Kraisgo Geme Dualali Sę Pedelabo Po Jonbolo Ola Mani 2:3 - Godigo dwagi yai po buku

³ Tama te bidi dabe augwaligo nage suali, te nage ena wali bilibo dao, tama augwaligo nage dali dwai sę yali dao. Tiali goli nago bomo elama dolaluyu, te dwai sę nage dali eyu sęgę mabo nago bugagia tolalubo dao. Te nago tigi dene ebo hagela ebeo. Nago te sę ebo te eno konebo dao.

Kraisgo Geme Dualali Sę Pedelabo Po Jonbolo Ola Mani 2:3 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 37:7

Nage dua digi te Genuai Bidi pąba pelama, bidao. Te dua digi bidiyu, te agai nage tau sabo tonaluao. Te bidi dabego augwa ebo kolesagade te wiegi yai nai dabe sabode te nago homugo pesa me elamuo. Mu tama, te haniani dwai kolesaga yabo homu ebo bidi dabego ebo homude nago homu kekeli eyu, tama te tiwai sę eyu, pedelabo homu me elamuo.

Godigo Nogi Ugwaba Sabo Tęąbi Po Wabo Buku Dabe 69:7

Eno nage wali pobaso, tama te bidi dabego posobo po enaba weyu, tama augwaligo ena hale emainu ebo dao.

Maika 7:9

Dago dwai sęgę sabo sę te Genuai Bidigo gedude yali, tialima te dwasianu sogo naga tama te Genuai Bidigo haliga sębę elama, te dabolo dene mabo sę yaibao. Tiali goli, agai da tau saibao, tama te gasa bidi dabego da dali yali dwai sę agai dodolaibao. Te hulia side agai da selama, te da ulaba odasa asaibao. Te da bidibadi digi, te agai da boi bidi dabego nogode ma saibao, tama dago agai ebo doloba pai kolesaga sueibao.

Dwagi Yai Gesi Po Makgo Asęani 15:21

Bidi me deli, Saimon te Sairini bulu bidi, te Aleksander me Rufus sigo aya, aga aselama, tama te Jerusalem hanu tomoba painu soali. Tama te ami bidi dabe augwaligo agade bomo eyu, agai te Jisas elabo ni pedai te agai tolao wai. Tama agai te ni pedai tolasa pabo gagalali.

Dwagi Yai Gesi Po Lukgo Asęani 14:27

Niwai bidi ena isibo hagelabo weyu tama aga ena wali pabo meni, te tobage bidi te eno hani bidi menio. Te ena wali pabo sę e tiwai dao.

Dwagi Yai Gesi Po Lukgo Asęani 18:1

Te Jisasgo aga wali asobo we bidibolo po begelai po me pusali. “Dagego sesemane sogo Godibolo gedu haluasa po weyu, nono meniama, tagalidali weyu, eno e po begelai po dagebolo pusubao,” wali.

Dwagi Yai Gesi Po Lukgo Asęani 21:19

Dage bomo elama, bidao. Nono esisąbaso, dagego mu bidabo sogo nosali saibao,” Jisasgo te po wai.

Dwagi Yai Gesi Po Lukgo Asęani 5:5

Saimongo wei ponoyu, te po wali, “Genuai Bidi, moni huli sesabi dago yabo sę iduali goli, te sųgų deli munu me sai menio. Tiali goli, nago po obaso da, eno agane wa te ąįba tuluaibao,” wali.

Dwagi Yai Gesi Po Lukgo Asęani 8:15

Te tubo nai ge te ili elalubo dwagi yai geswai tǫde tudulaluali po wali da, te da te bidi dabego po odama, te augwa bugagia wali pelama, te homude dąų ola sali tiwai yali. Te augwa haliga bugagia dolasa elalubadi, te augwa bomo elama bidu, te augwa nai du walobo tiwai te elaluali dao,” Jisasgo te po wali.

Dwagi Yai Gesi Po Jongo Asęani 15:21

Tiali goli, augwaligo God konebeo, agai ena tagala palama, ena asai. Tama tibaso, dage eno hani gagalama, te eno po wali pabo suyu, tama augwaligo dage dali me dwai sę yaibao.

Polgo Po Pas Rom Dabeba Asęani 12:12

Dagego agade konealubo po dąų olama, tama Genuai Bidigo dage tau sabo tonalubadi tama dagego wiegi yai homu pemene dali yao. Te sęgę dageba pedalobaso da, teda dage bomo elama bugagia dolaluao. Dagego tigidali sogo gedu haluasa po wao.

