Kraisgo Geme Dualali Sę Pedelabo Po Jonbolo Ola Mani 14:2 - Godigo dwagi yai po buku

² Tama eno odali, te dagalude wiegi yai po weyu, te kulu kulu asobo po eno odali, te wę asiyu genuai kulu kulu wabo tiwai eyu, tama te dagalude be kulu genuai wabo tiwai yai. Eno odali, te habidi po wabo tiwai yai. Te bidi dabe augwaligo te gita tiwai nai eleyu, te kulu kulu wabo tiwai pedalai.

Kraisgo Geme Dualali Sę Pedelabo Po Jonbolo Ola Mani 14:2 Iomraidhean Croise

2 Samuel 6:5

Tama Devit dali, te tigidali Israel dali, te karis dali peyu, tama augwa te tęąbi po me weyu, te musik wabo sę me yali, te Genuai Bidigo nogi ugwaba siyu tialio. Augwa te ni wuligo nigai habidi, me gita eliyu, tama te haniani musik wabo sę dali yalio.

Tuni Bidi Dabego Po Elalubo Buku Si 20:28

Augwaligo gita eliyu, biugel bu weyu ela peyu, te taun tomoba pali. Tama augwali Genuai Bidigo tempel be dolo mu pelama, tama agabolo genuai nogi mani.

Godigo Nogi Ugwaba Sabo Tęąbi Po Wabo Buku Dabe 147:7

Puba hwi po weyu, te Genuai Bidigo nogi ugwaba sabo balia po dabe waiyąo. Te dena Godiba te gita me musik wao.

Godigo Nogi Ugwaba Sabo Tęąbi Po Wabo Buku Dabe 149:3

Dagego tęąbi weyu, aga nogi ugwaba sao. Mu tama, te habidi dabe, me taborin, me gita, te tama eliyu, te agai nogi ugwaba sao.

Godigo Nogi Ugwaba Sabo Tęąbi Po Wabo Buku Dabe 33:2

Te musik po kulelego weyu, te Godigo nogi ugwaba sao. Te nogo si string elalubo gita eliyu, te musik agaba wao.

Godigo Nogi Ugwaba Sabo Tęąbi Po Wabo Buku Dabe 43:4

Tama tialima, ena te God, nago alta sai teba paibao. Magi baso meni, nago ena wiegi yai haliga iliyu, te pemene ilibo dao. Nage eno God da, te eno gita selama, te musik weyu, tama nago nogi ugwaba sabo tęąbi po naga waibao.

Godigo Nogi Ugwaba Sabo Tęąbi Po Wabo Buku Dabe 57:8

Te ena pila mubo tagalama hodaluaibao. Eno te gita me, kulelego me, te musik waibao. Te be posa pabode, teda eno te musik waibao.

Godigo Nogi Ugwaba Sabo Tęąbi Po Wabo Buku Dabe 92:3

Eno te wiegi yai musik te gitade weyu, te nage nogi ugwaba saibao.

Godigo Nogi Ugwaba Sabo Tęąbi Po Wabo Buku Dabe 93:4

Genuai Bidi, te nago genuai bomogo nago te dagalude tigidali nai tonalubao. Te tamu ąįgo kulukulu wabo bomo te dwasianu naga ebao. Tiali goli, nago bomo te genuai mu elalubao. Te tamu ąį dini peda peyu, te nambisde bomonama kulukulu wabo, tiali goli, te ąį dini dabego bomo te nago bomo dali tiwai si me usugobeo.

Godigo Nogi Ugwaba Sabo Tęąbi Po Wabo Buku Dabe 98:5

Te gita eliyu, tama te tęąbi dabe weyu, te Genuai Bidi nogi ugwaba sao. Te gitago wiegi yai musik mu waiyąo.

