Godigo Nogi Ugwaba Sabo Tęąbi Po Wabo Buku Dabe 8:3 - Godigo dwagi yai po buku

³ Te eno nago nogogo nigali dagalu subo sogo, tama eno te poluaba me, te tigidali hǫ te nago ugwade muani tonono ebo sogo,

Godigo Nogi Ugwaba Sabo Tęąbi Po Wabo Buku Dabe 8:3 Iomraidhean Croise

Tigidali Nai Gagalama Nigali Side 1:1

Polobadu mu, te Godigo dagalu de tǫ si gagalama nigali sogo, hasia bolo te tǫ dago megi subo tiwai gilama me ebeo. Menio.

Jopgo Po Asęani Elalubo Buku 22:12

“Jop, suao, te hǫ dabe tigidali ugwanu mu elalubao. Tiali goli, God te dagalude bidiyu, aga te hǫ dabe edelama, ugwadu mu bidibao.

Jopgo Po Asęani Elalubo Buku 25:3

Te dagalude ami bidi hauwa mu, tama bidigo nedebo usu egobeo. Tama Godigo ula tigidali we bidibolo mabo dao.

Jopgo Po Asęani Elalubo Buku 25:5

Dago polua ula genuai subo dao. Tiali goli, Godigo gedude da, te dwasianunu mu dao. Tama hǫ dabe me agai gedude dwagi yai menio.

Jopgo Po Asęani Elalubo Buku 36:24

Te bidi dabego Godigo nigali nai dabe sulama, Godigo nogi ugwaba selama, balia po wabo dao. Tama tibaso, nago me te tobage kolesaga deli naga yao.

Godigo Nogi Ugwaba Sabo Tęąbi Po Wabo Buku Dabe 104:19

Nago polua nigai, tama agai tigidali kibu be koneabo dąį ela pabo dao. Tama giliga aga aiyaba dulabo sogo koneama, dulubo dao.

Godigo Nogi Ugwaba Sabo Tęąbi Po Wabo Buku Dabe 111:2

Genuai Bidigo te polalubo sę dabe mu ebo dao. Te we bidi dabego te Genuai Bidigo ebo sę te wei mu yali, augwaligo te sę dabe te bugagia koneainu homu yalio.

Godigo Nogi Ugwaba Sabo Tęąbi Po Wabo Buku Dabe 148:3

Giliga me polua, dage sigo me te aga nogi ugwaba sao. Tama te ula mu ebo hǫ tigidaligo te agai nogi ugwaba sao.

Godigo Nogi Ugwaba Sabo Tęąbi Po Wabo Buku Dabe 19:1

Dagalugo dabolo ola mabo dao, God agai bomo dali, genuai nogi dali si mu elalubao. Awe, tigidali nai dagalu ugwadu elalubo naigo dabolo te Godigo digi augwali nigai, te hania ola mabo dao.

Godigo Nogi Ugwaba Sabo Tęąbi Po Wabo Buku Dabe 33:6

Genuai Bidi Godigo te po naga obadi, tama te giliga, me polua, me hǫ dabe te dagalude pedelai. Awe, agai po naga obaso, tama tigidali nai te ogwade pedelai dao.

Godigo Nogi Ugwaba Sabo Tęąbi Po Wabo Buku Dabe 89:11

Dagalu me tǫ te nago naga dao. Nago tǫ nigali, te tǫde tigidali nai me bugagia nigali.

Ma Dobola Sali 31:18

Te Godigo po te Sainai bulu dude Moses dali wali sogo, agai te masigi name si te bomo yai po God aga digi nogogo asęai, te Mosesbolo mawai dao.

Ma Dobola Sali 8:19

Tama te pobi po koneai bidi dabe augwaligo tuni bidi dali te po wai, “God aga digi te sę ebao.” Tiali goli, tuni bidigo kolesaga dolama gagea pai, te Genuai Bidigo po tama tiaibao wai, tama agai Moses de Aron sigo po wabo odobeo.

Dwagi Yai Gesi Po Lukgo Asęani 11:20

Te sę ebogo te dagego geda muani sę te ola mobao. Dagego geda mubo po obao. Eno e sę ebo te Godigo bomogo naga te dwai haubo noma bidi dabe sela sąsą bilibo dao. Te sę ebogo te Godigo we bidi tonalubo sę dage pageba asai elalubo te ola mobao,” wali.

Polgo Po Pas Rom Dabeba Asęani 1:20

E tiwai dao: polobadu mu Godigo tigidali nai nigali, tama te sogo gagalama megi e sogoba usu nagasali, tama te bidi dabe augwaligo agai nigali nai dabe suali. Tama augwaligo tede te Godigo kolesaga meba koneani, te bidi dabego gedugo susiąbo kolesaga te augwaligo koneagameo. Te aga gasagi yai tedali mu da, aga God dao, te augwaligo hania koneagameo. Tama agai genuai bomo te sesemane sogo bidada pabo bomo dao, silisiąbo bomo mu dao, te me augwaligo agade koneagameo. Tama tibaso, te bidi dabe augwa dwai sę ebo kolesaga te geme dualiyu tama augwaligo te po wei ponabo tų menio, “Dago te God konebeo,” te po me wagobeo.

Bomai Po 4:19

Tiyu dagego dagalude elalubo subo nai dabeba lotu po waidalio, te giliga, me polua, me hǫ dabeba lotu olamuo. Menio. God dago Genuai Bidigo te gasa we bidi dabego te nai dabeba lotu omainu sula tagalai dao.