Polgo Po Pas Rom Dabeba Asęani 1:7 - Godigo dwagi yai po buku

⁷ Eno e pas te dage Rom moni hanude bidibo we bidibolo asęna tolobao. Dage Rom bage, te God agai dage dali dwagi yai homu eyu, godolo eyu elama, tama dage te aga we bidi mu bidimainogo eyu agai dage i wali. Tama eno homugo dago Aya God dali, Genuai Bidi Jisas Krais dali sigo te dage dali te olo mu tau sabo kolesagago eyu tama dage homu wiegi yai ilama dage dua bugagia bidaibao.

Polgo Po Pas Rom Dabeba Asęani 1:7 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 60:5

Da te nago bomogo ma sao, magi baso meni, te nago da godolo mu ebo dao. Tama tibaso, nago dago gedu haluasa po wabo odolama, tama da te boi bidi dabego nogode ma sao.

Solomon 5:1

Eno we, nage eno hobolu du mu da, ena te ena giba asalio. Tama eno te wiegi yai denami ebo nai dabe sisinagasali. Eno te wiegi yai pusu yai nai hani tuali. Te eno ame pę me wain dali tuali. Dage si abagi wali wiegi yai mu da, dage si nai me ąį tuao, dage si mu pągąną pao.

Israel Hanigo Namba 6:25

Tama Genuai Bidigo dage dali dwagi yai homu elama, dage olo mu tau somainao.

Matyu 5:16

Tama te tiwai naga dagego wiegi yai kolesaga ebo te sole ula ebo tiwai dao. Tama tibaso dagego ebo dwagi yai sę te we bidigo sumainao. Tama augwaligo sulama, tama augwaligo duga Aya te dagalude bidibo bidi nogi ugwaba saibao.”

Dwagi Yai Gesi Po Jongo Asęani 20:17

Jisasgo Maria dali te po wai, “Nago ena diągio. Ena eno Aya God bidibo digi dagaluba me pabeo. Tama tibaso, nago ena dąų ola sigio. Tialima, nage eno ama dabe bidibo digi pelama, augwali dali te po tama wagibao, ‘Ena eno Aya bidibo madigi dagaluba holobao, tama te aga dagego Aya me dao. Tama eno ena God bidibo digi pobao, tama te God dagego God me dao,’ te po eno ama dabebolo pusigi pao,” Jisasgo Maria dali te po wai.

Godigo Sęba Tagala Palai Bidigo Po 15:23

Tama augwaligo te pas sela pomainu, augwaligo te po asęani, “Da Jisasgo tagala palai bidi dabe me, tobolu bidi dabe me, te Jisasgo hani me, Jerusalemde bidibo bage, da tigidali dagego ama da. Dago te pas dage pageba te asęna tolobao wali, Siria bulu me, Antiok bulu me, Silisia bulu me, dage Israel hani isąwai bidi, dago dagebolo bugai homu ebao, te po wali.

Godigo Sęba Tagala Palai Bidigo Po 9:13

Tama Ananaiasgo te po wai, “Genuai Bidi, hauwa we bidigo enabolo te bidigo Jerusalemde nago po wali pabo hani we bidi dwai sę mu ebo bidi dao po enabolo pusai dao.

Polgo Po Pas Rom Dabeba Asęani 1:6

Dagego me te Godigo i wabo odama, tama dage te Jisas Kraisde wadolali we bidi pedalali.

Polgo Po Pas Rom Dabeba Asęani 5:1

Te dago konealubo po Godide dąų waibaso tama Godigo da doloba pai we bidi nogi polaligo da, teda dago Genuai Bidi Jisas Kraisgo da God dali deli homu ilama pedalalio.

Polgo Po Pas Rom Dabeba Asęani 5:5

Tama tiyu, tama te dago aga bugagia tonalubo kolesaga te tulalugobeo, te kolesaga ebogo da guni bula sabo bidi tiwai pedalogobeo. Magi baso meni. Godigo aga Tedali Mobo Bidi dabolo mani, tama agai te Godigo da dali wiegi yai homu eyu tama godolo mu ebo kolesaga te da homude gisiga ola mawai dao, te kolesaga dwasianu menio.

