Kraisgo Geme Dualali Sę Pedelabo Po Jonbolo Ola Mani 14:10 - Godigo dwagi yai po buku

¹⁰ te augwali sibolo lotu po weyu tigide dąį sali bidi agabolo Godigo te bomai ąį wain tiwai mabo te agabolo dene mawaibao. Te wain te Godigo genuai sębę ebo te dao. Godigo te wain ąį te ąį mu dali hasia te si talubeo. Menio. Te sębę te bidibolo dolo mawaibao, aga dali homu dene dwasianu egobeo. Agai sębę ebo te dene sabo kapuba gelama mabo ąįgo wei ponoyu, tama te bidigo tumainogo yaibao. Tama te bidi dwai dene siyu, te posolo mu yai sia dali, te masigi salfade dabo sia bogoli dali, augwali side te dwagila dwai dene mu siyu, te magi dwai sę me isiąbo ensel mobo bidi dabego gedude me, te Kibu Sipsip Waigo gedude te dene saibao. Te bidibolo te dwai posolo yai siago dene mayu, te masigi salfade dabo posolo yai siago me te dene madueibao.

Kraisgo Geme Dualali Sę Pedelabo Po Jonbolo Ola Mani 14:10 Iomraidhean Croise

Tigidali Nai Gagalama Nigali Side 19:24

Tama Yawego digi te posolo yai masigi, me te sia dali te Sodom de Gomora hanu siba te dagaludu aiyaba tula palali.

Jopgo Po Asęani Elalubo Buku 18:15

Augwali isilama nosali da, augwa hani dabe deli augwa te bede bidabo me bidigobeo. Tama tibaso, gasa bidi hani aselama, tama augwa masigi salfago nigai pauda te bede gelama, tama dwai denami sela sąwainu yaibao. Tama bidi dabe augwali te bede ma bidainu usu yaibao.

Jopgo Po Asęani Elalubo Buku 21:20

Awe, augwa digi sulama, dene konemainu te Godigo sębę, te God Tigidali Bomo Page Bidi.

Godigo Nogi Ugwaba Sabo Tęąbi Po Wabo Buku Dabe 11:6

Agai dwai kolesaga ebo bidibolo posolo yai sia ugwadu aiyaba gelebo dao. Tama te posologo augwali mu dene sabo dao. Te augwaligo dwai sę ebaso, dene somainogo tiwai.

Godigo Nogi Ugwaba Sabo Tęąbi Po Wabo Buku Dabe 37:34

Nago konealubo homu Genuai Bidiba dąų olama, tama agai po dolo wali peyu, tama agai kolesaga wali pao. Nago te tiwai eyu da, teda agai nageba te genuai nogi mayu, tama nago te agai nageba mani tǫ tolalu bidaibao. Tama agai te dwai sę ebo bidi dabe dolobo te nago sueibao.

Godigo Nogi Ugwaba Sabo Tęąbi Po Wabo Buku Dabe 52:6

Te doloba pai bidi dabego te tiwai pedalubo sulama, te augwali wi yaibao. Te augwaligo nage gisugu mayu, te tama po waibao,

Godigo Nogi Ugwaba Sabo Tęąbi Po Wabo Buku Dabe 60:3

Nago te sęgę hauwa te naga we bidi dabolo mawai. Tama nago dabolo te wain ąį menama, tumainu ebo tiwai yai. Dago tulama, tama da te umuna pai mu pedelali.

Godigo Nogi Ugwaba Sabo Tęąbi Po Wabo Buku Dabe 73:10

Tama te Godigo we bidi dabego te hagoma ebo bidi dabego po wei elama, tama augwaligo te poba homu kęą pai.

Godigo Nogi Ugwaba Sabo Tęąbi Po Wabo Buku Dabe 75:8

Genuai Bidigo te bomo yai gesi wain wę te kap me delide pągąwai tolaluai. Agai gea palama, tama tigidali bidi dwaigo tulama, tama mu siminanio. Te tama tiwai naga te dwai sę yali we bidi dabe te Godigo po tųba pedelama, tama te augwali mu hagawaibao.

