Polgo Po Pas Rom Dabeba Asęani 1:3 - Godigo dwagi yai po buku

³ Tama te wiegi yai gesi po te aga Ogwade wabo po dao. Te aga bidi mu pedalama bidibode, te aga wąį mu Devitgo hanide pedalali.

Polgo Po Pas Rom Dabeba Asęani 1:3 Iomraidhean Croise

Tigidali Nai Gagalama Nigali Side 3:15

Tama eno nago te webolo boi bidi ilibo sę iliyu, tama wego nagebolo boi bidi ilibo sę ilibadi yaibao. Tama eno nago te wego nosali ame nabo hani dali boi bidi ebo sę ilaibao. Te agai nago tobolude agalama, tama nago aga sągą gabulude gąų kelaibao,” Godigo te po wai.

Godigo Nogi Ugwaba Sabo Tęąbi Po Wabo Buku Dabe 2:7

God Genuai Bidigo sa muani kingo te po wali, “Megi da, eno te Genuai Bidigo enabolo mani po pusubao. Agai enaba te po wai, ‘Nage eno wai dao. Megi tama nage te king bidi pedalubo sogo, ena te nago aya pedalubao.

Jeremaia 33:26

Mu tamao, eno te dąų walali bomai po te eno togogisogo da, teda eno te Jekopgo hani me, te eno sę bidi Devitgo hani me, tudiba mugi da. Tiali goli, te kolesagamu egobeo. Menio. Te eno king te Devitgo hanidepedalumainogo elama, te Abraham, me Aisak, me Jekop, te hani dabe tonalumainogo yaibao. Te eno olo tau sabo wiegi yai kolesaga te hani dabeba eyu, te augwali bugagia ma bidimainogo yaibao,” wai dao.

Amos 9:11

Genuai Bidigo te tama po wai, “Nosali te me sogo si pedalubaso, teda eno te Devitgo hanide king me deli hodolaibao. Megi da, te hanigo tǫ kantri te be me deli degasa pelama, dolai tiwai elalubao. Tialima, nosali eno te be ma sęnama da, teda eno te be daga dabe me dodola silama, te be polobadu elaluali tiwai ma pedelaibao.

Matyu 1:1

E te Jisas Kraisgo nǫų wąį hanigo nogi nedada pabo po e dao. Jisas aga te Devitgo hani, tama Devit aga te Abrahamgo bidi hani dao.

Matyu 1:16

Tama Jekop aga ogwa Josep. Tama Josep te we Maria aga bidi dao. Tama Mariago Jisas ame nai, augwaligo aga nogi te Krais da wabo dao. Te aga sa muyu asaiba wali bidi dao.

Matyu 1:6

Tama Obetgo ogwa Jesi. Tama Jesi aga ogwa te tuni bidi Devit dao. Tama Devitgo ogwa Solomon, te Solomon aga ida te polobadu te bidi Uriago we dao.

Matyu 12:23

Tama tigidali genuai we bidi hani augwali noma mu sai, tama augwaligo te po wai, “E bidi da aga te Devitgo Ogwa yaliwe, ma meniwe?”

Matyu 15:22

Tama te Kenan tǫdu asai we me deli te bulude bidai, te we da te Israel hani isiąwai we dao. Tama te we Jisas pageba asama, tama te po wedu geai, “Genuai bidi, nage te polobadu bidali bidi Devit aga hani bidi, nage ena dali homu dene eyu, tau siyu yao. Eno wegi te dwai haubogo mu dagana sai, tama te dwai haubogo te wegibolo dene mu mabo dao,” te wego te po wedu geai.

Matyu 26:63

Tiali goli Jisasgo po me wabeo. Tama te pris tuni bidigo agabolo te po wai, “Te nago dabolo mu po naga omainogo eno nagebolo te bidibo ula elalubo Godigo nogide te po hanalu obao, nage te Godigo sa muani bidi Krais, te Godigo Ogwa dawe, ma meniwe?”

Matyu 27:43

Agai homu Godiba tinama te po wali, ‘Ena Godigo Ogwa dao’ wai. Tialima, Godigo aga godolo eba wida, agai aga megi tau somainao.” Augwaligo te po wai.

Matyu 3:17

Tama pedauwali me delide te dagaludu i weyu, te tiwai po wai, “Te aga eno Ogwa dao. Eno aga godolo mu ebao. Tama eno homu agade te pemene wiegi yai ebo dao,” te po wai.

Matyu 9:27

Te Jisasgo te be tagalama pai. Tama aga pobadi te gedu widai bidi si aga wali asiyu, i olama po weyu, te po wai, “Nage Devitgo Ogwa dao, tama nago da si homu dene eyu tau sao.” Te po wai.

