Godigo Nogi Ugwaba Sabo Tęąbi Po Wabo Buku Dabe 8:5 - Godigo dwagi yai po buku

⁵ Nago da nigilama, tama nago da te nagaduba deli naga dologode bidimainu muani. Nago da ugwaba siyu, tama daba genuai nogi mabo dao.

Godigo Nogi Ugwaba Sabo Tęąbi Po Wabo Buku Dabe 8:5 Iomraidhean Croise

Tigidali Nai Gagalama Nigali Side 2:7

Tama Yawe Godigo te tǫ meba selama, tama te tǫgo bidi nigai. Tama agai bidibo ula maiabo mobo te bidigo guni tomoba ponama, tama bidi te bidibo ula pedelai.

2 Samuel 14:29

Tama tiyu, Apsalomgo te Joapba hanaluama, te aga kingba tagala palomainu homu yali, tiali goli Apsalomgo te Joapba po ola tolobo sogo, Joapgo te Apsalom suagasabo homu me isąwai. Tialima, te si sogo weyu, agai te Joapba po ma ola tolali, tiali goli Joap aga me asisąwai.

Jopgo Po Asęani Elalubo Buku 7:17

“Da we bidi magi nai dao olama, nago da homu ebo dawe? Magi baso nago da tigidali sogo tonalubo dawe?

Godigo Nogi Ugwaba Sabo Tęąbi Po Wabo Buku Dabe 103:20

Dage tigidali Genuai Bidigo ensel mobo bidi, dagego genuai bomo elalubao. Dagego agai po wali pabo bage, dagego olo agai po wabo digi bugagia mubo dao. Tialima, dagego Genuai Bidi nogi ugwaba sao.

Godigo Nogi Ugwaba Sabo Tęąbi Po Wabo Buku Dabe 103:4

Genuai Bidigo ena ma sai, tama ena isibeo. Agai olo ena tau sabo dwagi yai homu eyu, ena hobede mu ebo dao.

Godigo Nogi Ugwaba Sabo Tęąbi Po Wabo Buku Dabe 144:3

Genuai Bidi, da we bidi te magi nai da weyu, tama nago dade homu kone ebawe? Da te olo bage tiwai, tialima magi baso tama nago dade homu wei ebo dawe?

Godigo Nogi Ugwaba Sabo Tęąbi Po Wabo Buku Dabe 45:6

Godigo nage te king nigilama, tama nage te king sesemane bidada peyu, bidada paibao. Nago te naga we bidi dabe te doloba pai kolesagade naga tonalubo dao.

Efesus 1:21

Tama megi Krais aga ugwadu mu bidalubao, tigidali tobolu bidi, tigidali polalubo bidi me, tigidali bomai bidi, tigidali nogi elalubo bidi me, tǫde me, dagalude me, Krais agai augwali tigidali aiyaba elaluama, aga ugwadu mu bidibo, te nosali me tama tiwaibao.

Hibru 2:16

Mu tamao, agai te ensel mobo bidi dabe tau sainogo te sę me ebeo. Menio. Agai te sę yali te Abrahamgo hani augwali tau sainogo te sę yai dao.

Hibru 2:7

Te osogo naga, nago augwali te ensel mobo bidi dabe augwali dologoba muai. Nago augwalibolo genuai bomo me, genuai nogi mawai, tama te kolesagago nago augwaligo nogi ugwaba sai.

Hibru 2:9

Tiali goli dago Jisas konebao. Polobadu osogo naga Godigo aga nogi te mobo bidi ensel dabego nogi dologode bidimainogo ilali, te Godigo wiegi yai homu eyu, te olo mu tau sabo kolesaga pedalomainogo me te tigidali bidi tau siyu isainogo tiai. Agai te dene tolama isali, tama Godigo aga nogi ugwaba selama, tama genuai bomo me genuai nogi agabolo mawai dao, tama megi aga te tiwai bidibo dago konebao.