Kraisgo Geme Dualali Sę Pedelabo Po Jonbolo Ola Mani 4:7 - Godigo dwagi yai po buku

⁷ Tama te bidibo ula elalubo hasa me deli aga te moni hudigi ebo kibu laion hasa tiwai bidibo eno suai. Te hasa me aga te bulmakau omai tiwai suali. Te bidibo ula elalubo hasa sela wali te bidi gesabidi tiwai yai. Tama te tudi badu hasa te ba kemodage ugadu bola bilibo tiwai eno suali.

Kraisgo Geme Dualali Sę Pedelabo Po Jonbolo Ola Mani 4:7 Iomraidhean Croise

Tigidali Nai Gagalama Nigali Side 49:9

Juda, nage te gesi ogwa bidi laion me deli tiwai. Agai te aga hasa elama, tama nosali te aga geme dualalubo pesagede geme ma duala sigi pabo tiwai yali. Juda te ogwa bidi laion me deli tiwai aga da. Agai te aga sągą dili dodolama, tama nosali aga pibo da. Tama me deligo te aga dali hagoma me eyu me egobeo.

2 Samuel 1:23

Te Israel aga hanigo bidigo te Sol de Jonatan si godolo homu mu eyu yai. Augwali si te wiegi yai bidi mu dao. Te sesemane sogo augwa si bugagia mu kisasa bilama, tama augwa si isali me te kisalubadi isalio. Augwali si te polo asesa mu udayu, te boi bidi dabe pobeasa pali, tama te ba kemodagego te hasa dabe ela tuainu pobebo te aiyaba mu elaluali. Tama augwali sigo bomogo te laiongo bomo aiyaba elaluai dao.”

Bugagia Bidibo Kolesagade Po Asęai Buku 28:2

Te bulu tǫ pedaide bidibo bidi dabego te gavman hasegelibo sęde hwįbo sę ebaso da, teda te gesi tobolu bidi hauwa sesemane pedelaibao. Tiali goli, te wiegi yai homu kolesaga elalubo tobolu bidigo da, teda agai te bulu tǫ pedai kantri bugagia bidimainu yaibao.

Aisaia 40:31

Tiali goli, te Genuai Bidiba konealubo homu dąų olama, te agai augwali tau sabo tonalubo we bidi dabe, augwali te bomo sesemane elalu bidaibao. Tama augwali bomonama eyu, te ba kemodage bola pabo tiwai yaibao. Te augwali udalama, te augwali homu hę me egobeo, te augwali bilidu, te bomo kimi me isigobeo.

Esekiel 1:10

Tigidali deli deligo te tobage gesabidi me si me si elaluali. Te edaba begelama elalubo badu te bidigo gesabidi elaluali, te dolo nogo badu gesabidi te hasa nogi laiongo gesabidi tiwai yali. Te pobase nogo badu gesabidi te kibu bulmakau omai gesabidi tiwai elaluali, te tudi badu gesabidi te genuai ba kemodage gesabidi tiwai yalio.

Esekiel 1:8

Te tigidali bogo deli deli dologode te bidigo nogo ąbo tiwai elaluali. Te augwaligo bogo te tama tiwai elaluai.

Esekiel 10:14

Te tigidali me si me si nai deli deligo te me si me si gesabidi tobage elaluali. Te polalubo gesabidi te ensel me deli gesabidi tiwai yali, te si wali te bidigo gesabidi tiwai elaluali. Te sela wali te hasa laiongo gesabidi tiwai, te me si me si wali gesabidi te ba kemodagego gesabidi tiwai yai dao.

Esekiel 10:21

Tigidali deli deli mobo enselgo gesabidi me si me si elalu, bogo me si me si elalualio. Te nai me deli te bidigo nogo ąbo tiwai te augwa bogo dologo deli delide elaluai.