Godigo Nogi Ugwaba Sabo Tęąbi Po Wabo Buku Dabe 91:8

Te naga digi te Godigo te dwai sę ebo bidi dabe augwa yali sęde wei ponobo te nago suaibao.

Aisaia 29:9

Te Juda we bidi, me Jerusalem we bidi, dage te gedu hwidai we bidi yali gilama, me tama subigila paliyu, me tama bidiagameo. Dage te bidi dabego wain wę tuyu, me bia wę tulama, subigila bilibo tiwai me tama bidiagameo. Tiali goli, dage te wain me bia tulama, polobeo. Menio.

Aisaia 30:33

Augwaligo te Asiria tuni bidi ulabo isi tǫ dedage polo dodolama, elalubo. Augwaligo te tǫ dedage genuai mu elama, tama aiyanu mu dulai mu nigali, tama augwaligo isi dabe hauwa mu polo sela muani. Tama Genuai Bidi agai mobogo pona palebo si da, te polo tama isi bogoli dala saibao. Magi baso meni. Genuai Bidigo mobo te posolai isi tiwai dao.

Aisaia 34:9

Te Idom bulu tǫ kantri wę dabe te kolta tiwai pedelama, te hogomu dabe te bomai masigi dabe tiwai pedelaibao, te Idom bulu kantri tǫ te kolta sia dabo tiwai yaibao.

Aisaia 51:17

Jerusalem, nage hogodao. Nage hogodama, bomonama ma dolugulao. Genuai Bidigo haliga sębę te wain ąį me deli te nageba mani tiwai ebao. Te agai nago te ąį tulama, silainu ebo tiwai yali. Te naga gęǫ page mu elama, umuna palali dao.

Jeremaia 25:27

Tialima, Genuai Bidigo enabolo te tiwai po wali, “Jeremaia, nago te we bidi hani dabeba te po mao. Ena Israelgo God, ena Te Tigidali Bomo Elalubo Genuai Bidigo eno te tama po dagebolo obao, ‘Dagegotuįyao. Te umabo hauwa tulama, te dage gęǫelama, buguyu, te tǫba tulaluama, te dage munu mahodalugobeo. Magi baso meni, eno te boi bidi dabedageba hwįmainogo tagala palama, te dage dolaibao,’ wali.

Jeremaia 49:12

Genuai Bidigo te tama po wali, “Eno te hauwa we bidi dabeba te dwai dene mabo sę yaibao. Te augwaligo dwai sę genuai me isąbadi tagalao, te eno dene augwaliba mawaibao. Te Idom, nago homugo eno nage ela soaiba homu eba, agawe? Mu menio. Eno nage me ela soagobeo. Eno nageba me te dene mawaibao.

Jeremaia 51:57

Te king, agai nogi da Tigidali Bomo Elalubo Genuai Bidi dao, agai te tama po wali, “Eno te Babilon genuai bidi dabe gęǫ page ilaibao, te ofisa bidi dabe, me kolesaga koneai bidi dabe, me gavman bidi dabe, me tobolu bidi dabe, me ami bidi dabe, te kolesaga umuna palobo sę ilaibao. Te augwali mu godege pilama, te munu ma hodalogobeo.

Te We Bidi Dabego Jerusalem Hagede Gela Wali 4:21

Kantri Idom, megi nage Usgo tǫde bidibao. Megi da, nage gisugu dwai olama, tama nage Saion dolaibaso, wiegi yai homu pemene megi yao. Genuai Bidigo sębę te wain wę kapu deli tiwai dao. Tama agai te Saiongo te kapude tumainu ilalio. Tiali goli, agai nagebolo nosali me maiwaibao. Tama nage dolama mu polaibao. Tama nago naga tigide ugwa peda sąnama, tama nage hale genuai mu yaibao.

Esekiel 20:48

Tigidaligo te tiwai ebo koneama, ena Genuai Bidi, eno te isi nogali, te mena bidi me deligo te isi sula sąwainu ebo usu me egobeo,’ te po wao,” te po wai dao.