Polgo Po Pas Rom Dabeba Asęani 8:28

Tama dago koneani, te augwaligo aga dali dwagi yai homu eyu godolo mu ebo we bidi, te we bidibolo pedalabo sę tigidali te Godigo digi dodolama, tama te sę tigidali te we bidi dabeba pedaluyu augwali tau sabo dao. Te we bidi augwali te Godigo ma saiba po wali we bidi augwali tama agai augwali sa munama i wai dao.

Polgo Po Pas Rom Dabeba Asęani 8:39

ma te dagalude bomo elalubo dwai bage, ma te moni sia dabo bulude bomo elalubo bage, ma te meba gasade elalua pabo Godigo nigali nai, te tigidali nai dabego te Godigo dade dwagi yai homu eyu godolo mu ebo kolesaga te dagala sąwainogo ebo usu me egobeo. Te dago Genuai Bidi Krais Jisasgo yali sęgo te Godigo aga dade ebo godolo ebo kolesaga dabolo ola mawai dao.

Polgo Po Pas Rom Dabeba Asęani 9:25

Te Godigo aga homu naga wali peyu, te we bidi meba naga hagea sabo kolesagade te polobadu Godigo po pusali bidi Hoseago asęani pode Godigo wali po me te e tiwai po asęani, “Te eno hani isąwai we bidi hani, te augwali eno hani nogi poaibao. Tama te eno augwalide dwagi yai homu eyu godolo isąwai hani, te hani eno ‘Te eno godolo mu ebo hani’ nogi poaibao.

1 Korin 1:24

Tiali goli te da Godigo i olama dią sali we bidi, da me badu Juda bage, me badu te Juda hani isąwai bage, dago homu te Kraisde pusubo pogo te Godigo genuai bomo dali aga wiegi yai homu kolesaga me te hania ola mabo dao.

1 Korin 16:23

Te eno homugo te Genuai Bidi Jisasgo olo tau sabo wiegi yai kolesaga te dage dali bidao.

2 Korin 13:14

Eno homugo dago Genuai Bidi Jisas Kraisgo olo tau sabo wiegi yai kolesaga dali, tama Godigo dage dali dwagi yai homu eyu godolo ebo kolesaga dali, tama Tedali Mobo Bidi dage tigidaligo homude abagi tiwai bidibo kolesaga dali, te kolesaga sela dage tigidali dali hodobo mu bidao.

Galesia 6:18

Eno ama dedeo, dagede eno homugo dago Genuai Bidi Jisas Krais agai dage tigidali olo tau sao, te dage bugagia mu bidimainogo yao. Te mu dao. Te eno po tama dao.

Efesus 1:2

Tama eno homugo dago Aya God dali, dago Genuai Bidi Jisas Krais dali te augwali sigo dagebolo olo tau siyu, dage haliga nagame eyu bidao.

Efesus 6:23

Te eno ama dedeo, eno homugo dago Aya God me, dago Genuai Bidi Jisas Krais me, augwali sigo dagego homu dua nagame ilao, tama augwaligo dagebolo te godolo mu ebo kolesaga me, te konealubo po dąų wabo kolesaga me mao, te eno homugo.

Bomai Po 33:12

Tama Moses aga Benjamin hani kone palama, agai te po wali, “Genuai Bidigo Benjamin hani godolo mu elama, agai tigidali sogo beasa bilibo dao. Tama tigidali sogo aga augwali dali pąde mu bidibo dao,” wali.

Filipai 1:2

Eno homugo dago Aya God dali dago Genuai Bidi Jisas Krais augwali sigo dage dali te olo tau sabo kolesaga eyu, tama dage homu nagamea peyu bugagia bidao.

Filipai 4:13

Krais agai aga bomo ena menama, tama te bomogo eno tigidali sę ebo usu ebo dao.

Filipai 4:20

Eno homugo da tigidaligo dena Aya Godigo bomo yai ula elalubo nogi sesemane sogo uganu sao, bidada peyu, bidada pabo sogo tama yao. Te mu tama dao.

Filipai 4:23

Eno homugo dago Genuai Bidi Jisas Kraisgo olo tau sabo wiegi yai kolesaga dage dali bidao. Te tama dao.

