Polgo Po Pas Rom Dabeba Asęani 11:4 - Godigo dwagi yai po buku

⁴ Tiali goli Godigo agabolo mena po wei ponaniwe? Agai te po wai, “Eno digi ena bidi dabe te bidi sese hauwa 7,000 bidi sali, tama augwaligo te tibo god Bal dologoba pelama teba lotu me wasiąwai dao,” Godigo te po wai.

Polgo Po Pas Rom Dabeba Asęani 11:4 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 16:31

Agai te sęgę sali te king Jeroboamgo sali sęgę tiwai agai me sai, tiali goli agai homugo te da olo bage da homu yali. Tama teyu, agai te we Jesebel sai, te Saidon hanude bidali king bidi Etbalgo wegi sali. Tama agai te tibo god Balba lotu po wabo gagalali, te Saidon hanigo tibo god.

Te Israel me Juda Hani Sigo Tuni Bidigo Po Elalubo Buku Deli 19:10

Te Elaijago te tama po wai, “Genuai Bidi, Tigidali Bomo Elalubo God dao, eno te Israel we bidi tigidaligo nage deli naga wali pomainogo ebo sę bomo ebao. Tiali goli, augwaligo nage tudiba muyu, tama te nago augwali dali dąų wali bomai po kontrak bolali. Te augwaligo nago alta dabe aluama, te nago po pusubo profet bidi tigidali ela muani. Te enaduba deli naga bidibao, te megi augwaligo ena me ela mumainu ebo dao,” wali.

Te Israel me Juda Hani Sigo Tuni Bidigo Po Elalubo Buku Deli 19:18

Tiali goli, te eno bidi sese umabo, 7,000 we bidi, te Israelde bidimainu hageai dao. Te augwali enaba naga wali pabo we bidi da, te augwaligo te tibo god Balba kidu sugunisąma, te agai piksa noma dabeba nono nisąma, te agaba lotu po me wasiąyani we bidi dao,” Genuai Bidigo te po wai.

Aisaia 4:3

Te Saion hanude bidibo we bidi dabe, augwali te Jerusalemde me bidibo we bidi dabe da, Genuai Bidigo augwali bugagia bidimainu sa polo muai dao, augwali bugagia bidimainu. Tama agai augwali nogi agai bukude asęai dao. Tama megi da, agai augwali aga we bidi mu dao waibao.

Jeremaia 19:5

Augwaligo te tibo god Balba lotu wabo pesage dabe nigilama, tama augwa wai dabe digi te siaba ulali, te Balba ofa ebo tiwai yali. Tialima, eno augwalibolo te kolesaga yao po me wabeo. Te eno bomo yai pode me tebeo, tama me te eno te tobage bomo yai po maiabo homu me isąwai dao.

Hosea 13:1

Polobadu te Efraimgo hanigo po obaso, tama te Israel gasa hani wi elama, te po odali. Tiali goli, te Efraim hanigo te tibo god Balba lotu po obaso, augwaligo sęgę salio. Tama tialima, te augwali isaibao po wai dao.

Hosea 2:8

“Agai te tiwai kone sabo homu isąwai, eno digi eno aga tigidali nai mawai, wain me wel mani, tama te hauwa silva me gol mawai. Tama agai te silva me gol te naigo te tibo god Balba lotu wabo sę yai.

Sefanaia 1:4

“Eno te Juda tǫ pedai we bidi, me Jerusalem hanu we bidi dene mawaibao. Tama teyu, eno te tibo god Balba lotu wabo nai dabe sese tama doliyu, me Balgo tigidali pris dabe sese tama doliyu yaibao. Tama te we bidi dabego augwali munu me ma homu kone egobeo.

Israel Hanigo Namba 25:3

Tama te kolesagago te Israel dabego tibo god Bal wali pali, te Peor bulu dabego tibo god. Tama tibaso, Genuai Bidigo augwali dali sębę yali.

Bomai Po 4:3

Genuai Bidigo te bulu du Peorde yali sę duga digi polo te suali dao. Te bulude te dage tomode bidi hauwago te tibo god Balba lotu wali, tama Godigo augwali sese tama dolalio.

Te Israel Tobolu Bidi Dabe 2:13

Augwaligo munu me te Genuai Bidiba lotu po me wabeo. Augwaligo lotu te Bal, me te tibo god we dabe Astarte teba lotu wali.