Kraisgo Geme Dualali Sę Pedelabo Po Jonbolo Ola Mani 1:7 - Godigo dwagi yai po buku

⁷ Suao, Krais aga te dagalu pǫ me tomodu tiąba asaibao, tama tigidali bidi augwa digi gedugo aga te pǫ tomodu tiąba asobo sueibao. Tama te aga tigide enani bidi dabe augwaligo me sueibao. Tama tigidali tǫde we bidi augwaligo aga asobode homu eyu, tama agai augwalibolo dene wei ponaibao homu elama, tama augwali homu sęgę eyu gela waibao. Awe, te tama tiaibao. Mu tama dao.

Kraisgo Geme Dualali Sę Pedelabo Po Jonbolo Ola Mani 1:7 Iomraidhean Croise

Jopgo Po Asęani Elalubo Buku 33:26

Tama aga gedu haluasa po wabo si da, teda Godigo agai gedu haluasa po wabo wei elama, tama aga dwagi yai sę ilaibao. Tama aga God pageba pelama, dwagi yai homu mu yaibao. Tama Godigo aga bidibo sogode aga nai dabe dolo ma dodola mawaibao.

Godigo Nogi Ugwaba Sabo Tęąbi Po Wabo Buku Dabe 22:16

Te dwai bidi dabego ena te tigidali habu badu te yowigo uni hasa pobeasa bilibo tiwai gilama ebao. Augwaligo eno sągąde me nogode te augwaligo gąųgo kelebao.

Godigo Nogi Ugwaba Sabo Tęąbi Po Wabo Buku Dabe 68:1

God te polo asomainu elama, tama aga boi bidi dabe sela sąmainu yai. Te Godiba boi bidi ebo bidi dabe, augwali te agade wi pabo dao.

Godigo Nogi Ugwaba Sabo Tęąbi Po Wabo Buku Dabe 97:2

Te pǫ dabe me hulia sabogo aga mesegelebo dao, tama agai te we bidi dabe te doloba pai kolesagade tonalubao.

Aisaia 19:1

Genuai Bidigo te Isip bulu dolaibao wabo po mani. Te po e dao. Suao. Genuai Bidi te pǫde ugwadu dualaluyu, tama te bulu tǫ kantri Isipba polo sabolaibao. Tama te sogo pedalobo si da, te Isip dabego tibo god dabe noma genuai mu saibao, tama te Isip we bidi noma selama, tama augwali wi mu elama, tama augwaligo bomo mu sia saibao.

Daniel 7:13

Eno te hulide yali nade, eno te bidi me deli te da tǫde bidi tiwai tobage suali. Aga te dagalu pǫ dabe tomode bidiyu, tama ena pąba asali. Tama augwaligo aga te Polobadu Polobadu Bidada Aselama, te Megi Me Bidada Peyu, Bidada Pabo Bidiba sela palio.

Nahum 1:3

Genuai Bidigo asesa wado po me wagobeo. Tiali goli, aga te bomo yai elalubao, te sesemane sogo agai te dwai sę ebo bidi dabeba te dene mawaibao. Te Genuai Bidi gasaba me deli pabo sogo da, te genuai wali me tulubage pedelaibao, te pǫ dabe te agai sągą dologode te pobele bage hogomu tiwai pedalubo dao.

Sekaraia 12:10

Te Genuai Bidigo po geninama ma weyu te po wali, “Te eno te Devitgo bulali wąį nǫų hani dabego me te Jerusalem we bidi dabe augwaligo te homu dene eyu tau sabo kolesaga dali, te gedu haluasa po wabo kolesaga me, te si wali pomainu ilaibao. Te eno dwasianu naga egobeo. Tama augwaligo te augwa digi enego enama isali bidiba tononalu, te augwaligo aga gela usu mayu, te bidigo deli digi wai isaide dwai homu dene ebo gela wabo tiwai yaibao. Te augwaligo agade gela dwagila mu weyu, te bidigo aga gomunai ogwa deli isaide gela wabo tiwai yaibao.

