Nehemia 9:5 - Godigo dwagi yai po buku

⁵ Tama nosali te Livai mebago te we bidi dabeba po weyu, te augwaligo Godiba lotu ma waiąo po wai. Te Livai dabego nogi e tiwai, Jesua, Katmiel, me Bani, me Hasapnea, me Serebia, Hodia, Sebania, me Petahia. Augwaligo te tama po wali, “Dage dolugulama, te dena Genuai Bidi God nogi ugwaba siąo Sesemane bidada pabo sogo sesemane dago te aga nogi ugwaba sao,” wai dao. Tama augwa te gedu haluasa po wali, “Genuai Bidi, dago te nago genuai nogi ugwaba sainu ebao. Tiali goli, dago te wiegi yai pemene ebo homu te olo nai tiwai ebao. Nago nogi te genuai mu da, tama tiyu dago konebao, dago pemene ebo te nago gedude usu meni ebao.

Nehemia 9:5 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 8:14

King Solomongo gedu haluasa po olama da, teda aga begegi solama, tama te we bidi dabeba tonagasu, tama Godiba hanalu, te augwali bugagia wiegi yai ilao po wali.

Te Israel me Juda Hani Sigo Tuni Bidigo Po Elalubo Buku Deli 8:15

Tialima, agai te tama po wali, “Te Godigo nogi ugwaba sao,” wali, “te Israel dabe dago Genuai Bidi dao. Magi baso meni. Aga digi agai te eno aya Devit dali dąų wali po te bugagia wali pali. Devitgo homugo te we bidi God pąba sisinagasabo be me deli sę emainu homu yai, te dago Genuai Bidi, te agaba lotu po omainu yali. Tiali goli, Genuai Bidigo agabolo te tama po wai, ‘Te eno ena we bidi te Isipde gagalasa sela asali, te megi sogoba usu nagasu, eno te Israel dabe augwaligo enaba lotu omainu ebo be sę yabo te hani me deligo hanu me deli te eno sa me musiąwai dao. Tiali goli, Devit, eno nage sa muani, te eno we bidi nago tonalumainu yali. Nago te eno genuai be me deli sę yabo homu ebo, tama nago te ebo homu te wiegi yai homu dao.

Te Israel me Juda Hani Sigo Tuni Bidigo Po Elalubo Buku Deli 8:22

Tama te tigidali Israel we bidi gedude Solomon pelama, te Genuai Bidigo alta pąba doligi pelama, tama agai nogo si ugwaba selama,

Te Israel me Juda Hani Sigo Tuni Bidigo Po Elalubo Buku Deli 8:27

“Tiali goli, God, te mu tama nage te tǫba bidagasainu homu ebo da, agawe? Dagalu te genuai pesage mu tama da, tiali goli te nage bidabo pesage te genuai me elalube. Tama magi baso te eno nago be sę yani te be te nago usu da waibawe? Te be usu egobeo.

Tuni Bidi Dabego Po Elalubo Buku Deli 16:36

Dago God nogi ugwaba sinao, Israelgo Genuai Bidi da, megi me tigidali sogo nosali, me bidada peyu bidada paiba.” Te Asapgo hani augwaligo te tęąbi po ola silama da, teda te we bidi augwaligo te po wali, “Mu dao, te sę mu pedalumainao. Te Genuai Bidigo nogi ugwanu sao,” wali.

Tuni Bidi Dabego Po Elalubo Buku Deli 29:11

“Nago tigidali bomo kolesaga mu elalubao. Nago nogi genuai elalu, te nage ugwadu mu bidibao. Nage mu polalubao. Magi baso meni, tigidali dagalude me tǫde elalubo nai tigidali te nago nigai nai naga elalubao. Tama nage te tigidali naigo tuni bidi king bidibao.

Tuni Bidi Dabego Po Elalubo Buku Deli 29:13

“Dago God da, megi dago nageba buba hwi obao, te nago genuai nogi ugwaba sobao.

Tuni Bidi Dabego Po Elalubo Buku Deli 29:20

Tialima Devitgo te we bidi augwaliba te tiwai po walio, “Godigo nogi ugwaba sao, dago Genuai Bidi dao.” Te we bidi augwaligo odama, te augwa kidu sugunama, te gesabidi tǫba pǫgulali, te genuai nogi Devitba me Godiba mayu tialio, te augwaligo Genuai Bidi me augwa wąį nǫų dabego Genuai Bidi me dao.

