Godigo Nogi Ugwaba Sabo Tęąbi Po Wabo Buku Dabe 81:5 - Godigo dwagi yai po buku

⁵ Te polobadu Godigo te Isip dabe dali hwįgi pali sogo, agai te bomo yai po da Israel dabeba mawai dao.

Godigo Nogi Ugwaba Sabo Tęąbi Po Wabo Buku Dabe 81:5 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 114:1

Polobadu Israel dabego te Isip tagalama pelawalio. Te Jekopgo hani dabego te gasa hani dabego bulu taga soai dao.

Godigo Nogi Ugwaba Sabo Tęąbi Po Wabo Buku Dabe 77:15

Te naga bomogo digi nago te naga we bidi dabe ma sali, te Jekop de Josep sigo wąį nǫų hani dabe, te augwali si tudi badu nosali pedelali bage dao.

Godigo Nogi Ugwaba Sabo Tęąbi Po Wabo Buku Dabe 78:6

Tama tialima, te nosali pedalubo hani wai dabego te nosali augwa me ola mayu, tama te hanigo te augwa wai dabeba te po omainao, te po wai.

Ma Dobola Sali 11:4

Tama te tuni bidigo te “Nago ena ma sugobeo,” te po olama, tama Mosesgo tuni bidibolo po wei ponoyu, te po wali, “Genuai Bidigo po odao. Agai te po wai, ‘Me sogo be huli tomode ena te Isip tǫ tigidali habuba bilaibao,’ te po wai.

Ma Dobola Sali 12:12

“Tama te sogo hulide tama, ena te Isip tǫ tigidaliba pelama, tama te Isip we bidigo tigidali te gomunai ogwa ela muyu, tama augwaligo kibu dabe me elaibao. Ena digi ena te Genuai Bidi Yawe, tama eno te Isip bage augwaligo tibo god tigidali augwali te bomo meni yai bage mu dao hanilama, ola mawaibao.

Ma Dobola Sali 12:27

Tama dagego augwalibolo te po wao, ‘Megi da, te Pasova sogo dao. Dago te ofa Genuai Bidibolo ebo, te agai da Israel hani tagalama ela soali bodolu side te sę ebao. Dago te Isip hani augwaligo gomunai ogwa agai elali sogo homugo koneama tiwai. Tiali goli, agai da Israel bagego be tagalama, ela soai, tama dago wai dabe sula tagalama, bugagia bidai.’” Mosesgo te po te tobolu bidi dabebolo wai. Tama nosali te we bidi augwaligo te po odoyu, tama augwali tobolu aiyaba munama, tama Godibolo lotu po wai.

Ma Dobola Sali 12:29

Tama huli tomode mu, Genuai Bidigo te Isip dabego gomunai ogwa tigidali ela silai. Agai te tuni bidigo gomunai ogwade elebo gagalama, tama ela pelama, tama te kalabus bidi dabego gomunai ogwa dabeba me usu nigi pai. Tama agai te haniani kibu hani dabego gomunai wai dabe me elai.

Aisaia 28:11

Te we bidi dabe augwaligo eno po odobo hagela mu ebo. Tama tibaso, Genuai Bidigo augwalibolo te gasa po wabo bagego pedauwalidu augwali po ola momainu, te gasa bidi dabebolo te agai po ola mawaibao.

Jeremaia 5:15

Ena Genuai Bidi, eno dage Israel we bidiba te tama po obao, eno te digibulu bidi hani bage selama, odasa aselama, te dage dali boi hwįmainu yaibao. Augwali te bomai hani bidi te augwa tǫ kantride polobadu mu bidali. Dagego te augwaligo wabo po page me konegobeo, magi baso meni, dagego augwaligo po konebe dao.

Esekiel 20:20

‘Dagego te haniani Sabat bodolu side bugagia homu kone palama, te gasagi yai tedali sogo da homu eyu, te eno bodolu side tiwai mu dąį ilao. Te bodolu side te eno dage dali bomai po dąų walobo dąį tiwai yali. Dage te bodolu side toma neyu, tama dagego te tiwai bugagia koneama, ena digi ena God, dagego Genuai Bidi da,’ eno te po wai dao,” wali.

Amos 6:6

Dagego te genuai kap wain wę hauwa tubo dao. Te dagego denami ebo sawi yai sanda, me ili yai nai te duga tigide denami iliyu mubo dao. Tiali goli, dagego te tǫ kantri Israel nosali dolabo homu dene dwasianu me ebo menio.

Bomai Po 28:49

Te tama tilama, Godigo bidi hani me deli digibulu mu bulu badu me odasa asaibao, te dagego augwaligo po odisąma yai bidi hani me deli. Augwali dageba te kemodage me hasa ela tuainogo polo asobo tiwai yaibao.

Bomai Po 4:45

Agai te bomai po augwalibolo augwali te Isip bulu taga solama, tama augwali te giliga asobo badu te Jordan wę badu, te malu bulude bidibadi, te po mani, te Betpeorba tonobo badu polo badu. Te badu te tǫ te tuni bidi Sihon, te Amor dabego tuni bidigo tǫ dao. Polobadu agai te hanu Hesbonde bidiyu, te tǫ tonaluai dao. Tama Moses de Israel dabe augwaligo te bage augwali te Isip bulu tagalama asali sogo, augwali aiyaba elaluai dao.