Polgo Po Pas Rom Dabeba Asęani 16:12

Dagego eno siade da wali po te we ama name si Trifina dali Trifosa sibolo wao, augwali si te Genuai Bidigo sę ebo dao. Te eno siade da wali po te we nogi Persisbolo wao, eno abagi mu dao. Agai sę dene hauwa Genuai Bidide yai dao.

Polgo Po Pas Rom Dabeba Asęani 2:7

Tama mebago da, te dwagi yai kolesagade bomo elama bidiyu, tama tebo kolesagago augwaligo te genuai nogi me te wiegi yai nogi me te me dolisąbo bidada pabo ula te tų gegebo sę ebo dao. Tama Godigo te tama kolesaga ebo bidi dabe augwalibolo te bugagia bidada peyu, bidada pabo bidibo ula mawaibao.

Polgo Po Pas Rom Dabeba Asęani 8:25

Tiali goli megi te nai dago sisąbadi da, dago homu dąų mu olama te nai dago mu saiba homu yali da, teda dago homu bomo te naiba elama tama bugagia tonaludubo dao.

1 Korin 13:7

Te gasa we bidibolo wiegi yai homu eyu godolo ebo bidi agai tigidali sęgę bugagia tolobo dao. Te tama tiyu, agai aga abagi dali homugo kęą pai bidi bidada pabo dao, te kolesaga me sia sogobeo. Te aga dali dwai sę yali abagi, tede agai wiegi yai homu pemene eyu tama te bidigo homu hasegelebo aga bugagia tonalubo dao, agai te kolesaga ebo tagalogobeo. Te tigidali sęgę sabode te aga bomo elama bugagia dolalubo dao, aga munu me sębę polo egobeo.

1 Korin 16:16

dologode bidimainogo homu ebao, tama tigidali bidi dabego augwali tau selama, tama te sęde sę bomo elama ebo dao.

2 Korin 10:15

Dago te Godigo mawai dąį bolama, tama te gasa bidi dabe augwaligo yali sęde te dago dena digi dena nogi ugwaba me sabo meni. Te menio. Dago homugo te tiwai bomo ebo dao: te dagego duga homu tigidali Kraisba mubo kolesaga bomo yai pedalobo si, tama dago sę genuai dage tomode pedalomainogo eyu, te dena dage tomode Godigo sę yabo dąį usu nama tama te genuai mu pedalaibao.

2 Korin 11:23

Augwali te Kraisgo sę ebo bidi dabe da wida, agawe? Megi eno po te aga digi nogi ugwaba sabo kolesaga meni yai polobo bidigo po tiwai mu obao. Eno augwali te Kraisgo sęde aiyaba mu elaluali. Te sę dene idu gealigo eno edelama ugwanu igulali. Te eno Kraisde po pusubaso, te boi bidi dabego ena kalabus beba hauwa sogo muani. Tede eno te tibo po ola mabo bidi dabe ela holai dao. Te boi bidi dabe augwaligo ena hauwa sogo mu elali, bidigo nedebo usu egobeo, tede eno e bage augwali aiyaba mu elaluali. Hauwa sogo ena pąde isabo tiwai yai.

2 Korin 4:1

Godigo da homu dene eyu tau selama, tama te agai gesi dąų wali po pusubo sę dabolo mawai. Tama tialigo da, teda te sęde da bomo kimi isąyu me egobeo, te sę tagalabo homu me egobeo.

2 Korin 4:16

Dago te homugo konebaso, tama da Godigo sęde bomo kimi munu me isibo menio. Te mu tama, dago tigi dolainogo ebo dao. Tiali goli magigo meni, dago homu dali noma dali si te tigidali deli deli sogo gesi ma pedaliyu ebo dao.

2 Korin 5:9

Tama da dena tigide me bididubadi, ma tigi tagalama gasaba bidigi pai, te magigo menio. Sesemane sogo dago homu bomo elama, te Genuai Bidigo godolo yabo kolesaga tigidali naga inao homu ebo dao.

2 Korin 6:5

Bidi dabe augwaligo da elama tama da kalabus iliyu yai. Te boi bidi dabe augwaligo da pobesa bilama tama moni po dagą weyu, po dwai i olama dabolo wai. Da moni sę dene mu yali. Da hauwa sogo bugagia godege me pisąwai. Tama da nai sili bidiyu yai dao.

Galesia 6:2

Tama dage tomode bidi me deli agai te tobage sęgę toloyu da, teda dagego aga tau mao. Tama dagego duga hasi te tobage tau sabo sę eyu da, teda dagego te Kraisgo bomo yai po usu nagasaibao.

