Kraisgo Geme Dualali Sę Pedelabo Po Jonbolo Ola Mani 9:16 - Godigo dwagi yai po buku

¹⁶ Tama te kibu hosde duawali ami bidi dabe hauwa mu, te bidi sese hauwa mu da wali, te 200 milion. Te tama nogi ebo eno odai.

Kraisgo Geme Dualali Sę Pedelabo Po Jonbolo Ola Mani 9:16 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 68:17

Genuai Bidi te hwįbo bomai hauwa tausen karisde dugawali ami bidi dabe dali asaibao. Aga te Sainai bulu duba aselama, tama aga te gasa wiegi yai be mu tomoba bula sagasaibao.

Esekiel 23:6

Te abagi dabe augwali te gegunai Asiria gavman bidi dabe da, augwali te ami polalubo ofisa bidi dabe augwaligo te wiegi yai husugu ugwa gudali. Te sawi yai ami dabe augwa te hosde dugulama boi hwįani. Ohola agai te gesi ogwa bidi dabe sulama, te aga haliga hogodasa holalio.

Esekiel 38:4

Te eno nage begelama, tama nago te saut badu edaba tonaibao. Tama eno nago penane dilide huk gebelama, tama nage dali, naga ami hani hauwa dali, eno edaba eba kegaibao. Nago ami bidi umabo tigidaligo hwįbo ugwa gudiyu, me ni nami awa dabe dali, me sabele dabe dali toliyu, me bainat hwą dabe nogo tuyu ebo dao, tama augwali hos dabede duabo dao.

Daniel 11:40

“Te tigidali dagalude me tǫde nai sia sabo sogo da, teda te saut tǫ badu te Isip kingo te Siria bulu tǫ te not badu bidali king dali hwį yagasaibao. Te polo tama te Siria tǫ kingo te hwįbo nai karis dabe, me hos, me te hwįbo sip dabe selama, tama asesa polo pelama, te Isip king dali te bomo elama, hwįgi painu yaibao. Agai te bulu tǫ kantri hauwa te ąį genuai asobo tiwai elama, aiyaba elalueibao.

Daniel 7:10

tama besela palalio. Te bidi sese umabo mu, te hauwa tausen we bidigo te Bidigo sę yali, tama te umabo hauwa milion we bidi aga pąde dolaluali. Tama mebago te buku dabe dagalama, te po tų kot hodolainu yai.

Kraisgo Geme Dualali Sę Pedelabo Po Jonbolo Ola Mani 5:11

Tialima, eno tonolo ma bilibadi, tama eno te Godigo dagalude bidibo ensel mobo bidi augwaligo pedauwalide moni po wabo odai. Tama te ensel dabe augwali hauwa mu te handet milion bidibao, tama bidigo augwali nedebo usu me egobeo, te tausen tausen te kisu umabo mu bidai. Tama augwali dolaluyu, tama te genuai tuni bidi duabo nai me, te bidibo ula elalubo hasa me si me si me, te polalubo tobolu bidi dabe me, augwali tomode bidiyu, tama te ensel mobo bidi dabe augwaligo te bage bagulama dolaluali.

Kraisgo Geme Dualali Sę Pedelabo Po Jonbolo Ola Mani 7:4

Tama eno odali, te sa muabo we bidi augwali nedali. Augwali te we bidi nedali dąį te 144,000 nogi wabo namba te genuai mu dao, teba usu nigi pali. Te Israel we bidi hani deli delide meba sa muani.