Godigo Nogi Ugwaba Sabo Tęąbi Po Wabo Buku Dabe 8:6 - Godigo dwagi yai po buku

⁶ Nago da sa muyu, te nago nigali nai tigidali tonalumainu yai. Nago te tigidali nai dago dologoba munama, elalubo dao.

Godigo Nogi Ugwaba Sabo Tęąbi Po Wabo Buku Dabe 8:6 Iomraidhean Croise

Tigidali Nai Gagalama Nigali Side 1:26

Tama Godigo te po wai, “Megi da, dago te we bidi dena tiwai niginao,” wali. “Dago augwali te sųgų dabe me, te ba dabe me, te be pąde bidibo kibu dabe me, te bulude bidibo genuai hasa me, dwasianu hasa dabe, te tigidali nai tonaluabo bidi nigilinao,” te po wai.

Tigidali Nai Gagalama Nigali Side 1:28

Tama Godigo dwagi yai po mobo augwalibolo mayu, bomonama te po wai, “Dagego wai dabe hauwa ame nenama, tama augwali pelama, te tigidali bulu tǫ usu nama bidada pelama, tama te tǫde tigidali elalubo nai dabe tonaluaibao. Tama eno dagebolo te sųgų dabe me, te ba dabe me, te bulude genuai hasa, me dwasianu hasa dabe, te tonaluabo bomo mobao,” wali.

Tigidali Nai Gagalama Nigali Side 9:2

Te tigidali tǫde hasa sibi me, te ba dabe me, te dwasianu hasa sibi dabe me, te sųgų dabe, te augwali dagede wi mu yaibao. Eno te augwali dagego nogoba muyu, tama dagego te augwali tonaluaibao.

Godigo Nogi Ugwaba Sabo Tęąbi Po Wabo Buku Dabe 110:1

Yawe Genuai Bidigo eno genuai bidiba te tama po wali, “Nago eno dolo nogode dugulalu, te nago boi bidi dabe te eno nage dologoba mubo sogoba usu naibao.”

Matyu 28:18

Tama Jisas pąba aselama, augwalibolo e tiwai po wali, “Godigo enabolo te tigidali dagalude me tǫde elalubo nai tonaluabo bomo mawai dao.

Efesus 1:22

Tama Godigo tigidali nai mu Krais dologoba muai, tama Krais aga te nai dabe tonaluabo bidi nigilama, tama Godigo po wali pabo we bidi genuai tobolu bidi nigilai.

Hibru 1:2

Tiali goli megi e sogo da, te nosali pedalobo sogo tiwai mu yali, te Godigo aga Ogwago pedauwalidu agai po dabolo pusai dao. Te aga Ogwago nogogo me te Godigo te tǫ dali dagalu dali te tigidali nai nigai dao. Tama Godigo agai te tigidali nai nosali somainogo aga sa muai.

Hibru 2:8

Nago te tigidali nai augwali dologoba muani, te nai tigidali augwaligo tonalumainogo tiai.” Awe, Godigo te tigidali nai bidi dologoba munama elaluai. Tama agai te nai me deli te olo me augwali dologode elalumainogo me ebeo. Tiali goli megi dago me susąbadi digi te tigidali nai bidi dologode elalubeo. Menio.

1 Pita 3:22

Tama te Jisas Krais aga te gų pagede ma hodolama, tama Godigo dagalude bidibo madiba sabolama tama genuai nogi sobaso, aga te Godigo dolo nogo badu megi bidibao. Tama aga tede bidiyu, tama ensel mobo bidi dabe tigidali dali, te noma bidi tuni bidi dabe dali, te bomo yai noma bidi dabe dali, augwali tigidali Krais aga dologode bidibo dao.