Godigo Nogi Ugwaba Sabo Tęąbi Po Wabo Buku Dabe 4:2 - Godigo dwagi yai po buku

² Dage nogi elalubo bidi dabego, te nisu naga sogo te dagego nogi posobo po enaba obawe? Nisu naga sogo dagego te haniani te dwai sę ebo godolo homu iduaibawe? Nisu naga sogo dagego te tibo po wabo kolesaga wali piduaibawe?

Godigo Nogi Ugwaba Sabo Tęąbi Po Wabo Buku Dabe 4:2 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 106:20

Augwaligo te nosa tubo bulmakau piksa selama, tama augwa teba lotu wali. Te kolesagago augwaligo te Godigo genuai nogi aiyaba elalubo sę yali.

Godigo Nogi Ugwaba Sabo Tęąbi Po Wabo Buku Dabe 14:6

Te dwai sę ebo bage augwaligo te nai meni yai bidi dabego yainogo ebo sę dali gisugu mabo dao. Tiali goli, Genuai Bidigo te nai meni yai bidi dabe augwali bugagia tonalubo dao.

Godigo Nogi Ugwaba Sabo Tęąbi Po Wabo Buku Dabe 2:1

Magi baso te Israel hani isąwai we bidi dabego te God dali hagoma kolesaga yabo po mia saliwe? Magi baso te we bidi dabe augwaligo te dwai kolesaga yabo po te odolali po mia saliwe?

Godigo Nogi Ugwaba Sabo Tęąbi Po Wabo Buku Dabe 3:3

Tiali goli, menio. Genuai Bidi naga digi te nago ena geme dualubo awa tiwai ebo dao. Nago naga ena te augwali aiyaba elalumainu ebo dao. Awe, nago naga te eno homu sęgę sela sąyu, tama eno tobolu ugwaba sabo dao.

Godigo Nogi Ugwaba Sabo Tęąbi Po Wabo Buku Dabe 31:6

Nago te tibo god dabede lotu wabo bidi dabe te wei mu me isiąwai. Tiali goli, eno konealubo homu nageba dąų wali.

Godigo Nogi Ugwaba Sabo Tęąbi Po Wabo Buku Dabe 5:6

Nago te tigidali tibo po wabo bidi dolobo da. Tama bidi ela mubo bidi dabe, me te tibo po weyu, te gasa po dali ugwadu ma daganobo bidi, te nago godolo homu mu me egobeo.

Godigo Nogi Ugwaba Sabo Tęąbi Po Wabo Buku Dabe 50:15

Dagego tama tibo si, tama te sęgę pedalubo sogo, dagego enaba i waiyą, tama te eno dage tau mu siyu, tama dagego eno nogi ugwaba sagameo,” po wali.

Godigo Nogi Ugwaba Sabo Tęąbi Po Wabo Buku Dabe 57:4

Te dwai hasa laion tiwai bidi dabe augwaligo ena bobegelali, tama augwaligo te we bidi dabe tuainu sisi yali. Te augwaligo kele te ene me sesemone poa pai mu tiwai elaluali. Te augwaligo hamena te bainat hwą poa pai mu tiwai elaluai dao.

Godigo Nogi Ugwaba Sabo Tęąbi Po Wabo Buku Dabe 58:1

Dage te tobolu bidi dabe, dagego te doloba pai po te po tųde wabo da, agawe? Te dagego tigidali bidigo po bugagia dagalubo da homu eba, agawe?

Godigo Nogi Ugwaba Sabo Tęąbi Po Wabo Buku Dabe 58:3

Te dwai sę ebo bidi dabe te augwa tigidali sogo bilibode te wiegi yai sunumi tagalali. Te augwali wąį bǫųde digi gagalali, te augwa monu dabe eboba usu nigi peyu, te augwaligo tibo po wabo sę naga yalio.

Godigo Nogi Ugwaba Sabo Tęąbi Po Wabo Buku Dabe 63:11

Tiali goli, ena king da, te eno wiegi yai pemene te nage Godiba yaibao. Te bidi dabego nogo guni sisu muyu, tama nago nogi weyu, tama augwa po dąų wabo bidi dabe, te augwaligo nage wali pabo bidi dabe, augwa te wiegi yai pemene mu emainao. Tiali goli, nago te tibo po wabo bidi dabego pedauwali pania somainu yaibao.

Godigo Nogi Ugwaba Sabo Tęąbi Po Wabo Buku Dabe 72:2

Tama agai te nago we bidi dabe me, te dwai bidi dabe me, te doloba pai kolesagago tonaluaibao.

Ma Dobola Sali 10:3

Tama Moses de Aron si pelama, te tuni bidi agabolo te po wagi pali, “Da Hibru bagego God, Genuai Bidi Yawe, agai te po wai, ‘Nisu naga sogo nago te po sela sąyu, tama nage ena dologode bidigobewe? Te eno we bidi hani tagala palao, te augwaligo lotu po enaba wagasomainao.

Bugagia Bidibo Kolesagade Po Asęai Buku 1:22

“Dage te homu kolesaga meni yani hani, dage te tiwai sesemane bidabo homu eba, agawe? Dage te wabo pabo bidi dabe tiwai ebao. Dagego te wiegi yai kolesaga sabo homu wei me isiąma, tama dagego tede posobo po wabo dao. Mena sogo dagego te kolesaga ebo tagalaibawe?