Sekaraia 12:11

Te sogode te Jerusalemde genuai gela u mu waibao, te bidi dabego te tǫ malu dolo bulu te Megido pesagede te tibo god Hadatrimon dolaide te homu dene eyu gela usu mabo tiwai yaibao. Te augwali ayago togwali hani sibi deli delide te augwa homu dene ebo gela waibao. Te Devitgo bulali wąį nǫų hani bidi dabe me, te Natango bulali wąį hani dabe me, te Livaigo bulali hani wąį nǫų dabe me, te Simeigo bulali hani wąį nǫų dabe me, te gasa hanigo bulali wąį nǫų hani dabe tigidali me, te gela usu tigidaligo mawaibao. Te bulali wąį hani deli deli te deliba sisinama, te bidi dabe gasa badu bidiyu, te we dabe sibi tedali badu bidalu, tama tigidaligo homu dene ebo gela usu mawaibao, te augwaligo enani bidide,” Genuai Bidigo te po wai.

Israel Hanigo Namba 24:17

Eno te nosali yabo sę dabe naga suali, te sę megi pedalugobeo. Tama eno te Israel dabe bidibo suali. Te bidi me deli te bomo dali genuai nogi yai bidi te Israel hani dabego tuni bidi pedalaibao. Tama agai te Moap tobolu bidi dabe dali bomona mu hwįaibao, tama augwaligo tobolu dili aluaibao, tama agai te Setgo hani wąį dabego tobolu dili dolama tagalaibao.

Matyu 16:27

Magi baso meni. Nosali Godigo Bidi Mu te aga Ayago genuai bomo me, ula me dali, te ensel mobo bidi dabe dali hodobo si asaibao. Te sogo te agai tigidali we bidigo yali kolesaga usu nama wei ponaibao.

Matyu 16:28

Eno mu po dagebolo obao, dage megi ede bidalubo bidi dabe me badu isisąbadi, dagego te Godigo Bidi Mu aga we bidi tonalubo sę yabo bomo dali asobo sueibao,” Jisasgo te po wai.

Matyu 24:30

Te tebo sogo te Godigo Bidi Mugo dąį te dagalude pedelaibao, tama te tǫde we bidi hani tigidali augwali augwa nogo pagasa moni gela waibao. Tama augwaligo te Godigo Bidi Mu te dagalu pǫ daide ugwadu dualasa asobo sueibao, tama aga genuai bomo me genuai ula dali dulaibao.

Matyu 25:31

Te po ma weyu, Jisasgo te po wai, “Nosali te Godigo Bidi Mu te tuni bidi ma asobode, tama tigidali ensel mobo bidi aga dali, te sogo aga te tuni bidigo wiegi yai sia saide dualagasaibao.

Matyu 26:64

Jisasgo agabolo te po wali, “Awe, nago po wali ena te tiwai dao. Tiali goli eno dagebolo obao, nosali dagego te Godigo Bidi Mu te Tigidali Bomo Elalubo Godigo dolo nogo badude dualalubo sueibao. Tama aga te ugwadu daide elalubo pǫde bidama asobo, te me dagego sueibao,” wali.

Dwagi Yai Gesi Po Makgo Asęani 13:26

Tama te tebo sogode teda augwaligo te Godigo Bidi Mu te dagalu tomodu te pǫ me deli daide ugwadu dualasa asobo sueibao, te aga genuai bomo me genuai wiegi yai ula elalubadi te asaibao.

Dwagi Yai Gesi Po Makgo Asęani 14:62

Tama Jisasgo te po wai, “Te ena tama dao. Tama nosali dagego te Godigo Bidi Mu te Tigidali Bomo Elalubo Godigo dolo nogode dualama asobo dagego sueibao. Tama aga te dagalu tomodu te pǫ me deli daidu dualasa asaibao,” wali.

Dwagi Yai Gesi Po Lukgo Asęani 21:27

Tama te ebo sogo ena te Godigo Bidi Mu ena gasa dagalu pǫ medu asaibao, te eno moni bomo dali, moni ula dali asobo augwaligo te sogo sueibao. Te moni ula te giliga sesena pai nanobo tiwai yaibao.

