Polgo Po Pas Rom Dabeba Asęani 12:7 - Godigo dwagi yai po buku

⁷ Ma, te bidi me deligo te ama dede dabe tau sabo homu kolesaga elalubaso da, teda agai te ama dede dabe tau sabo sę mu yao. Tama bidi mego te Godigo po ola mabo tisa sę ebo kolesaga elaluyu da, teda agai te tisa sę mu yao.

Polgo Po Pas Rom Dabeba Asęani 12:7 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 34:11

Te dage konea sabo homu ebo bage, dage aselama, tama eno poba olo bugagia muagasao. Eno dage ola menama, tama dage te Genuai Bidi dali wi eyu, aga dologode sesemane bidimainu yaibao.

Godigo Nogi Ugwaba Sabo Tęąbi Po Wabo Buku Dabe 51:13

Tama eno nago kolesaga te sęgę sai we bidi augwalibolo ola mawaibao, tama te we bidi augwali nage bidibo digi ma asaibao.

Kolesaga Koneai Bidigo Pusali Po Elalubo Buku 12:9

E buku asęani bidigo koneani kolesaga wiegi yai mu elalubaso, tama agai te we bidi dabe augwali ola manio. Agai te tobage wiegi yai po dabe me begelama pusubo po bugagia dagalama wali, tama agai homugo te po dabe mu po da homu ebaso da, teda agai te po dabe e buku asęai dao.

Aisaia 21:8

Tama te tonalubo bidigo laion yowigo wabo tiwai iyu, agai te po bomona wali, “Genuai bidi, ena te boi bidi dabe tonalubo pesagede tede bidama, tama ulade me, hulide me, eno bugagia tonaluai dao.

Matyu 28:19

Tama tibaso, dage pelama, tigidali we bidi hani ena wali asobo we bidi pedelao. Tama dagego augwali te Aya me Ogwa me Mobo Bidigo nogide baptais mao.

Dwagi Yai Gesi Po Jongo Asęani 3:2

Te bidi Jisas bidibo digi hulide aselama, te po wai, “Po ola mabo bidi, dago koneai, Godigo nage e tǫba po ola mabo bidi nigilama, tagala palai. Tibaso da, Godigo bidi me deli dali bidisiąyu da, agai te sę Jisas nago ebo bomai sę tiwai me egobeo,” te bidigo Jisas dali te po wai.

Godigo Sęba Tagala Palai Bidigo Po 13:1

Te Antiok bulude, te Jisasgo po wali pabo bidi tomode, te Godigo po pusa mabo bidi profetgo pusubo po tiwai po wabo tiwai bidi me badu te bulude bidali, te Godigo po te we bidi augwaliba ola mabo bidi dabe me badu me bidali. Te bidi dabe augwaligo nogi me Barnabas, me Simeon, agai nogi me Husugo Bidi, me bidi Lusius, agai page bulu Sairini, me bidi Manain, te moni gavman bidi Herot aga age, tama me bidi nogi Sol.

Godigo Sęba Tagala Palai Bidigo Po 20:20

Te dage tau sabo po eno yogo yai menio. Duga bede me, duga sisinibo pesagede me, eno te po dugabolo eno umabo sogo pusa mawai dao. Te po duga koneai dao. Dage tau sabo po eno me deli dualai menio.

Godigo Sęba Tagala Palai Bidigo Po 20:28

Pol agai te tobolu bidi dabebolo te po wali, “Dua dao. Duga digi dali, te Godigo Dwagi Yai Mobo Bidigo dagego nogode muai we bidi dali, bugagia tonaluao. Tama dagego augwali te kibu sipsip tiwai negebo ąǫ yao. Dagego kone dao, Godigo aga ogwa Jisasgo kanemego te hani aga abelama, aga ma sai dao. Tama dagego augwali bugagia negao. Magi basowe?

Godigo Sęba Tagala Palai Bidigo Po 6:1

Te nosali Jisas wali pabo we bidi dabe genilama pedelali, dwasianu hani augwa hasi tomode wado po wali. Me hanigo te Grik po weyu, me hanigo te Hibru po weyu yalio, te Juda dabego po mu dao. Tama te hani si da Juda bidi hani da. Tama te Grik po wabo Juda dabego te po wai, “Te dagego nai dobabo sogo, dago bidi isai we nai bugagia mabo meni, deli deli sogo mayu ebo,” te po wai.

1 Korin 12:28

Tama te Godigo po odobo we bidi hani tomode Godigo aga digi te sę dodolama, tama tigidali bidi te haniani sęba muani. Te hasia te po sela pabo bidi dabe nigilali, te si wali te Godigo po pusabo bidi dabe, te sela wali te agai po ola mabo tisa bidi dabe muani. Te dabe tudi badu nosali te bomo menama, te bomai sę ebo bidi dabe nigilali. Tama nosali ma te gasi yai bidi dabe usu ilibo bidi dabe elalubo, tama te we bidi dabe tau sabo bidi me, tama te haniani sę dabe tonaluabo bidi dabe muani, tama haniani homugo konesiąbo pogo po wabo bidi nigilai.

