Kraisgo Geme Dualali Sę Pedelabo Po Jonbolo Ola Mani 15:8 - Godigo dwagi yai po buku

⁸ Tama te Godigo bomo yai ula dali, agai bomo dali sigo hano ebogo hano te Moni Lotu Be tempel bede pągąnaluai. Tama niwai bidi me deli aga te be tomoba painogo ebo usu egobeo. Menio. Augwaligo te a naga olama me badu nogo si te ensel mobo bidi augwaligo te bidi dolabo dwai nai nogo a naga te me badu si te naigo sę silibo sogo tonaluali.

Kraisgo Geme Dualali Sę Pedelabo Po Jonbolo Ola Mani 15:8 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 29:9

Te Genuai Bidigo i wabogo te uni hasa dabego wai sągąnobo tiwai yaibao, tama te tigidali ni yabe dabe sela sąbo dao. Tama te Genuai Bidigo wiegi yai bede tigidaligo te tiwai i weyu, “Godigo genuai nogi elalubao,” te po wabo dao.

Ma Dobola Sali 19:18

Tama Genuai Bidi te sia tomode bidilama dulali, tama te Sainai bulu duba bidagasali, tama genuai hanogo te bulu du tigidali mu mesega sai. Tama ugwaba holali hano te genuai sia mu dabo hano holobo tiwai mu yai, tama tǫ mali genuai mu te bulu dude pedelai.

Aisaia 6:4

Ena yaide be sunumide bidali, tama tigidali sogo augwali deli mego hae wabo sogo da, eno suali, te moni masigi me augwaligo be sę yali, te masigi tigidali mobodo yali. Tama eno suali, hano bede pągąna pabo suali.

Jeremaia 15:1

Tialima, Genuai Bidigo enabolo te tiwai po wali, “Jeremaia, odao. Te Moses de Samuel si te ena pąba asama, te enaba hanalu, te we bidi dabeba te olo mu tau sabo wiegi yai kolesaga yao wagi sogo da, te tagalao, eno usu menigi da. Te we bidi dabe sela sąyao! Eno augwali subo, te ena hagela homu mu ebo dao.

Te We Bidi Dabego Jerusalem Hagede Gela Wali 3:44

Nago da dali sębę elama, tama nago naga olo palia sai dao. Te nago naga digi te genuai pǫgo halua selama, tama dago gedu haluasa po wabo nage pageba sabolabo usu emainogo tiwai me yai menio.

Pris Sę Ebo Bomai Po 16:2

“Nago naga ama Aronbolo walao, sesemane sogo aga te Tedali Gasagi Yai Mu Be Habu te genuai dąį togwali tudi badu tomoba me pelamu dao. Tialima, ena digi dąį ilibo sogo, aga tomoba pagameo. Magi baso meni, ena te pǫ me deli tomode bidama, te ena hanilagasu, te sęgę sela sąbo Dąų Wali Bomai Po Elalubo Halobage daiba pedalubo dao. Te aga olo dali te be habu tomoba pobaso da, teda aga isaibao.

Polgo Po Pas Rom Dabeba Asęani 11:33

Ei tegoba! Te Godigo wiegi wiegi yai homu kolesagade ena noma sobao. Te agai sę yabo homu kolesaga dali, agai koneani kolesaga dali, te mu pągąna pelama, tama te tamu ąį gebo dabo tiwai gilama aiyaba mu dulai. Da bidigo agai yali homu kolesaga page tigidali konemainogo ebo usu me egobeo. Dago agai da dali ebo sę page me munu me kuna konegobeo, da tede usu me egobeo.

2 Tesalonaika 1:9

Tama te bidi dabe augwali e tama dene saibao, augwali Genuai Bidi gesabidide digibulu bidaibao, tama agai genuai ula dali bomo dali digibulu bidada peyu, bidada paibao, tama tiyu augwali mu dwai bidaibao.

Kraisgo Geme Dualali Sę Pedelabo Po Jonbolo Ola Mani 15:1

Te eno suali gasa genuai noma sabo sę te dagalude pedalali, tama eno homu hauwa te sęde yali. Eno suali, ensel mobo bidi a naga olama me badu nogo si bidali, tama augwaligo te bidi dolabo dwai nai mu a naga olama me badu nogo si tolaluai. Tama nosali te dwai nai augwaligo sę ebo silibo si, teda te we bidi dolabo gasa dwai nai ma pedalogobeo. Te nogo a naga olama me badu si te dwai nai, te naide te Godigo sębę ebo mu silaibao.

Kraisgo Geme Dualali Sę Pedelabo Po Jonbolo Ola Mani 21:11

Godigo genuai bomo yai ula te hanude ula yai. Te ula te gasagi yai mu, te masigide genuai mone elalubo tiwai mu dao. Awe, te wiegi yai masigi nogi daimon tiwai, tama gegemani ebo, tama te ula hania mu ula yai.