Dwagi Yai Gesi Po Jongo Asęani 19:34

Tialima ami bidi me deligo Jisas punali badu sesemonego enai. Tama polo kaneme dali ąį dali geasa dulai, tǫba.

Dwagi Yai Gesi Po Jongo Asęani 19:37

Tama gasa po me te Godigo bukude asęyu te po wai, “Tama augwaligo te enani bidi teba gedugo tonaluaibao,” te po me asęani.

1 Tesalonaika 1:10

Tama augwaligo te po wabo dao, dage te Godigo Ogwa dagalu tagalama e tǫba ma asobo sogo te dagego tonalubo dao, te po wabo dao. Te Godigo polobadu gų pagede ma hodolali bidi, te Jisas, tama te bidi agai da dali Godigo nosali sębę idali weyu tau sali bidi Jisas dao. Dagego te bidi asobo tonalubo po augwaligo dabolo pusubo dao.

1 Tesalonaika 4:17

Tama te sogo da tǫde isisiąwani we bidi, Godigo da te ma hodolali we bidi dali pǫgo odasa dagaluba holaibao, te da te asobo Genuai Bidi tiąba pomainogo yaibao. Tama elama, da te Genuai Bidi Jisas dali sesemane sogo bidada peyu, mu bidada paibao.

Hibru 10:29

Te Mosesgo mani bomai po bolali bidi dali te bidi dabego tama tialigo da, teda dagego magi homu te Godigo Ogwa tudiba mubo bidi dali yaibawe? Magi baso menio. Te Kraisgo te Godigo da tau sabo po dąų wali kanemego te bidi wiegi yai ilali. Tiali goli te bidigo dwai kolesaga ma ebogo te po dąų wali kaneme te olo nai tiwai ilalio. Tama agai dwai kolesaga mu te olo tau sabo kolesaga mabo Mobo Bidi dali eyu, tama Mobo Bidi nogi posobo po tama wai dao. Kone palao. Te bidi aga sęgę genuai mu sobaso, te dolo mu dao.

1 Jon 3:2

Abagi mu dede, megi da te Godigo wai dabe bidibao. Tama nosali da mena tama bidigowe, te dago megi bugagia hania konebeo. Tialima dago koneani, nosali Krais hania bulu ulaba pedalobo si, te sogo dago aga magi bidi dawe te dago te page mu hania koneaibao. Tama dago aga subaso, te sogo da aga tiwai gagawaibao.

Jutgo Asęani Pas 1:14

Te polobadu bidi Adam aga ogwago ogwa tama nedada peyu, te nogo a olama me badu nogo deli wali, te bidi mego ogwa te Inok da, aga polobadu mu bidai bidi dao. Tiali goli, agai te sogo polobadu te megi bidibo tibo po ola mabo bagede te po wai, “Suao, Genuai Bidi aga ensel mobo bidi umabo mu dali asaibao.

Kraisgo Geme Dualali Sę Pedelabo Po Jonbolo Ola Mani 22:20

E tigidali sęde po pusali bidi megi agai te po obao, “Mu tama, te ena polo asaibao!” Awe, mu tama dao. Genuai Bidi Jisas, nage asao!

Kraisgo Geme Dualali Sę Pedelabo Po Jonbolo Ola Mani 22:4

Tama augwaligo aga gesabidi sueibao, tama agai nogi augwali gebode asęnama elalueibao.

Te Israel Tobolu Bidi Dabe 5:31

“Tialima, Genuai Bidi, dago homugo te tama tialigo te nago boi bidi dabe isimainogo yao. Tiali goli, nago abagi dabe da, te ula eyu, tama te giliga nanobo ula tiwai pedalumainu yao,” te Debora dali Barak sigo te tiwai tęąbi po tama wali. Tama te tǫ pedaide te boi munu me hwįsiąbadi, te kibu be bidi sese si 40 yia bidali.