Godigo Nogi Ugwaba Sabo Tęąbi Po Wabo Buku Dabe 146:10 - Godigo dwagi yai po buku10 Genuai Bidi te sesemane sogo king bidada peyu, bidada paibao. Te Saion we bidi dabe, dage Israel dabe, te duga God te sesemane king bidada peyu, bidada paibao. Te Genuai Bidigo nogi ugwanu sinao. Faic an caibideil |
Te we bidi augwaligo bidi me deli te bulu du pesagedu udada asobo sulama, te wiegi yai pemene mu yaibao, te wiegi yai po Jerusalemba selasa asali. Agai te tiwai po waibao, “Saion, te wiegi yai sogo pedelalio. Godigo te boi bidi dabe aiyaba elaluama, te agai nage bugagia bidimainu ilalio. Megi da, nago Godigo te tigidali nai tonalubo dao,” agai te po waibao.
Te tuni bidi te tuni bidi Devit hasegelama, bidaibao. Tama aga te Devitgo tuni bidi siade dualaluyu, te we bidi dabe tonaluaibao. Te agai gavmanigo bomo tigidali sogo genuai holudaibao. Tama hwįbo me menia pelama, bugagia tigidali sogo bidaibao. Magi baso meni. Te tuni bidi aga te tigidali sogo dwagi yai doloba pai kolesaga naga ebo dao. Tama agai te kolesagago aga te bomai tuni bidi bidaibao, te megi me, tigidali sogo nosali me. Genuai Bidi Tigidali Bomo Elalubo Bidigo homugo bomo mu elama, we bidi dabe dali wiegi yai sę yabo homu ebao. Tama tibaso, agai te sę dabe me elama, pedalaibao.
“Tama te king dabe bidalubadi, te Godigo te we bidi tonalubo bomo te tomo hodolama, tama te tonalubo bomo te sesemane bidada peyu, bidada paibao. Te gasa king dabego te Godigo tonalubo bomo te elalueinu ebaso, usu me egobeo, te gasa bagego te bomo me sogobeo. Tiali digi, te agai da te augwali aiyaba elaluama, tama te gasa king dabe mu dola silama, tama agai tonalubo bomo te sesemane elaluaibao.
“Dage eno bulu tǫ pedai kantri dabe we bidi dabeo, eno te po odiąo. Dage tigidaligo genuai nogi te Danielgo Godiba menama, tama te God dologoba pelama bidao. Te God te sesemane sogo bidada pobao. Aga te king sesemane sogo bidada pidu, bidada paibao, tama aga te we bidi tonalubo bomo te me siligobeo.
Te Polobadu Polobadu Mu Bidali Bidigo digi aga te king pedalumainu elama, tama agaba te bomo me genuai nogi mawai. Tama aga te sesemane sogo bidada pabo te bomo elalua pabo king bidiyu, tama aga king sę ebo te munu me sia sogobeo. Tama te tigidali bulu tǫ kantri we bidi me, tigidali hani bidi me, tigidali haniani po wabo hani bulu bidi, te aga dologode naga bidaibao.
Te nogo a naga olama me badu nogo si wali te ensel bidi me deli agai te ona tiwai nai elali, tama tebadi, dagalude ensel mobo bidi meba augwaligo i bomonama weyu te po wali, “Dago Genuai Bidi God dali, te Godigo sa muani te we bidi tau somainogo tagala palali bidi Krais dali, augwali sigo te tigidali tǫde we bidi tonalubo bomo megi selama tama elalubao. Tama aga sesemane sogo te tuni bidi bidada peyu, bidada paibao,” te po wai.