Kolesaga Koneai Bidigo Pusali Po Elalubo Buku 8:11

Me sogo te bidi me deligo dwai sę elama, tama augwaligo agade po tų elama, te agaba mabo dene po dodolama elalubao. Tiali goli, augwaligo sesabi elama, te dene agaba mabeo, aga olo bidali. Tama tibaso, te tama tebo sęgo te we bidi dabe augwali homu hodolama, te augwaligo dwai kolesaga ebo bomo elama yaibao.

Kolesaga Koneai Bidigo Pusali Po Elalubo Buku 9:3

Deli tigi poai sę da tǫde bidi tigidaliba pedelaibao, tama te sę dolo me elalubeo. Te we bidi augwali tǫde bidibo sogo, dwai sę ebo kolesaga dali, te wabo pabo bidigo kolesaga tiwai dali, te augwaligo haligade pągąnalubao. Tama nosali, augwali isiyu, tama te polobadu isali bagego hani tomoba pabo dao.

Aisaia 20:5

Te Filistia we bidi dabego te Sudan dabego augwali hwįbode tau siyu, me te augwaligo genuai nogi ugwaba sabo Isip dabe, te augwaligo te sę sulama, tama augwali noma selama, tama augwali homu dwai yaibao.

Aisaia 45:17

Tiali goli, Genuai Bidigo dage Israel ma selama, te sesemane sogo agai dage ugwaba igulama, ugwa ela holomainu ilaibao. Te dage gasa we bidi hani dabede munu ma hale me isąma, te dage sesemane sogo bugagia bidada peyu, bidada paibao.’ Te Seba tǫ kantri bagego te tobage po waibao,” Genuai Bidigo te po wai.

Aisaia 59:4

Dagego te doloba pai po tų me ebeo. Menio. Dagego te tibo po dabe weyu, te po tų odoboba gasa bage dabe kekasa pali. Te dagego tibo po haniani weyu, te po tų ebo dagego po naga odomainu elama, te gasa bage aiyaba elaluai. Te dagego homu kolesagade te dwai sę ebo kolesaga hauwa mu pągąnalu, te dagego dwai sę haniani ebo dao.

Jeremaia 2:11

Te hani bagego augwa god te god mu menio. Tiali goli, te hanigo augwa te god hasegelama, te gesi god wali me pabeo. Ena God, eno te genuai nogi dali bomo dali si elalubao, tiali goli dage we bidigo te ena hasegelama, te dage tau sisą yabo dwai god dabe wali pidubo dao.

Jeremaia 2:5

Genuai Bidigo te tiwai po wai, “Eno mena dwai sę ebaso, te dage bulai wąį dabego te ena tagalama, digibulu mu paliwe? Waa? Koneao. Augwa te olo naiba lotu obaso, tama tiyu, augwa digi te olo nai tiwai pedelai dao.

Jeremaia 9:3

Genuai Bidigo te tiwai po wali, “Sesemane sogo eno we bidi dabego te tibo po wabo sisi elalubo tiwai eyu, te bidigo enesigide te ene nanalubo tiwai ebao. Te mu po wabo kolesaga te augwaligo tǫ kantriba genuai pedalubeo. Te tibo po wabo ugwaba ela holalio. Augwaligo te haniani dwai kolesaga umabo mu ela pidubadi, te augwa konealubo homu enaba me mubeo.”

Hosea 4:7

“Dage pris te hauwa mu pedelali, tama tiyu dagego dwai sę hauwa mu yali. Megi dage genuai nogi elalubo, tiali goli te eno dage aiyaba elaluama, tama dage dwai hale mu yaibao,” te po wai.

Jona 2:8

“Te tibo godiba lotu po wabo bidi dabe, augwaligo te nago augwali homu dene eyu, tau sabo kolesaga te tudiba mubo dao.

Israel Hanigo Namba 14:11

Tama Genuai Bidigo Mosesbolo e tama po wali, “Hauwa sogo mu te we bidigo eno po sela sąyu, tama augwaligo eno po mu dao homu ebeo. Eno augwali tomode wiegi yai sę hauwa yali, Tiali goli, augwaligo teba homu dąų wabeo.

Godigo Sęba Tagala Palai Bidigo Po 24:9

Tama Tertulusgo te po olama, te Juda dabego me aga tau selama, “Te mu po dao, te Polbolo naga,” te po wali.

1 Korin 1:31

Tama tibaso, te dago te Godigo po bukude elalubo po me deli tiwai inao. Tede e tiwai po wai dao, “Bidi me deligo te nogi ugwaba sabo po wabo homu eyu da, teda agai dago Genuai Bidigo nogi naga ugwaba sao,” te po asęani.

Efesus 4:25

Te God agai dage te gesi noma we bidi nigaligo da, teda dagego dwai tibo po wabo kolesaga tagalama tama munu me egimio. Te menio. Tama dage tigidaligo duga hasi tomode mu po naga wao. Magi baso meni. Dagego koneani, da tigidali te deli tigide naga wadolama bidibo dao.

1 Samuel 12:21

Tama dagego te tibo god dabe wali me pelamuo. Augwali te olo nai naga elalu, tama augwaligo dage tau selama, te dage ma dobola sabo usu me egobeo.