Kolosi 3:12

Dage da, te Godigo we bidi hani dao. Agai dage dali dwagi yai homu eyu, tama dage godolo ebaso tama dage aga we bidi hani pedalomainogo, agai dage te tigidali we bidi tomodu dią sali. Tama dią sobaso, bidigo aga gesi ugwa dabe gudubo tiwai gilama dagego e dwagi yai kolesaga selama tama yao: dagego we bidi hobede yao, augwalibolo dwagi yai sę naga yao, hagoma homu eyu duga nogi ugwaba sigio. Sesena pai homu egimio, we bidi dali dua dao. Bidigo dage dali dwai sę ebaso da, te dagego sula tagalama sębę polo egimio.

Kolosi 3:15

Krais agai da dwagi yai homu nagame ilibo kolesaga ebo dao. Tama te kolesagago dagego homu tonalumainao. Magi baso meni. Dage dwagi yai homu nagame eyu bidimainogo God agai dage deli deli i olama tama deliba sisinama, tama dage tigi deli naga tiwai pedalai dao. Tama sesemane sogo dagego Godibolo puba hwi po weyu bidao.

1 Tesalonaika 1:1

Pol, me Sailas, Timoti dali, da bidi selago te po dagebolo asęna tolobao, dage Tesalonaika bulude bidibo we bidibolo. Dage te God Aya me Genuai Bidi Jisas Kraisde wadolama bidibao. God agai dage olo tau selama, tama dage bugagia bidao, dago homugo tebo dao.

1 Tesalonaika 1:3

Tama dago Aya Godibolo po obadi, dagego ebo dwagi yai kolesaga te dago gegeda pabo menio, te dago ma konebo dao. Dagego Kraisde duga homu tigidali mubaso, tama dagego dwagi yai sę ebo dao. Dagego duga hasi dwagi yai homu eyu, tau siyu ebaso, sę dene ebo dao. Tama dwagi yai homu eyu, dagego ‘Dago Genuai Bidi Jisas Krais mu aselama, da tau saibao,’ te homu eyu, tama bomo elama, dagego tonalubo dao. Tama dagego te sę ebo po dago ma koneyu, dago Godibolo buba hwi po wabo dao.

1 Tesalonaika 1:4

Dago abagi dabe, God agai dage godolo mu eyu, agai dage aga we bidi mu da olama, sa muyu yai dao, te si dago konebo dao. Tama tibaso, dago Godibolo nage usu dao te po wabo dao.

1 Tesalonaika 4:7

God agai da i wali, dago te dwai meda yai kolesaga wali pomainogo da i wabeo. Menio. Agai da i wali, te dago dwagi yai doloba pai kolesaga mu wali pomainogo agai da i wai dao.

1 Tesalonaika 5:28

Eno homugo te dago Genuai Bidi Jisas Krais agai olo tau sabo kolesaga dage dali bidaibao. Ena Pol dao.

2 Tesalonaika 1:2

Aya God dali Jisas Krais Genuai Bidi augwali sigo dage olo tau selama, tama dage haliga nagame ilama bugagia bidao, dago homugo tebo dao.

2 Tesalonaika 3:16

Te Genuai Bidi Jisas aga dwagi yai homu nagame ebo page bidi mu dao. Tama dago homugo sesemane sogo aga digi dage dali bidiyu, tama dage dwagi yai homu nagame emainogo yao. Tama dago homugo haniani sę dagebolo pedalubaso da, teda agai dage dwagi yai homu nagame emainogo yao.

2 Tesalonaika 3:18

Eno homugo Genuai Bidi Jisas Krais agai da olo mu tau sabo dwagi yai kolesaga dage tigidali dali bidao. Te tama dao.

2 Timoti 1:2

Timoti, nage dali eno e po asęna tolobao. Te eno nagebolo Godigo po pusama, tama nago homu te poba begi peyu, tama nage te gesi noma bidi pedalali. Tama tiyu, tama nage eno ogwa mu tiwai dao. Tama eno homugo dago Aya God dali, dago Genuai Bidi Krais Jisas dali, augwali sigo nagebolo te olo tau sabo kolesagago dwagi yai sę eyu, tama homu dene eyu elama, tama nago homu nagamea peyu bugagia bidao.

