Polgo Po Pas Rom Dabeba Asęani 11:9 - Godigo dwagi yai po buku

⁹ Tama Devitgo me te boi bidi dabede Godibolo te tiwai po olama wai, “Te eno homugo te nago tilama, tama augwaligo wei ebo naigo te augwali te konesiąwai bidi tiwai ilao, te aga te subigila peyu te no aselama bidibo bidi te konegobeo. Te bidi tiwai nago augwali tiwai ilao. Tama augwali tulolumainao, augwali wei ponao.

Polgo Po Pas Rom Dabeba Asęani 11:9 Iomraidhean Croise

Jopgo Po Asęani Elalubo Buku 18:10

Augwali te bidigo hasa tola sainu elama, bono gebelama, tola sabo tiwai dao. Tiali goli, te kę nanani bidi aga ma tola si da.

Godigo Nogi Ugwaba Sabo Tęąbi Po Wabo Buku Dabe 28:4

Te augwa yali kolesagade usu nama, te augwali dene mao. Te dwai dene augwaliba wei ponao. Te augwa yali sęgę tigidali usu nao.

Bugagia Bidibo Kolesagade Po Asęai Buku 1:32

Magi baso meni. Te wiegi yai homu kolesaga meni yani we bidi dabe augwaligo te ena tudiba munama, tama augwa te kolesagago digi te augwa ela munama, augwa isaibao. Te bidi dabego homugo augwaligo te tigidali nai koneani homu yali, augwali te wabo pabo bidi dabe tiwai ebao. Augwa te homu kolesagade te augwa digi augwa dolobo dao.

Aisaia 59:18

Te agai haliga sębęde, te aga boi bidi dabeba dwai dene mayu, te augwa yali dwai sę dolo usu wei ponaibao. Te agai te pąde elalubo bulu tǫ kantri we bidi dabeba, me te digibulu tǫ kantri dabe, te dwai dene mabo sę mu yaibao wai dao.

Aisaia 66:9

Ena God, Genuai Bidi, ena digi eno aga te wai ame nabo dene ilali. Tama tibaso, te magi elama eno agai haliga paniama, eno aga wai somainu iligobe dawe? Ena da, ena dagego God dao.”

Matyu 16:23

Tama Jisas begelama, Pitabolo te po wai, “Satan, nage ena tudi badu soao. Nago eno pabo tųde tųą palobo nai tiwai dao. Nago Godigo homu kolesaga wali pabeo. Menio. Nago e tǫde bidigo homu kolesaga naga wali peyu, enabolo te po wai,” Jisasgo Pita dali te po wai.

Dwagi Yai Gesi Po Lukgo Asęani 12:20

Tiali goli, Godigo te bidibolo te po wali, ‘Nage da, mu umawai bidi dao. Megi hulide tama nage isaibao. Nage isaide, mena bidigo naga tobade yogwaluali nai dabe tigidali saibawe?’” Jisasgo te po wali.

Polgo Po Pas Rom Dabeba Asęani 14:13

Te da tigidali te Godigo po tų ebode mu dolalubaso, tama dago dwai homu gasa amago ebo kolesagade ebo tagalao, te me elamuo. Menio. Dago te tiwai homu yao: dago te ama dwai sęgęba tulalumainogo magi sę me deli elamu dao. Te aga Godigo pabo tųdu pabo dolamuo.

Bomai Po 32:35

Te dwai sę yali wei ponobo kolesaga te eno sę dao. Ena digi te eno dwai dene wei augwalibolo ponaibao. Te mani bodolude augwali tuloluaibao. Pęwadage sogo mu augwali tolaluama, tama augwali sese mu dola silaibao,’ Genuai Bidigo te po wali.”

Hibru 2:2

Magi baso meni. Polobadu Godigo po meba te ensel mobo bidi dabebolo pusama, tama augwaligo te we bidibolo ma pusali. Tama pusama, tama te po Godigo bomonama bugagia dąų walali. Tama tiyu, tama bidigo te po bolama tama te po sela sąwani bidi tigidali, augwali te dwai dene mu te augwa yali dwai kolesaga usu nama sai dao.