Godigo Nogi Ugwaba Sabo Tęąbi Po Wabo Buku Dabe 1:1 - Godigo dwagi yai po buku

¹ Niwai bidi agai te dwai bidigo po wali pisiąbo bidi, tama dwai sęgę sai bidigo tųde bilibo menio, tama God dali posobo po wabo bidi dali taluama, dulaluyu bidibo menio, tama tiyu, te bidi aga dwagi yai homu mu eyu bidaibao.

Godigo Nogi Ugwaba Sabo Tęąbi Po Wabo Buku Dabe 1:1 Iomraidhean Croise

Tigidali Nai Gagalama Nigali Side 49:6

Eno te augwali sigo geme ebo sęde te eno usu da po me wagobe. Ena te augwali si sisinama bidibo pesagede me bidigobeo, magi baso meni, te augwali sigo te wado ebo sogo te bidi dabe ela muyu yali. Tama hagoma eyu, augwali sigo te dodolama bilibo kolesagago te bulmakau sągą babi kigibili tologobo da.

Tigidali Nai Gagalama Nigali Side 5:24

Aga te God dali sesemane sogo deli homu eyu bidali, tama Godigo aga selama, tama bidi dabego aga ma subeo.

Te Israel me Juda Hani Sigo Tuni Bidigo Po Elalubo Buku Deli 16:31

Agai te sęgę sali te king Jeroboamgo sali sęgę tiwai agai me sai, tiali goli agai homugo te da olo bage da homu yali. Tama teyu, agai te we Jesebel sai, te Saidon hanude bidali king bidi Etbalgo wegi sali. Tama agai te tibo god Balba lotu po wabo gagalali, te Saidon hanigo tibo god.

Tuni Bidi Dabego Po Elalubo Buku Si 22:3

Ahasia aga idago aga kolesaga ola maduali. Tama tialima Ahasiago te Ahapgo hanigo dwai kolesaga wali pali.

Jopgo Po Asęani Elalubo Buku 10:3

“Mena tama tiali? Nago homugo naga digi nigai bidi dolobo usu dawe? Te dwagi yai kolesaga dawe? Ma, te kolesaga nago bidi dwai dabe homu dwagi yai ilibo, te dwagi yai kolesaga dawe?

Jopgo Po Asęani Elalubo Buku 21:16

Te bidi dabe augwali bugagia bidiyu, nai dabe hauwa mu sabo dao. Tiali goli, te nai dabe augwa bomogo naga te nai sabo menio. Tama tibaso, eno te dwai bidi dabeba olo munama, augwaligo po wali, me kolesaga wali pogobeo,” Jopgo te po wali.

Jopgo Po Asęani Elalubo Buku 31:5

“Eno dwai tibo sę dabe elama, tama eno te we bidi dabe ili po me ola mayu yai meni.

Godigo Nogi Ugwaba Sabo Tęąbi Po Wabo Buku Dabe 1:6

Magi baso meni, Godigo te doloba pai bidi dabe bugagia tonalubo dao, tialima dwai kolesaga ebo bidi dabe, augwali dwai dene ebo bulude bidada peyu, bidada pabo elalubo.

Godigo Nogi Ugwaba Sabo Tęąbi Po Wabo Buku Dabe 106:3

Te agai po wali peyu, te doloba pai kolesaga ebo bidi dabe augwa te pemene yao.

Godigo Nogi Ugwaba Sabo Tęąbi Po Wabo Buku Dabe 112:1

Genuai Bidigo nogi ugwaba sao. Genuai Bidi dali wi eyu, agai bomo yai po wali pabo bidi, agai dwagi yai homu yaibao.

Godigo Nogi Ugwaba Sabo Tęąbi Po Wabo Buku Dabe 119:115

Dage dwai sęgę sabo we bidigo ena tagalao. Eno ena Godigo bomai po wali painogo homu ebo dao.

Godigo Nogi Ugwaba Sabo Tęąbi Po Wabo Buku Dabe 144:15

Te tiwai wiegi yai nai sabo we bidi hani, augwa te wiegi yai pemene yao. Awe, te we bidi dabego te Genuai Bidi augwa God da homu elama bidibo we bidi dabe, augwali me te wiegi yai pemene yao.

Godigo Nogi Ugwaba Sabo Tęąbi Po Wabo Buku Dabe 146:5

Te bidi me deligo te Jekopgo Godiba homu kęą pelama, te agai aga tau siyu, te God dali kęą pelama, te aga Genuai Bidi da homu eyu da, teda aga pemene emainao.

Godigo Nogi Ugwaba Sabo Tęąbi Po Wabo Buku Dabe 146:9

Agai te dago tǫde bidibo te gasa bulu bidi dabe tau sabo dao. Tama agai te wilawe we dabe tau siyu, tama te tiana wai puluba me tau sabo dao. Tiali goli, agai te dwai sę ebo bidi dabego yainogo ebo sę dabe te augwali homu kone tųą palobo dao.