2 Timoti 6:2

Me ma, te olo sę ebo bagego genuai bidi aga te Godigo po odobo bidi bidiyu da, teda te sę ebo bidi dabego te homu me ilamuo, “Te genuai bidi aga Kraisba homu begi pai bidi bidibaso, aga da te eno ama tiwai dao. Tama tibaso, ena dali eno sę tonalubo genuai bidi dali, te da si Godigo gedude tiwai si dao. Tama tibaso, eno agai po odogobeo, te tigi dene sę egobeo.” Te homu augwaligo ilamuo. Menio. Augwaligo tama homu yao: “Eno bomo elama eno genuai bidigo sę bugagia mu eyu, tama eno te tiwai aga tau saibao. Magi baso meni. Eno genuai bidi aga te Kraisba homu begi pai bidi, tama eno aga dali dwagi yai homu eyu godolo ebao.” Te sę ebo bage augwaligo te homu yao wao. Te sesemane sogo nago te we bidi augwalibolo te tiwai kolesaga eno nagebolo wali po tiwai gilama te we bidi ola madubadi geao, tama augwaligo homu hodolama wali pomainao.

Polgo Si Wali Pas Timotiba Asęani - 2TI 1:2

Timoti, eno nage dali dwagi yai homu eyu godolo ebo dao, nage eno ogwa mu tiwai dao, tama eno e pas nagebolo asęna tolobao. Eno homugo God Aya dali, dago Genuai Bidi Krais Jisas dali sigo, te olo tau sabo wiegi yai kolesagago te nage homu dene eyu tau selama, tama nago homu dua nagame ilama bidimainao.

Polgo Si Wali Pas Timotiba Asęani - 2TI 4:22

Eno homugo te dago Genuai Bidi te nage dali bidao. Te agai olo mu tau sabo wiegi yai kolesaga te dage dali bidao. Te tama dao.

Taitus 1:4

Taitus nage dali eno e po asęna tolobao. Te da dali, nage dali da tigidaligo God dali, Krais dali te konealubo po deli naga elalubaso, tama nage eno ogwa mu tiwai dao. Tama eno homugo dago Aya God dali, Krais Jisas dali augwali sigo nagebolo te olo tau sabo kolesagago dwagi yai sę eyu elama, tama nago homu nagamea peyu bugagia bidao.

Filemon 1:25

Eno homugo te dago Genuai Bidi Jisas Krais agai we bidi olo mu tau sabo kolesaga dage tigidalide bidimainao. Tama dao.

Filemon 1:3

Eno homugo dago Aya God dali, te Genuai Bidi Jisas Krais dali, augwali sigo dage olo tau sabo kolesaga te homu dage dali bidimainao, dage dwagi yai homu eyu bidimainogo hagede.

Jems 1:1

Ena Jems dao. Ena God dali, Genuai Bidi Jisas Krais dali sigo sę ebo bidi dao. Dage te Israel bidi hani nogo si olama, sągą badu si wali bidi hani bage, dagede eno homu kone paluyu, eno te pas asęna tolobao. Dagego duga page bulu tagalama, tedela pelama, gasa haniani buluba polobadu bidigi pai. Tama eno dage dali dwagi yai homu eyu, e pas toloyu, dage tao obao.

1 Pita 1:15

Te menio. Te dage i wali God aga da, te tedali mu doloba pai bidi bidibaso, dage me tigidali kolesagade mu doloba pai we bidi bidao.

1 Jon 3:1

Te goba! Ayago da dali dwagi yai homu eyu godolo mu yali kolesaga te moni genuai mu pedalali. Suao. Godigo aga digi da te agai wai dabe dao wai. Mu tama, da Godigo wai dabe dao. Tama da Godigo wai dabe tama bidiyu, tama tǫde bidi dabe augwaligo God konesiąbaso, tama augwaligo da me konebeo.

2 Jon 1:3

Dago Aya God dali, te Aya aga Ogwa Jisas Krais dali, augwali sigo da dali olo tau sabo kolesaga dali, te homu dene eyu tau mabo kolesaga me, te bidi homu dwagi yai nagamea ilibo kolesaga me, te kolesaga sela da dali augwaligo yaibao. Tama dago Godigo mu po koneyu, tama dena hasi dwagi yai homu eyu godolo ebo kolesaga ebadi, augwaligo te kolesaga da dali yaibao.

