Polgo Po Pas Rom Dabeba Asęani 13:5 - Godigo dwagi yai po buku

⁵ Tama tibaso, da te gavman bidi dologode bidao. Da te Godigo sębę geda somainogo ebode naga tama te gavman bidigo po wali pigio. Menio. Dago homugo te kolesaga ebo te dolo dao te tiwai homu yao.

Polgo Po Pas Rom Dabeba Asęani 13:5 Iomraidhean Croise

Kolesaga Koneai Bidigo Pusali Po Elalubo Buku 8:1

Te kolesaga page mu konea pali bidigo naga te mena ebo page mu koneaibao. Tialima, dego mu te kolesaga page mu koneai bidi aiyaba elalueibawe? Te bidigo gesabi hulia sobaso da, teda wiegi yai homu kolesaga igulubaso, te aga gesabidi ula ma ebo dao.

Kolesaga Koneai Bidigo Pusali Po Elalubo Buku 8:2

Eno te tama po obao, nago te kingo po wali pao. Nago te Godigo gedude te bomai po dąų waliyu, nago te kingo wabo po wali paibao po wai dao. Nago te bomai po dąų wali te homu kone palama, tama nago te kingo po me sela sąnamu dao.

Godigo Sęba Tagala Palai Bidigo Po 24:16

Tama tigidali sogo eno tigidali we bidibolo dwai kolesaga ebo ena mu hagelabo. Eno Godigo gedude me, we bidi tigidaligo gedude me dwagi yai kolesaga naga yai hagede, eno te sę bomo ebo da,” Pol agai te po wai.

Polgo Po Pas Rom Dabeba Asęani 13:6

Tama tede naga dagego te takis me abelebo dao. Magi baso meni, te gavman bidi dabe augwali te Godigo sę bidi bidibaso, tama sesemane sogo augwaligo bomo elama te sę naga tonalubo dao.

Hibru 13:18

Dagego gedu haluasa po Godigo da tau somainogo weduao. Dago homugo koneani, te da God gedude dolo bidibao. Tama da tigidali sęde dolo bilabo homu ebo dao.

1 Pita 2:19

Tama tiyu, te dagego genuai bidi me deli agai dage dali dolo sę esiąyu, dene mayu da, teda dage Godigo homude homu konea peyu te sęgę bugagia tolao. Tama dage tama tiyu da, teda God agai dage dali dwagi yai homu yaibao.

1 Pita 3:16

Tialima, te po page agabolo ola mobadi dagego wado po wagio. Te meni. Dage te nagamea pai homu kolesaga elama, tama aga dologode bidiyu, te konealubo po page agabolo ola mao. Tama timainogo dage te doloba pai kolesaga naga yao. Tama dagego tama tiyu da, te bidi meba augwaligo dage dali nogi posobo po weyu, tama dage Krais aga hani we bidigo ebo dwagi yai sęde augwaligo ‘Te dwai sę dao’ po wabo bage, nosali augwaligo koneaibao, te pode augwaligo mu geda muani. Tama te koneama tama augwali ge neyu hale mu yaibao.