Godigo Nogi Ugwaba Sabo Tęąbi Po Wabo Buku Dabe 2:12

Dage aga dologoba mu pelama, tama kidu sugunao. Meni baso da, teda agai haliga sębę polo elama, te dage isaibao. Bidigo konealubo homu Godiba dąų weyu, tama agaba mu kęa pelama ebo bidi, te aga wiegi yai homu pemene eyu bidaibao.

Godigo Nogi Ugwaba Sabo Tęąbi Po Wabo Buku Dabe 26:12

Ena bomonama dolalubao. Te magi nai me deligo ena dolomainu me egobeo. Te eno Genuai Bidi nago nogi te we bidi sisinama lotu wabo tomode te eno nago nogi ugwaba saibao.

Godigo Nogi Ugwaba Sabo Tęąbi Po Wabo Buku Dabe 34:8

Genuai Bidigo wiegi yai kolesaga dabolo ebo dao. Duga digi te usu bugagia selama, suiąo, tama te dagego koneyu, te Genuai Bidi wiegi yai mu da waibao. Te Genuai Bidiba konealubo homu dąų mu wabo bidigo da, aga te bugai haliga mu elama bidaibao.

Godigo Nogi Ugwaba Sabo Tęąbi Po Wabo Buku Dabe 36:4

Aga te betide pila mudu, tama te dwai sę yabo kolesaga te homu kone paludaibao. Agai te dwai sę ebo sunumi naga wali pidu, tama te dwai sę ebo kolesaga tudiba me mugobeo.

Godigo Nogi Ugwaba Sabo Tęąbi Po Wabo Buku Dabe 64:2

Te dwai sę ebo bidi dabego te ena ela muabo sunumi gegebao, tama augwali sisinama, te elainu ebao. Tama te nago ena seselalubaso da, teda augwaligo enaba te dwai sę me egobeo.

Godigo Nogi Ugwaba Sabo Tęąbi Po Wabo Buku Dabe 81:12

Tama tibaso, eno te augwa hagoma ebo kolesagade wali bilimainu sula tagalali, tama augwa te mena augwa homugo ela palio.

Godigo Nogi Ugwaba Sabo Tęąbi Po Wabo Buku Dabe 84:12

Godigo Te Tigidali Bomo Elalubao, te nageba konealubo homu dąų wabo we bidi dabe, augwa te wiegi yai pemene sesemane emainu yagameo!

Bugagia Bidibo Kolesagade Po Asęai Buku 1:15

Ogwa, te dwai bidi dabego te tobage po nageba obaso da, teda nago te augwaligo me odolama, te augwali wali me pelamuo.

Bugagia Bidibo Kolesagade Po Asęai Buku 1:22

“Dage te homu kolesaga meni yani hani, dage te tiwai sesemane bidabo homu eba, agawe? Dage te wabo pabo bidi dabe tiwai ebao. Dagego te wiegi yai kolesaga sabo homu wei me isiąma, tama dagego tede posobo po wabo dao. Mena sogo dagego te kolesaga ebo tagalaibawe?

Bugagia Bidibo Kolesagade Po Asęai Buku 13:15

Te bidigo homu wiegi yai elalubaso da, teda te bidi dabe aga wei homu yaibao. Tiali goli, te tibo po wabo bidigo te dąų walali po bolama, aga te dwai sunumidu bilibo dao.

Bugagia Bidibo Kolesagade Po Asęai Buku 13:20

Te bidi te wiegi yai homu kolesaga elalubo bidi dali bilali da, teda agai me te wiegi yai homu kolesaga saibao. Tiali goli, te bidi te wiegi yai homu meni ebo bidi dabe dali kisasa bilibaso da, teda te sęgęgo aga gegaibao.

Bugagia Bidibo Kolesagade Po Asęai Buku 19:29

Te po dwai weyu, posobo po wabo bidi dabe te dwai dene mu saibao. Tama te bidi dabego te dobo kolesaga wali pabo sę ebo bidi dabe te keloago elaibao.

Bugagia Bidibo Kolesagade Po Asęai Buku 2:12

Tama nago te dwai kolesaga ebo bidi dabe, me te po dolo wasiąbo bidi dabego kolesaga wali me pogobeo.

Bugagia Bidibo Kolesagade Po Asęai Buku 3:34

Te bidi dabego te posobo po gasa bidiba obaso da, teda Godigo te tobage tiwai kolesaga te augwaliba wei ponaibao. Tiali goli, agai te augwa digi augwa aiyaba elalubo bidi dabeba te wiegi yai sę bugagia ebo dao.

Bugagia Bidibo Kolesagade Po Asęai Buku 9:12

Te nago wiegi yai homu kolesaga sobaso da, teda naga digi te naga wiegi yai bugagia ilibao. Tiali goli, nage te hagoma ebo bidi da, teda naga digi naga ma te dolobo dao.

Jeremaia 15:17

Ena te bugai haliga eyu, gisugu wabo bidi dabe dali munu me bidibeo. Tama eno augwali dali wiegi yai pemene munu me ebeo. Menio. Enaduba naga bididuali, magi baso meni, eno koneani, te nago bomo enade elalu, te nago haliga sębę enade pągąnalubo dao.