Dwagi Yai Gesi Po Lukgo Asęani 1:35

Tama te ensel mobo bidigo po wei ponoyu, te po walio, “Te Godigo Mobo Bidi asama, tama agai bomogo nage mesegalueibao. Tama tibaso, nago tega pabo wai nogi Godigo nogi poaibao, ‘Dwai sę isąbo ogwa dao,’ waibao, ‘Te Godigo Ogwa dao,’ waibao.

Dwagi Yai Gesi Po Lukgo Asęani 1:69

Tilama, agai da ma abelai dao. Polobadu aga sę yali bidi Devitgo eda dadalo asali hanide bomai bidi me deli pedelama, te bidi Godigo da ma sabo bidi nigilai dao.

Dwagi Yai Gesi Po Jongo Asęani 1:14

Te Po aga digi bidi pedalai, tama da we bidi tomode aga bidai. Dago agai genuai nogi dali agai moni bomo dali si suai. Te Godigo Ogwa deligo genuai nogi dali bomo dali si dago suai. Agai te we bidi olo tau sabo sę hauwa eyu, te agai mu po naga weyu yai.

Dwagi Yai Gesi Po Jongo Asęani 1:34

Tama ena digi eno sulama, tama eno dagebolo te po obao, te bidi Jisas aga Godigo Ogwa dao,” Jongo po tama wai.

Dwagi Yai Gesi Po Jongo Asęani 1:49

Natanielgo Jisasgo po wei begelai, “Po ola mabo bidio, nage Godigo Ogwa dao, nage Israel we bidigo tuni bidi dao.”

Dwagi Yai Gesi Po Jongo Asęani 10:30

Ena dali Aya dali si page deli tama dao,” Jisasgo te po te Juda bage dali wai.

Dwagi Yai Gesi Po Jongo Asęani 10:36

Tialima God aga digi ena sa muyu, e tǫba tagala palai. Tama eno te po wai dao, ‘Ena da Godigo Ogwa dao.’ Tama tilama, dagego enabolo magi baso ‘Nage Godigo nogi dwai posobo po wai dao,’ waliwe?

Dwagi Yai Gesi Po Jongo Asęani 20:28

Tomasgo aga dali po wei ponoyu te po wai, “Nage eno Genuai Bidi dao, tama nage eno God nage dao,” Tomasgo te po Jisas dali wai.

Dwagi Yai Gesi Po Jongo Asęani 20:31

Te bidi Jisas da, te Godigo sa muyu nosali asaibao wali bidi Krais dao, aga da te Godigo Ogwa dao. Tama dagego te po mu po dao homu emainogo, eno Jisasgo yali bomo yai sę po meba e bukude asęani. Tama dagego Jisas da te Krais dao, te aga Godigo Ogwa dao, dagego te homu eyu, aga dali wadoloyu, mu bidada pabo ula dagego somainogo eyu, eno agai yali sę po asęani.

Dwagi Yai Gesi Po Jongo Asęani 5:25

Eno mu po dagebolo obao, te sogo pedalaibao, tama te megi polo pedalalio, tama isai bidi augwaligo Godigo ogwago po odaibao. Tama te po odama wali pabo we bidi dabe da, augwali mu bidaibao.

Dwagi Yai Gesi Po Jongo Asęani 7:42

Godigo nosali yabo sę po ola mani profet bidi mego bukude asęani po, te po me deli te tiwai dao, Godigo asaibao wali bidi te Devitgo hani asali digi tedu asaibao, te be nani nogi Betlehem tedu asaibao, te bulu polobadu Devit aga page bulu dao,” bidi mebago te po wai.

Godigo Sęba Tagala Palai Bidigo Po 2:30

Tama Devit bidibadi yaide, te agai polo koneai, te magi sę dabe dią holaibao. Tama Godigo agabolo mu tama dao olama, te po mu dąų walai, te Devitgo koneai. Godigo agabolo te po wai, ‘Te eno naga hani bidi dabego bidi me nosali mu genuai bidi mu ilaibao, te nage tiwai,’ te po wai, Godigo.

Godigo Sęba Tagala Palai Bidigo Po 3:13

Dena wąį mu Abraham dede, Aisak dede, Jekop dede polobadu augwaligo koneama, Godibolo lotu po wabo page wai. Tama te Godigo agai ogwa Jisasgo nogi da ola mawai dao, te aga bomo me. Aga da, te da tau sabo bidi dao. Tiali goli, dagego polobadu Jisas te gavman genuai bidi teba odasa pai. Dagego aga po tų elama, te kiap bidi nogi Pailat agai Jisas olo tagalai homu yai.