Esekiel 38:22

Tama eno agaba haniani gasi pedalomainu iliyu, me boi agaba pedalomainu eyu yaibao, te agabolo dene mayu tama tiaibao. Te eno te tulubage, me talua ge tulubage, me posolai masigi te isi dabo te gea paliyu yaibao, tama te nai dabe aga tigiba tulaluyu, me aga dali asali ami bidi dabe tigiba me tulalueibao, me te aga dali asali haniani kantri bidi dabeba tulalueibao.

Habakuk 2:16

Te tama tiwai gilama, te Genuai Bidigo dagego genuai nogi elaluali aiyaba elaluama, te dage hale dwai mu yaibao. Te agai digi dagebolo dwai dene mu mabo sę elama, te agai duga digi te wain ąį hauwa mu tumainogo ebo tiwai elama, te dage gęǫ page dwai mu yaibao. Te dage tigi habu olo bidibo te bidi dabego sulama, tama dagego genuai nogi elaluali aiyaba tula palama, tama dage hale dwai umagi mu yaibao.

Matyu 20:22

Agai te tiwai po obaso, tama Jisasgo te po wei ponoyu, te po wai, “Dage sigo te nai po page bugagia konesiąma dagego te hanalu obao. Dage sigo eno te ąį tuainogo ebo kapde te ąį dage sigo me tubo usubo gilama, te eno sabo dene tiwai gilama te dage sigo sabo usu egowe?” Tama augwali sigo agabolo te po wali, “Te da sigo tubo usu yaibao.”

Matyu 25:41

“Tama tuni bidi agai te pobase nogo badu bidibo we bidi augwalibolo e tobage po waibao, ‘Dage haga yabo bidi dabe dao. Dage enade geda selama, tama dage te munu me sula sisąbo siaba pao, te sia te Ayago sisi ilali elalubo, te dwai sę yali tobolu bidi Satan aga wali bilibo mobo ensel bidi dabe augwali dali mumainogo yai.

Matyu 26:39

Tama aga dwasianu gana obaba pelama, tama aga pabo gesabidiba degasa dulama, tama gedu haluasa po weyu, bomonama te po wai, “Eno Aya, te usu da wida, teda nago enade te elalubo kap dagala sąyao. Tiali goli nago eno homu kolesaga wali me pelamuo. Menio. Nago naga homu kolesaga naga wali pao,” wali.

Dwagi Yai Gesi Po Makgo Asęani 8:38

Tama te megi e sogo tǫde bidibo we bidi dabe augwali da, te aga bidi taga soayu penani ebo we tiwai da, augwaligo Godigo po taga soali, tama haniani dwai sę ebo dao. Te bidi augwali bidalubo tomode bidiyu, tama agai enade me te eno ola mabo pode me hale eyu ebaso da, teda nosali ena te Godigo Bidi Mu, ena me te bidide hale eyu aga nogi geme dualaluaibao, te eno ena Ayago genuai bomo yai ula dali, te wiegi yai tedali ensel mobo bidi dabe dali e tǫba ma asobo sogo tama tiaibao,” Jisasgo te po wai.

Dwagi Yai Gesi Po Makgo Asęani 9:44

[Te bulude te dwasianu isisąbo kigi dabe te augwa tigide elalubao, tama te sia dabo munu me sula sogobeo.]

Godigo Sęba Tagala Palai Bidigo Po 10:22

“Dage magi pogo asaliwe?” wali. Augwaligo te po wei ponoyu, te po wali, “Te Rom ami genuai bidi nogi Kornilius, agai da nage pageba tagala palali. Te bidi da, aga dwagi yai bidi mu. Agai tigidali sogo Godibolo lotu po wabo bidi dao. Te Juda we bidi tigidali augwaligo agai nogi ugwaba sabo dao. Godigo dagalude sę ebo ensel bidi me deligo agabolo te po wai, ‘Nago Pita i olama, tama aga nago beba asomainao, Pitago wabo po nago odomainu tama yao,’ te ensel bidigo te po wali,” augwaligo te po wai.