Galesia 6:9

Tama tibaso, dago te dwagi yai kolesaga edubadi, te tigi dene eyu da, teda dago te dwagi yai kolesaga ebo sę hagela ilamuo. Magi baso meni. Dago te sę ebo tagalosiąbaso da, teda nosali te nai inabo side Godigo dabolo te wiegi yai kolesaga ebo sęgo nai wai du mawaibao.

Filipai 4:3

Tama nage me, nage ena dali homugo kęą pai bidi, ena dali deli sę ebo bidi dao, eno nagebolo e po obao, te we si augwaligo deli homu naga emainogo nago augwali tau sao. Eno Godigo po pusubo sę ebadi, augwali sigo tigi dene sę eyu, ena tau sali. Te bidi Klemen dali, gasa ena dali deli sę ebo bidi dabe dali, augwaligo te we si dali sę yali dao. Tama augwali tigidaligo nogi te Godigo bukude asęna elalubo dao, te bidibo ula sali bagego nogi asęani bukude.

Kolosi 1:11

Dago homugo Godigo agai moni ula yai wiegi yai bomo meba selama, tama te bomo dagebolo mao, tama te bomogo dage bomai we bidi ilao. Tama agai dwagi yai bomogo dage bomo elama dolaluyu, tigidali sęgę bugagia tolaluyu, tama dagego boi bidi homu egobeo, dagego augwali wei ponobo homu egobeo.

1 Tesalonaika 1:3

Tama dago Aya Godibolo po obadi, dagego ebo dwagi yai kolesaga te dago gegeda pabo menio, te dago ma konebo dao. Dagego Kraisde duga homu tigidali mubaso, tama dagego dwagi yai sę ebo dao. Dagego duga hasi dwagi yai homu eyu, tau siyu ebaso, sę dene ebo dao. Tama dwagi yai homu eyu, dagego ‘Dago Genuai Bidi Jisas Krais mu aselama, da tau saibao,’ te homu eyu, tama bomo elama, dagego tonalubo dao. Tama dagego te sę ebo po dago ma koneyu, dago Godibolo buba hwi po wabo dao.

1 Tesalonaika 2:9

Dago abagi dabe, da dage tomode bidibadi, dago sę dene ebo te tigidali dagego koneai dao. Tama dago dagebolo Godigo dwagi yai po pusubadi, tama dago te masigi sabo gasagi yai sę yai dao, te siade me hulide me yai dao. Te yali sę dagego koneai dao. Dago te sę magi baso yaliwe? Te dago dagebolo sęgę maidali weyu, dago te sę yai dao.

1 Tesalonaika 5:12

Dago abagi dabe, dago dagebolo te po obao, dage tomode Godigo sę ebo bidi dabe dologode dage bidao. Genuai Bidi agai te bidi dabe augwali dagego tobolu bidi nigilama bidai, tama te bidi dabe augwaligo Godigo po dagebolo ola mayu, dagego homu kolesaga dodolobo dao.

2 Tesalonaika 3:13

Eno abagi dede, dage dwagi yai sę ebo bage, dagego dolo dwagi yai kolesaga ebo hagela egimio.

2 Tesalonaika 3:5

Dago homugo Genuai Bidi Jisasgo dagego homu kolesaga dodolomainogo yai. Tama agai te sę dage dali eyu, tama dagego Godigo dage dali dwagi yai homu eyu, godolo mu ebo sę page mu koneaibao. Tama agai dagego homu kolesaga dodolama, tama Krais agai moni sęgę tolaluyu, aga bomo elama dolaluali sę page dagego te me mu koneaibao. Tama koneama, dagego te sę tiwai gilama eyu bidao. Dago dage dali te homu eyu, dago Godibolo gedu haluasa po wabo dao.

2 Tesalonaika 3:8

Tama da dage dali bidibadi dago dagego nogode tubo nai olo me sabe. Menio. Dago abeleyu naga yai. Dago sę bomo elama, tama siade me hulide me te sę dene hauwa mu eyu, tama dago dagebolo naga sęgę maidali weyu tiwai dao, dage habuge idali weyu.

2 Timoti 4:10

Tama da Godigo kolesaga wali pabo, tebogo da megi me, nosali me tau sabo usu baso, dago bomo eyu sę dene mu ebo dao. God da, te tigidali we bidi ma sabo bidi da, tama agai te Kraisde konealubo po augwa homugo dąų wali we bidi da mu ma dobola sabo bidi dao. Tama tibaso, dago te bidibo ula elalubo Godiba homu begi pelama, tama agai da somainogo dago aga tonalubo dao.

