Biblia Todo Logo
Bìoball air-loidhne

- Sanasan -




Kraisgo Geme Dualali Sę Pedelabo Po Jonbolo Ola Mani 21:23 - Godigo dwagi yai po buku

23 Tama te hanude te giliga dali polua si te sę esiąyu te ula ilibeo. Menio. Te God aga digi te genuai ulago te ula mabo dao. Tama te Kibu Sipsip Wai te aga te hanugo ula mabo lam sole dao.

Faic an caibideil Dèan lethbhreac




Kraisgo Geme Dualali Sę Pedelabo Po Jonbolo Ola Mani 21:23
25 Iomraidhean Croise  

Genuai Bidi, te da seselalubo bidi, te dago genuai nogi elalubo king dao. Agai te olo tau sabo wiegi yai kolesaga dabolo eyu, tama daba genuai nogi mayu yali. Agai te bugagia dolasa bilibo we bidi dabede te mena nai me deli me dąų me ela sogobeo.


Te we bidi dabe, dage wi pelama, masigi dudulaweba dabe duala sigi piąo. Dage tǫde dedage nigilama, duala siąo. Tiyu, dage Genuai Bidi aga ula me bomo dali asobaso, dage wi elama, dolabuo, Genuai Bidi asobode.


Tama te sogo Genuai Bidigo te tǫ mali iliyu, tama e tǫde nai dabe wi mu ilaibao. Tama te we bidi dabe me wi mu elama, tama masigi dudulaweba me, tǫ dudulaweba me, wi duala sigi paibao. Te augwaligo Genuai Bidi aga bomo dali, genuai ula dali, asobo augwaligo suidali weyu.


Tama te sogo da, Genuai Bidigo te tǫ mali iliyu, tama tǫde wi mu yabo sę dabe yaibao. Tama te we bidi dabe me wi mu elama, te masigi ola beba me, bulu du dologode elalubo masigi dedageba dabe wi duala sigi paibao. Te augwaligo te Genuai Bidi aga ula dali, bomo dali, asobo augwaligo suidali weyu.


Tama te giliga ula de polua ula si, te olo nai tiwai yaibao. Magi baso meni. Tigidali Bomo Elalubo Genuai Bidi aga bomo dali, me aga bomai ula dali, asaibao. Tama aga te bulu du Saionde we bidi tonaluaibao. Tama te we bidi dabe augwa genuai bidi dabego aga suaibao.


Te sogo te polua te giliga tiwai bomo elama, mu nanaibao. Tama te sogo te giligago ula te bomo yai mu nanama, tama megi tama ula ebo edelama, mu nanaibao, te tigidali sogo ula ebo edelaibao. Te a naga olama, me badu nogo si sogo nanebo giliga deliba sisinama, deli bubugade nanebo tiwai yaibao. Te sę dabe te Genuai Bidigo aga we bidibolo mani sęgę dabe, me dene dabe mani sela sąbo sogo, te sę dabe yaibao. Tama agai augwali usu ma ilaibao.


Godigo te tǫ Idom bulude bidali tagalama, te aga ma asalio. God te wiegi yai doloba pai kolesaga tigidali mu ebo God, aga te Paran tǫ pedai bulu dude bidali hogodama, asali. Agai bomo te be posali ula tiwai pedelama, tama te dagalu tigidali pedai badu mesega salio. Tebogo te tigidali tǫde we bidigo agai te genuai nogi ugaba sabo homu ebo sę ilalio.


Magi baso meni. Nosali Godigo Bidi Mu te aga Ayago genuai bomo me, ula me dali, te ensel mobo bidi dabe dali hodobo si asaibao. Te sogo te agai tigidali we bidigo yali kolesaga usu nama wei ponaibao.


Tama te megi e sogo tǫde bidibo we bidi dabe augwali da, te aga bidi taga soayu penani ebo we tiwai da, augwaligo Godigo po taga soali, tama haniani dwai sę ebo dao. Te bidi augwali bidalubo tomode bidiyu, tama agai enade me te eno ola mabo pode me hale eyu ebaso da, teda nosali ena te Godigo Bidi Mu, ena me te bidide hale eyu aga nogi geme dualaluaibao, te eno ena Ayago genuai bomo yai ula dali, te wiegi yai tedali ensel mobo bidi dabe dali e tǫba ma asobo sogo tama tiaibao,” Jisasgo te po wai.


Sole ula deli dao, tego deli te Israel hani isąwai we bidibolo ula ola mawaibao. Tama agai moni nogi te Israel hani we bidi dabebolo mawaibao,” Simeongo Jisasde te po wali.