Daniel 7:4

Hasia pedelali te laion yowi tiwai, tama te genuai ba kemodagego bogo tiwai elaluali. Eno tonono ebadi, tama eno suali, augwaligo aga bogo sela sąnama, tama augwaligo aga te bidi yaligia sągą sigo dodolobo suali. Tama augwa te bidigo homu kolesaga tiwai agaba mawai.

Obadia 1:4

Tialima, eno dageba te po obao, dage te ugwadu mu bola soabo ba kemodage tiwai elalubo te tagalao, tama te be ugwadu daide te hǫ tomode sę yani tiwai elalubo, teda eno dage aiyaba mu kekasa dulaibao.”

Israel Hanigo Namba 23:24

Israel dabe te boma pai uni yowi laion tiwai dao. Aga toma polo tubo menio. Agai te hasa elama, mi pepedama tuyu ebo dao, tama te hasa dabego kaneme me tubo dao, tama nosali aga toma tubo dao.”

Israel Hanigo Namba 24:9

Israel dabe te boma pai laion tiwai dao. Te aga pilamubadi da, te bidi me deligo aga hodolobo usu egobeo. Ma, te bidi mego Godigo te Israel dabe dali wiegi yai sę yao po wali da, teda eno homugo Godigo te bidi dali wiegi yai sę yaibao. Ma, te bidi me deligo Godigo te Israel dabe dolomainao po wali da, teda eno homugo Godigo te bidi dolaibao,” Balamgo te po wai.

1 Korin 14:20

Eno ama dedeo, dagego te haniani sęde dagalabo homude dage te wai puluba tiwai me bidilamuo. Menio. Te dwai kolesaga ebode dage te dwasianu wai puluba bidibo tiwai bidao, te dwai kolesaga egimio. Tiali goli duga haniani sę ebo dagalabo homude, dage te genuai bidi tiwai pedaliąo.

Bomai Po 28:49

Te tama tilama, Godigo bidi hani me deli digibulu mu bulu badu me odasa asaibao, te dagego augwaligo po odisąma yai bidi hani me deli. Augwali dageba te kemodage me hasa ela tuainogo polo asobo tiwai yaibao.

Kraisgo Geme Dualali Sę Pedelabo Po Jonbolo Ola Mani 4:6

Tama te genuai tuni bidigo gesabidide te magi nai me deli elalubao, te nai te genuai tamu ąį tiwai dao. Tama te gesabidi subo dula tiwai, te hania mu subo dao. Tama te bidibo ula elalubo hasa me si me si augwali te tomode bidiyu, tama augwali te tuni bidigo wiegi yai duabo nai sia sai bobegelalu bidiyu, tama augwali dolaluai. Te bidibo ula elalubo hasa me si me si augwaligo gedu te hauwa te gesabidide me elalu, te tudi badu me elalu, te tigi sibi mu simina selama halualubo dao.

Kraisgo Geme Dualali Sę Pedelabo Po Jonbolo Ola Mani 6:3

Tama te kibu sipsip wai agai te buku dąų wali nai me si wali togwa sąwai, tama te bidibo ula elalubo hasa me sigo wabo po eno odali, te hasa sigo te po wali, “Nage asao.”

Kraisgo Geme Dualali Sę Pedelabo Po Jonbolo Ola Mani 6:5

Tama te kibu sipsip waigo te buku dąų wali nai sela wali togwa sąwai, tama te bidibo ula elalubo nai selago wabo po eno odali, “Nage asao,” wali. Tama eno ma tonono bilibadi, tama eno te sisi yai kibu hos asobo suai. Tama te kibude duawali bidi agai nogode te walu dabe skel ebo nai tolaluai.

Kraisgo Geme Dualali Sę Pedelabo Po Jonbolo Ola Mani 6:7

Tama te kibu sipsip waigo te buku dąų wali nai me si me si wali te togwa sąwai, tama eno odali, te bidibo ula elalubo hasa tomode me deligo agai te po wali, “Nage asao.”