Kraisgo Geme Dualali Sę Pedelabo Po Jonbolo Ola Mani 2:1

Te bidigo enabolo e po me wai, “Te hasia Efesus hanude Godigo po odoyu bidibo we bidi tonalubo ensel mobo bidibolo e po asęna tolao: eno dolo nogogo te hǫ a naga olama me badu si eno tolaluyu, tama ena te a naga olama me badu nogo si te lam sole tomode bilibo bidi dao. Tama tiyu, eno e po nage dali obao:

Kraisgo Geme Dualali Sę Pedelabo Po Jonbolo Ola Mani 2:12

Te bidigo enabolo po me ma wai, “Te megi nago te Pergamum bulude Godigo po odoyu bidibo we bidi tonalubo ensel mobo bidibolo e po asęna tolao: ena da, ena te si dali si badu poa pai bobage ge hwą ge elalubo bidi dao. Tama eno e po nagebolo ola tolobao.

Kraisgo Geme Dualali Sę Pedelabo Po Jonbolo Ola Mani 2:18

Te bidigo enabolo po me ma wai, “Te megi nago te Taiataira bulude Godigo po odoyu bidibo we bidi tonalubo ensel mobo bidibolo e po asęna tolao: ena Godigo Ogwa dao, tama eno gedu te sia bogoli sesena pai bomonama dabo tiwai, tama eno sągą te kapa meda meni yai eyu te gegemani ebo tiwai ebo. Tama eno e po nagebolo ola tolobao.

Kraisgo Geme Dualali Sę Pedelabo Po Jonbolo Ola Mani 2:29

“Olo elalubo bidi, agai te Godigo Mobo Bidi agai Godigo po odobo we bidi hani dabebolo wabo po bugagia odao.”

Kraisgo Geme Dualali Sę Pedelabo Po Jonbolo Ola Mani 2:8

Te bidigo enabolo po me wai, “Te Efesus hanuba u po asęna tolama, tama megi Smerna hanude Godigo po odoyu bidibo we bidi tonalubo ensel mobo bidibolo e po asęna tolao: ena da, ena digi te hasia bididuali bidi dao, ena te nosali sogo mu bididuabo bidi mu dao. Tama polobadu ena isai, tiali goli ena ma hodaluama, megi me bidibao. Tama eno e po nagebolo ola tolobao.

Kraisgo Geme Dualali Sę Pedelabo Po Jonbolo Ola Mani 22:21

Te eno homugo te Genuai Bidi Jisas agai da olo mu tau siyu te mabo wiegi yai kolesaga te dage tigidali dali bidao.

Kraisgo Geme Dualali Sę Pedelabo Po Jonbolo Ola Mani 3:14

Te eno suali bidigo enabolo te po me ma wai, “Te megi nago te Laodisia bulude Godigo po odoyu bidibo we bidi tonalubo ensel mobo bidibolo e po asęna tolao: ena te mu po wabo page bidi mu, ena te Godide homu kęą pai bidi bidiyu, tama eno te Godigo po tigidali dolo mu te we bidibolo pusubo dao. Sesemane sogo eno mu po naga pusubo dao. Ena te Godigo nigali nai tigidali page mu dao. Eno e po nagebolo ola tolobao.

Kraisgo Geme Dualali Sę Pedelabo Po Jonbolo Ola Mani 3:22

“Olo elalubo bidi, agai te Godigo Mobo Bidi agai Godigo po odobo we bidi hani dabebolo wabo po bugagia odao,” te eno suali bidigo enabolo wai.

Kraisgo Geme Dualali Sę Pedelabo Po Jonbolo Ola Mani 3:7

Te eno suali bidigo enabolo po me wai, “Te megi nago te Filadelfia bulude Godigo po odoyu bidibo we bidi tonalubo ensel mobo bidibolo e po asęna tolao: ena da, te Godigo bidi naga dao, ena magi sę isąwai tedali gasagi yai bidi dao. Tama ena te mu kolesaga ebo page bidi mu dao. Te eno te polobadu bidali bidi Devit agai tų dalabo ki tolalubao. Eno te tų dayu, tama niwai bidi mego te tų ma paligobeo. Tama eno te tų paliyu da, te niwai bidigo te tų ma dagobeo. Tama eno e po nagebolo ola tolobao.