Godigo Nogi Ugwaba Sabo Tęąbi Po Wabo Buku Dabe 101:5 - Godigo dwagi yai po buku

⁵ Te eno te gasa bidi dabeba posobo po wabo bidi dolaibao. Tama eno te hagoma ebo bidi dabe bidimainu me sula tagalogobeo.

Godigo Nogi Ugwaba Sabo Tęąbi Po Wabo Buku Dabe 101:5 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 138:6

Genuai Bidi, nage te ugwadu mu bidiyu, tama nage polalubao, tiali goli, nago te hagoma homu isiąbo we bidi dabeba homu kone ebao. Tama te hagoma ebo bidi dabe me te nagede geme me duala sogobeo.

Godigo Nogi Ugwaba Sabo Tęąbi Po Wabo Buku Dabe 15:3

Agai gasa bidigo nogi doliyu, wialubo po wasiąbo bidi, tama abagi dabe augwali dali dwai sę isąma, tama agai te sabilibo po gasa bidi dabe dali me wasiąwai bidi dao.

Godigo Nogi Ugwaba Sabo Tęąbi Po Wabo Buku Dabe 18:27

Nago te augwa digi te haliga aiyaba elalubo we bidi dabe augwali te ma sabo da. Tiali goli, nago te augwa digi augwa nogi ugwaba sabo we bidi te aiyaba elaluaibao.

Godigo Nogi Ugwaba Sabo Tęąbi Po Wabo Buku Dabe 50:20

Tama dagego te duga ama dabe po tų ilibo sę eyu, tama dagego augwaliba te posobo weyu ebo dao.

Ma Dobola Sali 20:16

“Nago tibo po olama, tama gasa we bidi olo po tų ela magio.”

Ma Dobola Sali 23:1

Tama Mosesgo Genuai Bidigo po pusuyu, te tiwai po wai, “Tama dagego te magi nai po me deli pedelali te po odoyu, tama te mu po meni homu eyu da, teda dagego te sę yali po subigila ola biligio. Tama bidigo te dwai kolesaga ebaso da, teda dagego aga tau siyu, te po tų ebode tibo po wagio.

Bugagia Bidibo Kolesagade Po Asęai Buku 10:18

Te bidigo dwai haliga te gasa bidiba elama, tama te haliga dwai te geme dualainu ebaso da, teda agai te tibo po sesemane obao. Me ma, te bidigo te gasa bidiba geme posobo po obaso da, teda aga te kolesaga umuna sai bidi mu tiwai ebao.

Bugagia Bidibo Kolesagade Po Asęai Buku 20:19

Nage te po subigila ola bilibo bidi dali kisasa me bilamuo. Te tobage bidi te posobo po wabo bidi da, tama nago po geme dualama agaba obaso da, agai te po te gasa bidiba pusaibao.

Bugagia Bidibo Kolesagade Po Asęai Buku 21:4

Te dwai kolesaga ebo bidi dabego te sę me edu, tama sesemane hagoma yaibao. Tama tiyu, te augwa bidibo ula doliyu, te dwai sęgo pągąnalubo dao.

Bugagia Bidibo Kolesagade Po Asęai Buku 25:23

Te posobo po wabogo te bidigo gesabidi tuluga siyu yaibao, te waligo te tulubage sela asobo tiwai ebo dao.

Bugagia Bidibo Kolesagade Po Asęai Buku 30:13

Te meba bidi dabego homugo augwali te wiegi yai mu da homu elama, tama gasa bidi dabe te olo bage te olo tiwai da homu ebo dao.

Aisaia 2:11

Te Genuai Bidi sabalobo sogode da, agai te dene mabo kolesaga elama, augwa nogi ugwa sabo bidi dabe aiyaba elaluaibao. Tama augwali hale mu yaibao. Tama te sogo Genuai Bidi deli naga genuai nogi saibao.

Esekiel 22:9

Dage bidi mebago tibo po gasa bidi dabeba kisilama weyu, te po tųde augwali isimaina po omainu tebao. Te meba te tibo god dabeba lotu wabo pesageba pelama, te ofa ebo kibu mi dabe tubo da. Te mebago te lotu wabo pesagede penani sę ebo dao.

Daniel 4:37

Megi da, ena Nebukatnesar, eno wiegi yai homu pemene te dagalude kingba eyu, tama eno aga nogi ugwaba siyu, tama agaba genuai nogi mawai. Tigidali sę agai ebo te wiegi yai pedelama, tama doloba pai naga yali, tama agai te bidi dabego augwa nogi augwa digi ugwaba sainu ebo bidi dabe te aiyaba elalubo dao,” king Nebukatnesargo te po wali.

Pris Sę Ebo Bomai Po 19:16

Duga abagi dabeba kisa sigi pelama biliyu, te gasa bidiba posobo po wagio. Te augwaligo bidi me deligo te genuai sęgę sai madi po tų ilibaso, te dagego aga po tųde tau sabo homu eyu da, teda dagego tau sao. Tiyu, dage pedauwali panialubaso, te po tųgo aga ela muao po wabuo. Eno homugo dagego tama tiwai yao, magi baso meni, ena duga Genuai Bidi dao,” wai dao.

Dwagi Yai Gesi Po Lukgo Asęani 18:14

Eno dagebolo obao, e bidi aga beba ma peyu, Godigo aga yali dwai sę sela sąwai bidi dao. U Farisi hani bidi te tiwai menio. Mena bidigo te aga nogi me ugwaba sobaso, Godigo te bidi aiyaba elaluaibao. Ma, mena bidi imilasa bidibaso, teda Godigo te bidigo nogi ugwaba saibao,” Jisasgo te po wali.

1 Korin 5:11

Tiali goli eno asęani po page te e tiwai dao: te bidi me deligo aga dage dali ama da wabo bidigo te we sabo kolesaga dolobo me, agai te gasa bidigo naide pesa eyu, me agai tibo godibolo lotu po weyu, me agai posobo po obaso me, ma agai bomai wę tubaso, ma agai te gasa bidigo nai anoma elama te tigidali kolesaga ebaso da, teda dagego aga dali kisasa biligio, aga dali abagi me wagio. Menio. Dagego te tiwai sę ebo bidi dali te nai me munu me tulamo dao.

2 Timoti 3:11

Tama te bidi dabe augwaligo we dabe, te we dabe te wiegi yai kolesaga ebo we bidao. Augwali te posobo po wabo we dabe bidamuo. Te augwaligo augwa homu bugagia dodolama tama bidao. Sesemane sogo te augwaligo wiegi yai dolo kolesaga naga yao.

Taitus 2:3

Te mosi dabe yai we augwalibolo me te po wao, augwaligo te dwai sę isiąbo wego ebo kolesaga dolo wali pao. Tama tiyu augwaligo te we bidi nogi posobo po wagio, augwali bomai ąį tubo sę te dologode bidigio, te po wao. Tama augwaligo te gesi we dabe sibibolo dwagi yai kolesaga ola mao.

1 Samuel 2:3

“Da we bidigo bugagia koneao, Genuai Bidi aga God te dago ebo sę tigidali koneama, tama agai dago ebo kolesaga dagalubao. Tama tibaso, dage we bidigo duga digi duga nogi ugaba siyu, te po dagą wabo, dage pedauwali pania selama, tama te tobage po wabo tagaliąo.