Ma Dobola Sali 19:16

Tama bidama, te sela sogo wabo side kigamu, te genuai pǫ te bulu dude pedelali, tama te pǫ kulukulu olama, tama be sele ula pepeda pelama, tama bu wabo nai biugel gela genuai mu wai. Tama te bulu du sesegede pesage nigali we bidi dabe tigidali wi mu elama, tama augwali tigi didibili yai.

Ma Dobola Sali 20:18

Te we bidi augwaligo te pǫ kulukulu wabo, me te bu wabo nai biugel gela wabo me odai. Tama augwaligo te be sele te pǫ ula ebo ugwaba peyu, eda asiyu eyu, tama genuai hano te bulu dude pedalobo sulama, tama augwali wi mu yai. Tama augwali kilasa ma pelama, te bulu du digibulu gana dolalugi pai.

Aisaia 17:13

Te boi bidi dabe asali, te tamu wę aluasa asobo tiwai yali. Tiali goli, Godigo augwali sesanobaso, tama augwali augwa buluba ma wi pela wali. Te Godigo augwali sela sąyani, te waligo ni yabe dabe subigila sela sąbo tiwai eyu, me te hogabo waligo te hogomu dabe pobele bage ugwaba sela holobo tiwai yaibao.

Esekiel 43:2

Tama eno Israel dabego Godigo moni ula elalubo suali. Tama te ula te giliga asobo badu asobo suali. Tama te ula pedalobo si da, eno agai po wabo dogoni te genuai tamu ąį kulukulu wabo tiwai tama eno odali. Tama Godigo ulago tǫ ula genuai mu yali.

Sekaraia 9:14

Te Genuai Bidi aga we bidi augwali daiba ugadu hanilama pedelaibao, tama agai enesigi kekelama togolaibao, te agai enani ene dabe te be selego ula ebo tiwai yaibao. Tama God Genuai Bidigo te bu wabo nai biugel bu wabo si, te aga bomonama soyu, te aga bidali pesage saut badu tagalama, te wali dali tulubage si tomodu asaibao.

1 Korin 13:1

Te haniani dago homugo konesiąbo pogo po wabo, tede eno po tamadi wai dao. Te eno te da tǫde bidibo we bidigo dena homugo konesiąbo haniani pogo wabo, ma te tǫde bidi dabego wabo haniani po, ma te ensel mobo bidi dabego gasagi yai po me, te po tigidaligo eno po wabo usu eyu da, tiali goli eno te gasa we bidi dali dwagi yai homu eyu godolo ebo kolesaga esiąyu da, teda eno po wabo te belo olo subigila elibo tiwai eyu, ma te moni nigo nigali habidi te olo elibo tiwai gilama yaibao.

Kraisgo Geme Dualali Sę Pedelabo Po Jonbolo Ola Mani 1:10

Tama ena e bulude bidibadi, ena te moni Sarere ulade digi na tiwai ebadi Godigo Mobo Bidi agai enaba dagana sagaselama, tama ena tudi badu bidi me deligo po dage bomonama weyu i wabo odali, te genuai bu wabo nai yadogoli te biugel bu wabo odai.

Kraisgo Geme Dualali Sę Pedelabo Po Jonbolo Ola Mani 1:15

Tama te bidigo sągą ula mu yali, te augwaligo te gasagi yai kapa nogi bras te genuai sia dabo digi ulama ąį tiwai pedaluyu, tama te gegemani ebo tiwai aga sągąde te tama tiwai mu yali, Tama eno odali, agai dogonide po wabo te mone sabo ąįgo u wabo tiwai odai.

Kraisgo Geme Dualali Sę Pedelabo Po Jonbolo Ola Mani 11:12

Tama augwali sigo dagaludu po me wabo odali te po weyu, augwali si bomonama i wali, “Dage si eba eda holao,” wali. Tama te bidi si te pǫ me tomodu dagaluba holali, tama te boi bidi dabe augwaligo te bidi si pabo suai.