Godigo Sęba Tagala Palai Bidigo Po 8:36

Tama augwali si te tųdu pobadi, te gavman bidigo ąį sulama, te po wali, “Te ąį ede elalubo. Ena magi baso baptais sogobewe?” te po wai.

Godigo Sęba Tagala Palai Bidigo Po 9:20

Agai te Juda dabego bomo yai po ola mabo be dabeba polo pali. Tede agai Jisasgo po pusa mabo gagalali. Agai te po wai, “Jisas da, te Godigo Ogwa dao,” wali.

Polgo Po Pas Rom Dabeba Asęani 1:9

Eno Godigo sę eno bomo tigidaligo eyu, tama eno te aga Ogwade te wiegi yai gesi po te we bidibolo pusubo sę ebo dao. Tama te God aga digi koneani, eno mu po obao, sesemane sogo eno gedu haluasa po wabo si te eno dagego nogi nogi ebo dao.

Polgo Po Pas Rom Dabeba Asęani 4:1

Awe, te Abrahamde me te tiwai pedalali. Abraham aga te da tiwai bidi, tama aga da Juda dabego wąį mu dao. Tama dago agade homu kone paluyu, tama Godigo bidi doloba pai bidi ilibo kolesaga page dago bugagia koneagameo. Agade magi sę pedalaliwe?

Polgo Po Pas Rom Dabeba Asęani 9:3

Eno homugo te Godigo eno ama dede augwali ma dobola somainogo ebo homu godolo ebao, augwali ena dali deli kaneme elalubao. Tama te tų elalugi sogo da, augwali tobade te eno Kraisba gedu haluasa po olama agai ena i ola mayu tama sela sąnama tama ena hagamainogo elama tama augwali tau somainogo hasegeligi da. Eno te homu bomonama ebo dao.

Polgo Po Pas Rom Dabeba Asęani 9:5

Augwaligo wąį mu Abraham dali, Aisak dali, te Jekop dali, augwali polobadu bidiyu te genuai nogi sai bidi dabe hasia bidali, tama augwali te augwa bulai wai dabe naga bidai. Tama Krais aga e tǫba dulama tama da bidi tiwai tigi sali sogo, agai te Juda hanide naga te bidi mu pedalali. Aga te tigidali nai tobolu bidi bidibao. Aga te God dao, te aga nogi dago sesemane bidada pabo sogo ugwaba sinao. Mu dao.

1 Korin 1:9

Te God aga digi dage aga ogwa Jisas Krais dali wadolomainogo eyu tama dage i wali bidi, te tiwai God aga digi da te agai homugo dage dali kęą pai bidi mu dao, te dage agaba tią pabo te usu dao.

1 Korin 10:18

Dagego te Israel dabe augwaligo yali kolesagade homugo kone palao. Godigo augwaligo yali dwai sę sela sąwainogo eyu, tama augwaligo te sipsip dali meme dali selama, tama te pris bidi dabego nogoba mawai. Tama menama, tama te pris bidi dabego te nai dabe ela munama, tama te mi te alta sai ugwadu daiba muyu, tama siago uluyu, tama Godibolo ofa tama mawai dao. Tama tiyu te nai sesali bage dali, te pris bidi dabe dali, augwali tigidaligo te altade ofa mani nai tuyu deli hani naga bidiyu tama bidali.

Galesia 4:4

Tialima, te Godigo bodolu mani sabolobo side, agai aga ogwa e tǫba tagala palai. Tagala palama, tama e tǫde wego aga ame nai, tama aga e tǫde bidibadi aga te Juda dabego bomo yai po dologode bididubadi yai.

1 Tesalonaika 1:10

Tama augwaligo te po wabo dao, dage te Godigo Ogwa dagalu tagalama e tǫba ma asobo sogo te dagego tonalubo dao, te po wabo dao. Te Godigo polobadu gų pagede ma hodolali bidi, te Jisas, tama te bidi agai da dali Godigo nosali sębę idali weyu tau sali bidi Jisas dao. Dagego te bidi asobo tonalubo po augwaligo dabolo pusubo dao.

2 Timoti 2:5

Magi baso meni. Te God deli naga bidibao. Tama te God de bidi si tomode naga dolalubo bidi deli naga te elalubao, te bidi te Krais Jisas dao. Agai God dali we bidi dali deliba sisinabo bidi dao.

