga tigidali we bidiba yalio.

Esra 4:13

Tama tialima, king, odao. Te augwaligo te taun dali te obo dali ma nigibaso da, teda te Juda dabego nageba te haniani takis mone me magobeo, tama tiyu nago te bulu tǫ pedai kantri tonalu tau sabo mone sǫą paibao.

Esra 4:20

Polobadu te bomai king dabe te Jerusalemde bidiyu, tama augwaligo te wę Yufretis te badu provins dabe tigidali badu tonaluai. Tama augwaligo te we bidi tigidalide takis mone sai dao.

Esra 6:8

Tama tialima, eno megi po bomo elama, dagebolo obao. Dagego augwali te be sę ebo sę tau siąo. Dagego te sę ebo bidi dabe maiabo mone dodoliyu, tama augwali te sę yabo nai dabe abelainu ebaso da, teda dagego mone augwalibolo polo mayu yao. Dagego te mone te duga te wę Yufretis u badu provins dabede bidibo bulu bidi hanigo te mubo takis mone selama, tama te sę yao. Dagego te tama tiyu da, tama te sę me tulalugobeo.

Nehemia 5:4

Tama hani mebago te tiwai po wali, “Dago me te dena abagi dabede te negeli selama, te kingba takis maiabo mone sai. Tama dago te negeli wei ponesiąbaso da, teda te abagi dabego te dago tǫ me wain gi saibao,” wai.

Dwagi Yai Gesi Po Lukgo Asęani 23:2

Augwaligo gagalama, Jisas tų ela mayu, te bidi Pailat gesabide. Augwaligo te po wai, “E bidigo da hanigo ebo kolesaga dolali. Jisasgo da dabe weyu, dago gavman tuni bidi Sisarbolo takis masigi magio homu ebo dao. Tama Jisasgo dabolo habu selebo po weyu, te po wai, ‘Ena da, Godigo sa muyu asaibao wali bidi Krais dao. Te ena tuni bidi dao,’ Jisasgo te po wai dao,” augwaligo te po wai.

Polgo Po Pas Rom Dabeba Asęani 12:8

Bidi mego te bidi dabe augwali homu hodolobo kolesaga elalubaso da, teda agai te augwali homu hodolobo sę mu yao. Te Godigo hani we bidi tau somainogo aga nai dobabo bidi, aga dwagi yai homu eyu agai nai hauwa augwalibolo mao, te agai nai yogo homu elamuo. Te polalubo bidi, te agai homugo te sę mu yao. Te gasa bidi homu dene eyu tau sabo bidi, te bidi me agai homu pemene wiegi yai elama tama aga tau sao.

Polgo Po Pas Rom Dabeba Asęani 13:5

Tama tibaso, da te gavman bidi dologode bidao. Da te Godigo sębę geda somainogo ebode naga tama te gavman bidigo po wali pigio. Menio. Dago homugo te kolesaga ebo te dolo dao te tiwai homu yao.

Polgo Po Pas Rom Dabeba Asęani 13:7

Dagego te bidi dabe augwalibolo te haniani negeli elalubaso da, teda dagego te augwalibolo mao. Te haniani takis, te maket takis dali, kaunsil takis dali, te tobage negeli te tedali tedali takis mone sabo bidi dabebolo mao. Dagego te gavman dabede deli dologode bidabo negeli elalubao. Tama tibaso, dage augwali dologode bidao. Dagego te gavman bidi dabe nogi ugwaba sabo negeli elalubao. Tama tibaso, dagego augwaligo nogi ugwaba sao.