Te Po aga digi bidi pedalai, tama da we bidi tomode aga bidai. Dago agai genuai nogi dali agai moni bomo dali si suai. Te Godigo Ogwa deligo genuai nogi dali bomo dali si dago suai. Agai te we bidi olo tau sabo sę hauwa eyu, te agai mu po naga weyu yai.


Menio. Bidi me deligo God munu me gedugo subeo. Mu menio. Tialima, te Godigo ogwa deli aga aya pąde bidibo, agai Godigo page dabolo ola mawai dao.


Bidabo bomo Po agade elalubo. Tama agai bidabo bomo te we bidi augwaligo ula dao.


Te ula da te ula mu dao. Tama aga te sogo tǫba dulai, tigidali we bidi ula mawainogo yali.


“Aya, eno homugo nago ena mani bidi dabe augwali ena bidibo bulude ena dali da hodobo nosali bidaio, augwaligo eno bomo yai ula dali bomo dali sumainogo yaibao. Polobadu, te tǫ pedalisiąbadi, te sogo nago ena godolo mu eyu, tama nago te bomo yai ula dali te bomo dali enabolo mawai dao.


Magi baso meni. Tigidali bidigo Godigo Ogwa nogi ugwaba samainogo, te Godigo nogi ugwaba sabo gilamao. God Ayago aga Ogwa e tǫba tagala palobaso, tama bidi te Godigo ogwago nogi ugwaba sisąbo bidi da, agai Godigo nogi me ugwaba sisąbo bidi da,” Jisasgo te po wai.


Tialima, eno gedu tigidali halua sali. Magi basowe? Te genuai sole ula gagawai nai eno geduba dolama, eno gedu hulia selama, hǫsana pai dao. Tama ena dali pali bidi dabe augwaligo ena nogo tulama, Damaskus be nani tomoba odasa pali.”


Te bidi dabe augwaligo te meda yai penani ebo kolesaga me ebeo. Menio. Augwali te gasagi yai meda meni yai mu bidali dao. Te tigidali bulu te Kibu Sipsip Wai painogo ebo bulu, te bidi dabe augwaligo me te aga wali naga pabo dao. Godigo augwali te tǫde bidibo we bidi tomode augwali dią siyu ma abelama, tama augwali te Godigo hasia bidi hani bidali God aga digi ma aga te Kibu Sipsip Wai dali sigo sai dao.


Te penani wede pedalabo sę eno te tiwai suali. Tama nosali te sogo eno suali gasa ensel mobo bidi te dagalu tagalama e tǫba dulubo eno suali. Agai bomo genuai mu elaluai, tama agai bomo yai ulago te tǫ ula mu ilai.


Godigo genuai bomo yai ula te hanude ula yai. Te ula te gasagi yai mu, te masigide genuai mone elalubo tiwai mu dao. Awe, te wiegi yai masigi nogi daimon tiwai, tama gegemani ebo, tama te ula hania mu ula yai.


Tama siade augwaligo te hanugo obo tų dabe munu me paliagobeo, tama be hulia sabo te hanuba pedalogobeo.


Tama be ma hulia sogobeo. Tama te lam sole ulade me te giliga ulade me sę yali te sę ma elalugobeo. Menio. Genuai Bidi Godigo aga digi ula augwalibolo mawaibao. Tama augwali te sogo tuni bidi bidada peyu bidada paibao.


Tama te sogo eno suali, te kibu sipsip wai dolalubo suai, te augwaligo aga hwągo ela muai subo tiwai homu yai. Tama aga te genuai tuni bidi duabo nai dali te bidibo ula elalubo hasa me si me si te pąde aga dolaluyu, tama te polalubo tobolu bidi dabe tomode bidai. Tama agai te bulmakaugo tobolude elalubo gąų tiwai te a naga olama me badu si badi, te agai gedu me te a naga olama me badu nogo si elalubo. Tama te gedu dabe augwali te Godigo mobo bidi a naga olama me badu nogo si dao. God agai augwali te tigidali tǫba tagala palai dao.


Magi baso meni, te genuai tuni bidi duabo nai gesabide bidibo kibu sipsip wai, te aga digi agai augwali tonalubo bidi bidaibao, te kibu sipsip tonalubo bidi agai aga sipsip dabe tonalubo gilama tiwaibao. Tama agai augwali te ąį ulu pedalobo digi odasa pelama, tama augwaligo te bidabo ula yabo ąį saibao. Tama Godigo augwaligo gedude gela wali gedu ąį hola sabaso, tama augwali gela ma wagobeo,” te polalubo tobolu bidigo enabolo te po wai.


Lean sinn:

Sanasan


Sanasan