Kraisgo Geme Dualali Sę Pedelabo Po Jonbolo Ola Mani 21:15 - Godigo dwagi yai po buku

¹⁵ Tama te ensel mobo bidi agai ena dali po wali bidi, agai te kapa golgo nigai dono te hanu usu sabo nai nogogo tolaluai, tama te usu nigo agai te obo me te obo tų dabe me usu sela sueinogo yai.

Kraisgo Geme Dualali Sę Pedelabo Po Jonbolo Ola Mani 21:15 Iomraidhean Croise

Esekiel 40:3

Tama Godigo ena pąba odasa pali, tama eno bidi me bidibo suali, tama aga te bras ula tiwai ebo suali. Te bidi te taun obo sunumide dolaluali, tama agai te bobobage nai usu sabo haliga bono elaluyu, me te gasa nai usu sabo ni tolaluyu, dolalubo suali.

Sekaraia 2:1

Eno nade nai subo tiwai elama, tama eno bidi mego usu ni bono nogo tolalubo suali.

Sekaraia 2:2

Tama eno agabolo e tama po hanalu wali, “Nage mena pobawe?” Tama agai po wei ponoyu, te po wali, “Ena pabo da te Jerusalem usu nigo usu sainu pobao, te eno agai bobobage yali koneyu, me genuai iyu yali koneainu te usu ni bonogo usu sainu pobao,” wali.

Kraisgo Geme Dualali Sę Pedelabo Po Jonbolo Ola Mani 21:12

Te hanude te genuai masigigo nigai obo ugwanu mu yai elaluai dao. Te obode tų te nogo si olama te sągą badu si elalubo, tama te nogo si olama sągą badu si tama ensel mobo bidi augwali deli deli te tų deli deli pąde dolaluai. Tama te Israel hani nogo si olama sągą badu si nogi deli deli te tų deli delide asęai elaluali.

Kraisgo Geme Dualali Sę Pedelabo Po Jonbolo Ola Mani 21:16

Te genuai hanu usu sali te genuai mu yai. Te hanu tigidali badu usu sali, te tiwai si naga ususu si yali. Tama tigidali badu deli deli usu selama, tama te namba te 2,400 kilomita yai. Te hanu ugwaba yali bobage me te tigidali badu me, te tigidali tiwai si naga yali.

Kraisgo Geme Dualali Sę Pedelabo Po Jonbolo Ola Mani 21:21

Te nogo si olama sągą badu si obo tų te nogo si olama sągą badu si te tedela yai bis te wiegi yai mu dao. Tų me deli augwaligo te genuai bis mu me deligo naga nigai. Te tigidali hanude pabo tų te wiegi yai kapa golgo naga nigai, tama hania mu te glas tiwai yai eno suali.

Kraisgo Geme Dualali Sę Pedelabo Po Jonbolo Ola Mani 21:25

Tama siade augwaligo te hanugo obo tų dabe munu me paliagobeo, tama be hulia sabo te hanuba pedalogobeo.