Bomai Po 29:23

Te gi dabe dola silama, dwai olo elaluaibao. Tama te tamu me dwai pauda nai salfa, te ni me nosai isilibo nai si te gide pągąna paibao, tama dagego nai me bulabo usu me egobeo. Tama te nosai dabe me te tǫde me hologobeo. Tama tialima, dagego bulu te Sodom de Gomora si tiwai tama yaibao, te Atma de Seboim hanu si tiwai me. Te hanu dabe Genuai Bidigo polobadu dolai dao, te agai wado elama, tama agai sębę dwai mu yali sogo.

2 Tesalonaika 1:7

Tama agai dagego megi te tolobo sęgę sela sąnama, tama dage da dali olo bidiyu, toma tuabo sogo menama bidaibao. Agai tebo sogo Genuai Bidi Jisas aga boma pai ensel mobo bidi dabe dali dagalu tagalama, e tǫba asobo te sogo aga moni sia bogoli dali e tǫba asaibao, we bidigo bulu ulade hania sueibao, te aga asobo sogode.

Jutgo Asęani Pas 1:7

Te polobadu elaluali moni hanu si me, te nogi Sodom dali, Gomora dali, te hanu side pedalali dwai sęgę dagego ma konea palao. Tede bidali bage me, te hanu si pąde elaluali dwasianu bulude bidali bage me, augwali tigidaligo te ensel mobo bidi mebago yali dwai dwai penani ebo sę tiwai yali. Augwali penani sęde bidaluali, tama augwaligo homu hodaloama, tama augwali te sę bomo elama eyu pobeasa pali. Tama tibaso, Godigo augwali te moni sia te dagaludu tagala palali, tama augwali te siago ela silai. Tama dago augwalide te yali sę sulama, tama dago koneai dao, te tobage dwai dwai sę dago ilamuo, da te dene sidali weyu.

Kraisgo Geme Dualali Sę Pedelabo Po Jonbolo Ola Mani 15:7

Tama te bidibo ula elalubo hasa me si me si te tomode me deligo, agai te golgo nigai pou a naga olama me badu nogo si te nogo a naga olama me badu si te ensel mobo bidi deli delibolo mena mena pai. Tama God aga sesemane sogo bidada pabo bidi agai sębę ebo homu te a naga olama me badu nogo si te poude pągąnalubao.

Kraisgo Geme Dualali Sę Pedelabo Po Jonbolo Ola Mani 16:19

Te genuai hanu tomode te sela pepeda pali, tama te tigidali tǫde hani bidigo hanu te mu dolai. Tama Godigo te genuai hanu Babilon homugo koneani, tama agai te Babilon te wain ąį elalubo kapde ąį tigidali tumainogo yai. Te ąį wain te Godigo agai genuai sębę mu elalubo dao.

Kraisgo Geme Dualali Sę Pedelabo Po Jonbolo Ola Mani 18:3

Magi baso meni. Te moni hanu Babilon aga te bomo yai ąį wain hauwa tubo penani sę ebo we tiwai dao. Te we agai te bomonama tama te dwai dwai sę ebo dao. Tama agai aga bomo yai ąį wain te tigidali tǫde bidibo we bidibolo menama, tama augwaligo me te penani ebo kolesaga aga dali me yali dao. Tama te tǫde tuni bidi augwaligo me te penani ebo kolesaga aga dali me yali dao. Tama tigidali tǫde bidi augwaligo mone sabo bisnis sę eyu, tama tede te masigi hauwa mu umabo sali. Te moni hanu aga te we me deli tiwai bidiyu, tama te wego homugo ‘Eno ena tigi tau sabo nai, te tigide pusubo nai, te ena homu dwagi yai ilibo haniani nai, te tobage wiegi yai nai hauwa eno abelaio,’ te tobage homu eyu, tama te hanugo te bisnis bidi dabego nai umabo abelai dao,” te ensel mobo bidigo te po wai.

