Polgo Po Pas Rom Dabeba Asęani 13:2 - Godigo dwagi yai po buku

² Tama tibaso, bidigo te gavmanigo po wali pabo hagela homu ebo bidi, te agai Godigo muani naide te homu ebo dao. Tama bidi augwaligo tama tibo da, teda augwali te augwa yali kolesagade te dwai dene saibao.

Polgo Po Pas Rom Dabeba Asęani 13:2 Iomraidhean Croise

Ma Dobola Sali 16:8

Tama Mosesgo po ma wai, “Genuai Bidi aga digi dage te nai mi pio mabode te dagego tuagameo. Tama agai te nai bret kigamu te dagego homugo somainogo mawaibao. Magi basowe, dagego po hauwa aga dali wabo odai. Tiali goli, da si te olo nai tiwai dao. Dagego wado po te Genuai Bidi dali naga obao.”

Aisaia 58:2

“Mu tama, te tigidali sogode augwa te enaba lotu wabo kolesaga eyu, te eno homu kolesaga osola sueinu yali. Te augwaligo enaba hanalu, te augwaliba doloba pai kolesaga yao weyu, te augwali pąde bidibaso, te augwali wiegi yai pemene yaibao wali. Tiali goli, te hani dabego tibo po mu wai. Augwaligo te eno bomo yai po tudiba munama, te augwa dwai kolesaga naga ebo sę yai dao.

Matyu 23:13

“Dage te bomai po page ola mabo bidi dabe me, dage Farisi dabe me, hobede ya. Dageba te dwai sogo mu pedelaibao, dage tibo po wabo bage. Te Godigo we bidi tonalubo kolesaga tomoba pabo tų te dagego te we bidi augwaligo gesabidiba te tų palibo dao. Duga digi te tomoba me pabo meni, tama te we bidi augwali te tomoba painogo ebadi, te dagego augwali pabo tų palibo dao.

Dwagi Yai Gesi Po Makgo Asęani 12:40

Augwaligo te augwa bidi isai we dabe tibo po weyu, tama augwaligo be dabe wi siyu ebo dao. Tama te ebo kolesaga mesegelainogo eyu, tama augwaligo tibo gedu haluasa po bobage weyu ebo dao. Te Godigo po tų ebo sogode te bidi dabe augwaligo genuai sęgę mu saibao,” Jisasgo te po wai.

Dwagi Yai Gesi Po Lukgo Asęani 20:47

Augwaligo te wilawe we dabego doado bage gisigilibo dao. Tiali goli, augwaligo tibo gedu haluasa po bobobage wabo dao. Tama nosali Godigo tigidali we bidide po tų ebo si, te tobage bidi dabe, te bomo yai po koneai dabe, augwaligo moni sęgę mu saibao, te gasa we bidigo dwasianu sęgę saibao,” Jisasgo te po wai.

Polgo Po Pas Rom Dabeba Asęani 13:1

Da Godigo po wali bilibo we bidi da tigidali te gavman bidi dabe augwali dologode bidao. Magi baso meni. Te tǫde elalubo gavman sę yabo bomo, te bomo tigidali te God aga digi agai dodolai dao. Te gavman me deli te olo me pedalubeo. Menio. Tigidali gavman bidibo, te Godigo digi augwali munama tama augwali bidibao.

Polgo Po Pas Rom Dabeba Asęani 13:3

Magi baso meni. Te wiegi yai dolo kolesaga ebo bidi dabe augwali te gavman bidide wi ebo meni. Tiali goli te dwai kolesaga ebo bage augwali wi ilainogo te gavman bidi bidibao. Te nago te gavmanide wi ebo hagela homu ebowe? Teda, nago wiegi yai kolesaga naga ebaso, tama agai nago nogi ugwaba saibao.

Polgo Po Pas Rom Dabeba Asęani 13:5

Tama tibaso, da te gavman bidi dologode bidao. Da te Godigo sębę geda somainogo ebode naga tama te gavman bidigo po wali pigio. Menio. Dago homugo te kolesaga ebo te dolo dao te tiwai homu yao.

Polgo Po Pas Rom Dabeba Asęani 9:19

Tiali goli, bidi mego enabolo e tiwai po wagi da homu yali da, “Te Godigo aga homu naga wali peyu, tama bidi me deli sa munama tama gasa bidi meni. Tama tiyu da, teda magi baso agai te bidigo dwai kolesaga ebo po me odubadi geaibawe? Dego te Godigo ebo homu kolesaga gisilainogo usu egowe? Bidi menio.”

Taitus 3:1

Taitus, nago te nago tonalubo Godigo po wali pabo we bidi augwalibolo e po widu geao: augwali te gavman tuni bidi dabe dali genuai bidi dali dologode bidiyu, tama augwaligo po odolama te po wali pao. Tama tiyu tama augwaligo tigidali dwagi yai kolesaga yabo sę sisi eyu bidao, te po ola mao.

Jems 3:1

Eno ama dedeo, dage tomode Godigo po ola mabo bidi hauwago te po ola magio, bidi si sela naga usu yaibao. Dago konebo dao, nosali Godigo agai we bidi dagalobo sogode, agai da te po ola mabo bidi dabe agai da bugagia dagalama, osola sueibao. Tama dago dena sę bugagia esiąyu da, teda agai dabolo sęgę mawaibao. Tiali goli te sogo agai po odali gasa we bidi te agai dua digi augwali bugagia dagalama osola sueibao.

1 Pita 2:13

Te augwaligo gedude te dago Genuai Bidigo nogi tulaluidali weyu, augwali tigidali tuni bidi dologode dage bidao, augwaligo po wali pao. Tama tiyu, tama te genuai gavman tuni bidi dologode bidiyu agai wabo po odiąo.