1 Korin 12:5

Tama dago dena hasi haniani tau sabo sę ebo, tiali goli dago Genuai Bidi deli naga bidibao.

1 Korin 14:26

Ama dedeo, dagego magi yaibawe? Dage lotu po wainogo eyu sisinibo sogo, dage tigidali deli deligo te duga hasi tau sabo sę elalubao. Me deligo te Godigo nogi ugwaba sabo balia weyu, tama me deligo te dage po ola mabo sę eyu, tama me deligo te Godigo agabolo tamadi mani po, tama agai te po pusaibao. Tama me deligo te dago konesiąbo gasa pogo po weyu, tama mego te po begelebo sę elalubao. Dagego ebo sę tigidali ebogo te dage Godigo po odobo we bidi tau siyu bomo momainogo iyąo.

Galesia 6:6

Te Godigo po odali bidi agai aga wiegi yai nai tigidali togolama, tama te Godigo po ola mabo bidibolo dobayao.

Efesus 4:11

Tama aga digi agai naga agai te wiegi yai nai dabe bidi dabebolo e tiwai olo mawai: te agai meba bidi augwalibolo Godigo po sela pelama pusigi pabo sę yabo bidi nigilai. Bidi me badubolo agai wabo po ola mabo bidi te sęba muai. Bidi meba augwaligo Godigo wiegi yai po pusa mabo sę yabo bidi nigilai. Tama me badu bidibolo te Godigo we bidi hani tonalubo sę dali te Godigo po ola mabo sę dali emainu agai te sę augwalibolo mawai dao.

Bomai Po 33:10

Tama augwaligo Israel dabego nago bomai po wali pomainu ola mawaibao. Tama augwaligo nago altade augwaligo ofa dabe eyu yaibao.

Kolosi 4:17

Tama dagego te bidi Arkipus aga dali e po wao, “Te Genuai Bidigo nago nogoba muani sę sula tagaligio. Nage aga sę ebo bidi bidibaso, te mani sę bugagia silao,” te po Arkipusbolo wao.

2 Timoti 2:7

Tama tede Godigo ena te agai po sela pabo sę bidi mubaso, tama eno agai po pusubo sę elalubao. Eno mu po naga obao, eno tibo po me wabeo, te Israel hani isiąwai bidi dabebolo po ola mabo tisa bidi agai ena nigilali, te eno augwalibolo te Godigo mu po dali te Kraisde konealubo po augwa homugo dąų wabo kolesaga me eno ola momainogo yali.

2 Timoti 3:2

Tama nago te Godigo we bidi tonalubo bidi nigiyu tama aga e tama bidao. Aga dolo mu bidao, tama te bidi dabe augwaligo agade te dwai sę ebo me gegegobeo. Aga te we deligo bidi naga bidao. Aga homu bugagia dodolama tama dulaluao. Agai aga digi kolesaga bugagia tonaluao. Aga subigila bidibo bidi bidamuo. Te aga te Godigo po odobo gasa buludu asali we bidi agai aga beba sabo bidi bidao. Tama aga te Godigo po ola mabo sęde aga usu yao.

2 Timoti 4:16

Tama naga digi ebo kolesaga me, te we bidi ola mabo sę te bugagia tonaluao. Tama tiduao. Nago tama tiyu da, teda naga sęgo digi nage dali nago po odobo we bidi dali ma dobola saibao.

2 Timoti 5:17

Te Godigo po odobo we bidi hani tonalubo monu dabe, augwaligo te sę bugagia eyu da, teda te hanigo augwaligo nogi ugwaba siyu, tama augwalibolo te augwaligo sabo pe mone mayu, tama meba ugwadu manuma mao. Te tonalubo bidi dabe tomode te bidi dabe meba augwaligo te sę eyu, tama augwaligo me te Godigo po pusuyu tama te we bidi dabebolo ola mabo sę bugagia eyu te sę dene yali, te tobolu bidi dabe augwalibolo te manani masigi polasa mao.

Polgo Si Wali Pas Timotiba Asęani - 2TI 2:2

Tama tiyu, te nago eno pedauwalide odali po, te po te bidi hauwa gedude pusali po tigidali nago odali. Tama te po naga nago te Godigo poba homu kęą pai bidi dabe, augwaligo nogoba te po bugagia muao, te augwaligo me usu elama tama te po gasa Godigo poba homu kęą pai bidi dabebolo nosali ola momainu yao.

Polgo Si Wali Pas Timotiba Asęani - 2TI 2:24

Tiali goli te Genuai Bidigo sę ebo bidigo te munu me pogo hwįnamuo. Menio. Agai te tigidali we bidi dali abagi homu eyu dua digi yao. Aga te Godigo po ola mabo sęde usu eyu wiegi yai tisa bidi bidiyu, tama sębę polo eyu polo wei ponosiąbo bidi bidao.

1 Samuel 12:23

Tiali goli, eno digi te eno gedu haluasa po sesemane sogo weyu, te dage tau sabo elalueibao. Ma, eno gedu haluasa po wabo tagaligi sogo da, eno dwai sę Genuai Bidiba igi dao. Te eno munu me egobeo. Tama eno dage te wiegi yai doloba pai kolesaga wali pomainu ola mawaibao.