2 Timoti 5:17

Te Godigo po odobo we bidi hani tonalubo monu dabe, augwaligo te sę bugagia eyu da, teda te hanigo augwaligo nogi ugwaba siyu, tama augwalibolo te augwaligo sabo pe mone mayu, tama meba ugwadu manuma mao. Te tonalubo bidi dabe tomode te bidi dabe meba augwaligo te sę eyu, tama augwaligo me te Godigo po pusuyu tama te we bidi dabebolo ola mabo sę bugagia eyu te sę dene yali, te tobolu bidi dabe augwalibolo te manani masigi polasa mao.

Hibru 10:36

Dage bomo elama dolaluyu, tama sęgę bugagia toloyu, tama duga te Godigo homu wali pagameo. Tama tiyu, duga wiegi yai nai somainogo yaibao, polobadu Godigo te nai dagebolo mawaibao po dąų wai dao.

Hibru 12:1

Te da me, da magi ebawe? Te polobadu bidali we bidi augwali doligulama tama da te genuai pǫgo bagulubo tiwai elama, tama augwaligo dabolo te Godide konealubo homu dąų wabo kolesaga ola mawai. Tama tibaso, dago me te ususu si yainogo uda yabo bidi tiwai eyu, te tigidali sęgę yai nai guda sąyao, te dade dąų wabo dwai kolesaga tigidali me te dago guda sąyao. Tama dena homu dąų ilama, tama Godigo dabolo sa muyu uda yao wali madi sabolainogo da bomonama te dąįba uda iyąo.

Hibru 13:13

Tama tibaso, da me te pesage nigali te bulu badu agaba pelama, tama dago agai aga isibode tolali hale tiwai te dago me tolao.

Hibru 6:10

God aga te dolo osola subo konesiąbo bidi meni. Agai homugo dagego te yali tigidali sęde te homu me gegeda peyu, me tagalogobeo. Menio. Dagego duga homugo agade kone palobadi tama agade dwagi yai homu eyu, tama te tialigo te dage homu hodolama tama agai we bidi augwali te dagego tau sidu geduai dao. Tama te tiwai kolesaga dagego me ela pabo dao.

Hibru 6:12

Dage sę ebo hagela egimio. Menio. Bidi meba augwaligo te Godide konealubo po dąų mu weyu, te hagela homu polo isiąbo bidi dabe bidibao. Tama tiyu, tama te polobadu Godigo te aga wai dabe augwalibolo mawaibao wali nai tigidali te tobage bugagia tonalubo bidi dabego sabo dao. Dagego augwaligo ebo dwagi yai kolesaga wali piąo.

Hibru 6:15

Tama Abrahamgo hauwa sogo bugagia tonaluyu, tama aga hagela polo me isąwai, tama nosali agaba te tigidali sę mu pedalali, te tiwai polobadu te Godigo agabolo te wąį hauwa mawaibao po wai dao.

2 Pita 1:6

Tama te kolesaga ebadi, te duga digi duga tigi dali homu dali si bugagia tonalubo kolesaga, te me yao. Tama te kolesaga ebadi, e kolesaga me yao, te dagego dene hauwa sogo bugagia tolao. Tama dene bugagia tolobadi, dagego Godigo kolesaga naga dolo mu wali pabo kolesaga yao.

Kraisgo Geme Dualali Sę Pedelabo Po Jonbolo Ola Mani 1:9

Ena Jon, ena duga ama dao. Ena dage dali hodobo te Jisasde wadolama, tama da deli hani elalubaso, tama gasa bage augwaligo dabolo dene dali, sęgę dali mayu elama, tama da tigidali hodobo bomo elama dolaluyu, sęgę bugagia tolobo dao. Tama ena Godigo we bidi tonalubo sę tomode dage dali hodobo bidibao. Tama eno te we bidi dabebolo Godigo po dali, te Jisasgo hania hanilali mu po dali, te po si augwalibolo pusubaso augwaligo ena sela sąnama, ena te tamu ąį tomode elalubo dwasianu tǫ nogi Patmos teba kalabus mugi pali dao.

Kraisgo Geme Dualali Sę Pedelabo Po Jonbolo Ola Mani 3:10

Nago eno po wali peyu, tama sęgę nageba pedalobode te nage bomo elama dolaluai. Tama tibaso, nage eno bugagia tonaluyu, tama te usu sabo sę te tigidali we bidibolo te tigidali tǫde pedalainogo eyu, te sę nagebolo pedalidali weyu eno nage paliaibao.