Godigo Nogi Ugwaba Sabo Tęąbi Po Wabo Buku Dabe 99:7 - Godigo dwagi yai po buku

⁷ Aga te genuai dagalu pǫde bidama, tama augwaliba te bomai po mani. Tama te Godigo augwaliba mani bomai po tigidali te augwaligo wali pai dao.

Godigo Nogi Ugwaba Sabo Tęąbi Po Wabo Buku Dabe 99:7 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 105:28

Tama Godigo augwaligo tǫ be hulia siyu, mesega sai, tialima, Isip bidi dabego agai po sela sąwai.

Ma Dobola Sali 19:9

Tama Genuai Bidigo Mosesbolo te po wai, “Odao, te genuai husugu yai pǫde bidilama, tama ena nageba asiyu, tama te we bidi augwaligo te eno nage dali po mibo odolama, tama sesemane sogo augwaligo nago poba homu dąų omainao.” Tama Mosesgo Genuai Bidibolo te we bidi augwaligo wali po wai.

Ma Dobola Sali 33:9

Tama Moses te ugwa be tomoba pai madigi, tama te pǫ aselama, te ugwa be tų pąba dolagasai. Tama Genuai Bidi te pǫ tomode bidiyu, tama Moses dali po miai dao.

Ma Dobola Sali 40:16

Tialima, Mosesgo te po odama, tama Genuai Bidigo agabolo te po wali te tigidali sę yai dao.

Bugagia Bidibo Kolesagade Po Asęai Buku 28:9

Te bidigo te Godigo bomai po tudiba mubaso da, teda Godigo agai gedu haluasa po wabo me odogobeo. Te Godigo te gedu haluasa po wabo te kukumini ebo nai subo tiwai yaibao.

Israel Hanigo Namba 12:5

Augwali polo doligi pai madi te Genuai Bidi te pǫde bidai aiyaba dulali, tama te pǫ te ugwa be sunumide dolaluali. Tama Genuai Bidigo i weyu e tama po wali, “Aron de Miriam si, dage si asiąo,” wali. Augwali sigo odama, tama augwali si pąbanu gana pali.

Israel Hanigo Namba 16:15

Mosesgo te po odama, aga sębę elama, tama Genuai Bidibolo e tama po walali, “Nago te bidi hani dabego sesali ofa nago selamu dao. Augwaligo te po wali, eno augwali subigila tolalubo po wali. Tiali goli, eno augwaligo kibu donki deli me wi siyu, me augwali dali dwai kolesaga me eyu me ebeo. Mu menio,” wali.

Bomai Po 33:9

Augwaligo nago po me nago kontrak dąų wali po wali pabo bomo elalubao. Tama augwaligo augwa ida aya, me augwa ama dede, me augwa wai bǫų dabego homu kolesaga wali me pabeo. Menio. Augwaligo te nago homu kolesaga naga wali pai dao.

Bomai Po 4:5

“Edao. Eno dage tigidali haniani bomai po ola mena silali, te God dago Genuai Bidigo dabolo wali gilama tiai dao. Megi da, dage te bulu sigi pelama, tama tede duagi paibao. Tama dage te bulude bidiyu da, teda dagego te bomai po tigidali wali piagameo.

Hibru 3:2

Godigo aga te sęba muani, tama agai Godide homu kęą pai bidi bidai. Agai te bidi Mosesgo polobadu te Godigo we bidi tau sabo sę tiwai yai. Te we bidi augwali Godigo be tiwai bidai.