2 Timoti 3:16

Awe, mu tama, te polobadu geme dualali po, te Godigo dabolo waselali konealuabo po page te genuai mu elalubo, tama bidigo te pode te po mu menio wabo te usu me egobeo. Te konealuabo po e dao: Aga te tigi elalubo bidi mu pedalali, tama hania hanilai. Tedali Mobo Bidigo we bidibolo ola mani, te bidi aga dolo mu yali. Te dagalude mobo bidi ensel dabego aga suai. Tama po pusubo bidi augwaligo agade po te tigidali we bidi hanibolo pusigi pali. Te tǫde bidi dabe augwaligo konealubo po agade dąų wai. Te Godigo aga dagaluba odasa holama, tama megi aga bomo dali, genuai nogi dali selama bidibo dao.

Polgo Si Wali Pas Timotiba Asęani - 2TI 2:8

Sesemane sogo nago te Jisas Krais homugo koneao. Aga te isąma, te isali bidi bidibo digidu ma hodaluali. Aga te polobadu tuni bidi Devitgo hani bidi bidai. Te eno te Godigo gesi dwagi yai po wabo si, te Krais aga te bidi Devitgo bulai wai dao, te po me eno pusubo dao.

1 Jon 1:3

Awe, agade dago gedugo suali sę dali te dago ologo odali po me, te si dago dagebolo me pusubao. Te dage da dali wadolama, tama da tigidali te dago Aya dali, aga ogwa Jisas Krais aga dali me dago deli homu elama bidimainogo eyu te dago megi e po dagebolo pusubao.

1 Jon 3:23

Tama agai bomo yai pode tama wai: dago konealubo po agai ogwa Jisas Kraisgo nogide dąų olama, tama dago gasa we bidi dabe augwali dali dwagi yai homu eyu godolo mu yao, te agai dabolo polobadu wali po tiwai.

1 Jon 3:8

Niwai bidigo dwai sę idu bidibo, te bidi Satango hani bidi dao. Magi baso meni, te Godigo tigidali nai nigisiąbadi, polobadu mu Satango dwai sę ebo gagalama, tama eyu, tama megi me aga tama tibo dao. Tama agai te Satango we bidi tomode ebo dwai kolesaga ela silimainogo te Godigo Ogwa aga hania pedalai.

1 Jon 4:15

Bidi me deligo te gasa we bidi gabidide po weyu, “Awe, te bidi Jisas aga te Godigo Ogwa dao,” obaso da, God aga te bidi dali bidibao, tama te bidi aga God dali bidibo dao.

1 Jon 5:1

Tigidali bidigo Jisas aga te Godigo sa muani tagala palali bidi Krais dao olama konealubo po dąų wai, te bidi dabe augwali Godigo wai dabe dao. Tama tigidali bidigo aya dali dwagi yai homu ebo bidi, te augwaligo te dwagi yai homu eyu godolo ebo kolesaga agai wai dabe dali me ebo dao.

1 Jon 5:20

Dago koneai, Godigo Ogwa aga asai, tama agai homu kolesaga da mawai, dago te God aga God mu dao, te dago konemainogo te kolesaga da mawai. Da aga Ogwa Jisas Krais dali wadolama bidibaso, tama da God dali bidibo dao. Te Krais da, te aga God mu dao, tama agai te bidibo ula sesemane sogo bidada peyu, bidada pabo ula mabo dao.

1 Jon 5:5

Mena bidigo hwįnama tama tǫde dwai kolesaga ebo aiyaba elalubo bidi dawe? “Te bidi Jisas aga Godigo Ogwa mu dao,” te po konealubo po dąų wabo bidi aga naga dao.

2 Jon 1:7

Magi baso meni. Bidi hauwa augwaligo da dwai sę tomoba kegainogo eyu tibo po ola mabo bidi dabe, augwali haniani tǫba augwaligo po pusigi pai dao. Tama augwaligo “Te Jisas Krais e tǫba asama bidali te bidi mugo tigi sali, te da bidi dabego tigi tiwai sali,” te po wabo augwaligo hagela ebo dao, te po page hogwa sabo dao. Te tobage bidi aga te tibo po wabo bidi, tama agai Krais dali boi bidi ebo bidi dao.

Kraisgo Geme Dualali Sę Pedelabo Po Jonbolo Ola Mani 2:18

Te bidigo enabolo po me ma wai, “Te megi nago te Taiataira bulude Godigo po odoyu bidibo we bidi tonalubo ensel mobo bidibolo e po asęna tolao: ena Godigo Ogwa dao, tama eno gedu te sia bogoli sesena pai bomonama dabo tiwai, tama eno sągą te kapa meda meni yai eyu te gegemani ebo tiwai ebo. Tama eno e po nagebolo ola tolobao.