Kraisgo Geme Dualali Sę Pedelabo Po Jonbolo Ola Mani 11:15

Te nogo a naga olama me badu nogo si wali te ensel bidi me deli agai te ona tiwai nai elali, tama tebadi, dagalude ensel mobo bidi meba augwaligo i bomonama weyu te po wali, “Dago Genuai Bidi God dali, te Godigo sa muani te we bidi tau somainogo tagala palali bidi Krais dali, augwali sigo te tigidali tǫde we bidi tonalubo bomo megi selama tama elalubao. Tama aga sesemane sogo te tuni bidi bidada peyu, bidada paibao,” te po wai.

Kraisgo Geme Dualali Sę Pedelabo Po Jonbolo Ola Mani 15:2

Tama eno te nai me deli te genuai tamu ąį tiwai suai. Te nai augwaligo te dula tiwai te augwaligo sia bogoli dali te si taluama gelai. Te we bidi augwaligo te dwai hudigi ebo hasa dali hwįnama tama augwaligo aga aiyaba elaluai, te we bidi dabe eno suali. Augwaligo te hasa agai bidibo ula elaluali noma dali, te agai nogigo nedebo namba me te si me aiyaba elaluai. Tama te we bidi augwali te tamu ąį tiwai madi sesege badu te dula dolaluyu gegemani ebo tiwai eyu dolaluai. Godigo augwalibolo te gita tiwai nai mena mena pelama, augwaligo te tolalubo eno suali.

Kraisgo Geme Dualali Sę Pedelabo Po Jonbolo Ola Mani 18:22

Tama te gita elebo po wabo me, te haniani habidi po wabo tiwai ebo me, te genagi me te bu wabo nai me, te tobage naigo po wabo nage pagede ma te po wagobeo. Tama bidigo tigidali haniani sęde konea sali bidi, te tiwai bidi nage Babilon bulu tomode bidibo augwaligo ma sugobeo. Te nai wit ge agaga pabo masigigo kulu kulu wabo, te tiwai wabo augwaligo nagede ma odogobeo.

Kraisgo Geme Dualali Sę Pedelabo Po Jonbolo Ola Mani 5:8

Tama agai te buku sai digi, te aga genuai bidi mu bidibaso, te bidibo ula elalubo hasa me si me si badi, te bidi sese olama me badu nogo me si me si te polalubo tobolu bidi augwali te kibu sipsip wai pąba pelama, kidu sugunigi pai. Tama te tigidali tobolu bidi deli deli augwaligo te elebo nai gita tiwai badi, te wiegi yai kapa golgo nigai pou te tola sobadi yai. Tama me te pauda denami ebo nai te tigidali poude elalubo siago deyu, tama te holobo denami yai hano te Godigo we bidi augwaligo Godibolo wabo gedu haluasa po tiwai holobo eno suai.

Kraisgo Geme Dualali Sę Pedelabo Po Jonbolo Ola Mani 6:1

Tama eno suali, te kibu sipsip wai agai te buku, te dąų wali nai a naga olama me badu nogo si elalubo buku, te agai tolalubo eno suai, tama agai te buku dąų wali nai hasia me deli togwai. Tama eno odali, te bidibo ula elalubo hasa me si me si tomode me deligo agai te po wabo, te dogoni te dagalude be kulu wabo tiwai yai. Agai te po wai, “Nage asao,” po wai.

Kraisgo Geme Dualali Sę Pedelabo Po Jonbolo Ola Mani 8:7

Tama te hasia wali ensel mobo bidi me deli aga te ona tiwai nai elali, tama te talua ge tulubage me, te sia dali, te si te kaneme dali gelama, tama e tǫba tulaluai. Augwaligo te tǫ me tigidali ni dabe dali te sela tama usu siyu dąį ilali, tama siago te tǫ me habu badu deyu, te ni me badu habu badu deyu yali. Tama te ni yabe tiwai nosai dabe tigidali, te me te siago dai.