Jeremaia 17:7

“Tiali goli, bidigo konealubo bomai po Genuai Bidi, enaba elama, tama eno naga aga tau sabo te homu konebaso da, teda eno te bidiba wiegi yai sę bugagia mu yaibao.

Esekiel 20:18

Tialima, eno te augwa hani wai dabeba te tama po walali, ‘Dagego te duga aya dabego yali dwai kolesaga wali peyu, tama dagego te augwaligo tibo god dabeba lotu weyu, te duga digi eno gedude meda pedalubo sę elamu dao.

Matyu 16:17

Jisasgo po wei ponoyu, agabolo te po wai, “Saimon, Jongo ogwa, God agai nage dali wiegi yai sę mu yai dao, tama nage wiegi yai homu pemene yao. E tǫde bidi me deligo te po nagebolo me ola mabeo. Menio. Eno Aya dagalude bidibo bidi agai te po nagebolo ola mani dao.

Dwagi Yai Gesi Po Lukgo Asęani 11:28

Tiali goli, Jisasgo wei ponoyu, te po wali, “Te mu dao. Tiali goli, Godigo po odama, wali pabo we bidi augwali dwagi yai homu mu ebadi bogo dao,” wali.

Dwagi Yai Gesi Po Lukgo Asęani 23:51

Aga dwagi yai doloba pai bidi bidai. Agai te Godigo we bidi tonalubo sogo asobo tonaluyu bidali. Tama aga te Juda dabego kaunsil digi, agai te meba kaunsil dabego Jisas elabo homude ao wabeo.

Dwagi Yai Gesi Po Jongo Asęani 13:17

Dagego te po page koneyu da, te sę yao. Tama te sę eyu da, teda dage dwagi yai homu yagameo,” Jisasgo te po wai.

Dwagi Yai Gesi Po Jongo Asęani 20:29

Tama Jisasgo Tomas aga dali te po wai, “Nago ena subaso naga, tama nago homu enaba mubawe? Niwai bidi augwaligo ena susiąma, augwaligo homu enabolo mubo we bidi, te augwali dwagi yai homu mu yaibao,” Jisasgo Tomas dali te po wai.

Polgo Po Pas Rom Dabeba Asęani 5:2

Aga me agaduba deligo da megi te bidibo te wiegi yai olo tau mabo kolesaga tomoba pomainogo tų dalalio. Dago agade konealubo po dąų weyu, tama agai te tų tama dalama, tama Godigo dabolo aga genuai nogi tiwai genuai nogi me maiabo sogo asobo dago tonalubao. Tama te asobo sogo tonalubadi dago wiegi yai homu pemene ebo dao.

Efesus 6:13

Tama tibaso, Godigo dagebolo mabo tigi duala sabo nai megi duga tigide muao. Tama tiyu, te augwaligo dage dali dwai sę ebo sogo pedalobo si, te dage bomo elama augwali dali hwįdu gelama, tama aiyaba elaluama, tama dage bomo yai bidi mu me dolaluaibao, wi pogobeo.

Bomai Po 14:6

Augwaligo nogo sągą tomode si peda pelama, tama augwali kau kibugo yali gilama augwali nosai tubo dao.

Bomai Po 33:29

Te Israel dabe, dage wiegi yai homu pemene mu yao. Genuai Bidigo dage tau selama, ma oda sali tiwai, agai gasa we bidi hani me tau sai menio. Genuai Bidi aga digi te dagego awa tiwai elama, me dagego moni ge hwą tiwai dao. Agai dage obo ela selama, tama dagego wąbi hwįbode dagego gasa bidi dabe elalumainu ilibo dao. Dagego boi bidi dabe dageba aselama, tama dagego augwali hobede emainogo dageba gela wagasaibao. Tiali goli, dagego augwali agalama, tama augwali aiyaba elaluaibao,” Mosesgo te po wai.

1 Pita 4:3

Tama polobadu te dagego te tǫde bidibo we bidigo ebo dwai dwai sę hauwa sogo yai dao. Tama tiyu, dagego te penani ebo sę te we bidi gabidide hania idu geai dao. Tama dagego te dwai meda yai penani yabo homu eyu, tama te bomai ąį tulama te polobo bidi tiwai idu geai dao. Tama tiyu, te moni nai hauwa mu nogelama, te nai daa mu te ma tuyu, ma tuyu ela pedubadi, tama dagego te bomai ąį subigila tuyu, te polobo bidi tiwai pedaluyu, tama dwai sę eyu bidai dao. Tama dagego te tibo god augwalibolo lotu po weyu tama augwaligo dage tau somainogo te dagego te dwai dwai penani ebo sę te polobadu idu geai dao.

Kraisgo Geme Dualali Sę Pedelabo Po Jonbolo Ola Mani 22:14

Te we bidi augwaligo augwa ugwa we telabo bage, te we bidi augwaligo wiegi yai homu yao. Augwaligo te bidabo ula sabo nide te du sabo usu yaibao. Tama augwali te hanu tomoba pabo tųdu pabo usu yaibao.