Kraisgo Geme Dualali Sę Pedelabo Po Jonbolo Ola Mani 18:6

Dagego te penani wego yali kolesaga tiwai koneyu, tama dagego te kolesaga ebo usu nama aga dali wei sao. Te agai dage dali yali dwai kolesaga dali gasa me dali ugwadu daganama agabolo ma mao. Te wego dagebolo dene dali sęgę si mani, te bidigo bomo yai ąį si te kap deli tomode taluama tama gasa bidibolo mabo tiwai yai. Tama te kapde po digi po begelama, tama dagego te bomo mu yai ąįgo te wego kap pągąnama tama aga tumainao. Tama tiyu, tama agai dagebolo mani dene dali sęgę dali agabolo ma mao.

Kraisgo Geme Dualali Sę Pedelabo Po Jonbolo Ola Mani 19:15

Tama te bobage poabi hwą ge me deli te augwa polalubo bidigo pedauwalide munaluai, tama te hwą ge buluba teda soai. Tama te hwą gego agai te tigidali tǫde we bidi hani elaibao. Tama agai te ain wąbi nogogo tulama, tama te we bidi hani augwali te ain dono wąbigo tonalueibao. Tama agai augwali tonaluyu, tama te Tigidali Bomo Elalubo God agai te we bidi dali moni dwai sębę ebaso, te bidi agai augwalibolo dwai dene mu mawaibao, te bomo yai ąį wain nigibo bidigo te wain bono du dabe te masigi halobage tomoba munama, tama agai sągągo agalalubo tiwai yaibao.

Kraisgo Geme Dualali Sę Pedelabo Po Jonbolo Ola Mani 19:20

Tiali goli agai te dwai hudigi ebo hasa dali, te ili po wabo po ola mabo bidi dali, augwali si kalabus ilai. Te tibo po wabo sę ebo bidi agai te bidigo isiąwai bomo yai sę hauwa te hudigi ebo hasago gedude te sę yai, tama agai te tebo kolesagade te bidi tibo po ola mayu, augwali te hudigi ebo hasago dąį augwa tigide selama, te hudigi ebo hasa nomade lotu po omainogo yai. Te hudigi ebo hasa dali te tibo po ola mabo bidi augwali si te bidibadi, tama augwaligo te bidi si te genuai bagua si dedage pageba aiyaba mu sąwai dao. Tama te dedagede te posolo yai sia dabo masigi salfa elalubao.

Kraisgo Geme Dualali Sę Pedelabo Po Jonbolo Ola Mani 20:10

Tama te augwali ili po ola mani bidi Satan aga Godigo te genuai dedage pageba te posolo yai sia ula te masigi salfa teba sąwai dao. Tama te dedage pageba polobadu augwaligo te dwai hudigi ebo hasa dali, te ili po ola mani bidi si aba sąwai dao, tama augwali sela te siade me hulide me dene siyu, tama te dene ebo sesemane bidada pabo sogo te dene ela pidubadi bideibao.

Kraisgo Geme Dualali Sę Pedelabo Po Jonbolo Ola Mani 20:14

Agai te isibo bomo dali, te isai bage osogo bidali madi dali si te genuai sia dabo dedage pageba aiyaba sąwai. (Te genuai dedage sia dabo elalubo te si wali isibo bomo dao.)

Kraisgo Geme Dualali Sę Pedelabo Po Jonbolo Ola Mani 21:8

Tiali goli te wi elama tama Godigo po wali pabo tagalabo homu eyu, ma geasa painogo ebo bidi dabe augwali me, te Godigo pode augwaligo homu dąų wasiąbo bidi augwali badi, te haniani dwai dwai kolesaga mu ebo bidi badi, tama te bidi ela mubo bidi, tama te penani kolesaga ebo bidi, tama te dwai pobi elalubo bidi dabe, tama tibo god dali lotu po wabo bidi, tama tigidali tibo po wabo bidi, te augwaligo sabo bulu te genuai posolo mu yai sia dabo dedage page masigi salfa teba bidigi paibao. Te isibo te si sogo wali isabo dao,” agai te po wai.