Tuni Bidi Dabego Po Elalubo Buku Si 20:13

Te Juda bulu bidi dabe me we wai dabe augwali Genuai Bidigo gedude doligiluali, te Genuai Bidigo tempel be pąde.

Tuni Bidi Dabego Po Elalubo Buku Si 20:19

Tialima te Kohat hanigo Livai dabe me Kora hanigo Livai dabe augwali doligiluama bomonama hai olama, tama Genuai Bidi te Israel dabego God nogi ugwaba sali.

Esra 3:11

Augwa te Genuai Bidiba wiegi yai homu pemene ebo balia po wai, tama wali balia pogo ma weyu yali, te tiwai wali, “Genuai Bidigo te wiegi yai kolesaga sesemane sogo edu, tama sesemane sogo agai te Israel dabe godolo homu ebo dao,” wai. Augwa te balia po ola silibo si da, teda nosali te tigidali we bidigo i bomonama weyu, tama Genuai Bidigo nogi ugwaba sai, magi baso meni, te sę bidi dabego te Godigo be daga pagede mubo masigi te sogo te pageba muanio.

Nehemia 9:4

Te Livai meba te po pusubo pesageba dolugulama, tama augwa Genuai Bidi Godiba i bomo elama weyu, tama augwa agaba gedu haluasa po wai. Te Livai dabego nogi te tiwai, Jesua, me Bani, me Katmiel, me Sebania, me Buni, me Serebia, tama gasa Bani, me Kenani dao.

Nehemia 9:6

Nagaduba deli naga nage Genuai Bidi da. Nago te dagalu me, hǫ dabe me, tǫ me, tamu ąį, te tigidali elalubo nai augwali nigai. Tama nago te tigidali naiba te bidabo ula mabo dao. Tama te tigidali dagalude bidibo ensel mobo bidi dabego nageba kidu sugunama, lotu po wabo dao.

Jopgo Po Asęani Elalubo Buku 1:21

Tama Jopgo te po wali, “Ena idago ame nani sogo, eno magi nai me sela asai menio. Tama ena isibo sogo, te tiwaidu naga paibao. Genuai Bidi aga digi ena te nai dabe mawai dao. Tama aga digi te nai dabe ma te sela sąna silali dao. Tama tibaso, eno agai nogi ugwaba mu sobao,” wali.

Godigo Nogi Ugwaba Sabo Tęąbi Po Wabo Buku Dabe 106:2

Dego te agai genuai sę dabe yali po pusaibawe? Tama dego agai te wiegi yai kolesaga yalide te agai nogi ugwaba saibawe?

Godigo Nogi Ugwaba Sabo Tęąbi Po Wabo Buku Dabe 134:1

Dage Genuai Bidigo sę bidi tigidali, te agai tedali wiegi yai tempel bede te hulide sę ebo da, dagego agai nogi ugwaba siąo.

Godigo Nogi Ugwaba Sabo Tęąbi Po Wabo Buku Dabe 145:2

Tigidali sogo eno nagebolo usu da po waibao. Tama sesemane sogo bidada peyu, eno nago nogi ugwaba saibao.

Godigo Nogi Ugwaba Sabo Tęąbi Po Wabo Buku Dabe 145:5

Te bidi dabe augwaligo nago bomo elalubo po weyu, tama nage genuai tuni bidi mu da waibao. Tama eno digi te eno nago dwagi dwagi yai sę ebo da homu ebo dao.

Godigo Nogi Ugwaba Sabo Tęąbi Po Wabo Buku Dabe 146:2

Te ena tǫde bidibo tigidali sogo, te eno aga nogi ugwaba saibao. Te eno ena Godigo nogi ugwaba sabo balia po odubadi, te ena isiboba usu nigi paibao.

Godigo Nogi Ugwaba Sabo Tęąbi Po Wabo Buku Dabe 16:2

Eno Genuai Bidi Godibolo te po wai, “Nage eno genuai bidi dao. Tigidali dwagi yai nai eno tolalubo, te nai nago naga mabo nai dao,” wali.

Godigo Nogi Ugwaba Sabo Tęąbi Po Wabo Buku Dabe 66:2

Te balia po weyu, te agai genuai nogide po pusao. Te agai genuai nogi te ugwaba mu sao.

Godigo Nogi Ugwaba Sabo Tęąbi Po Wabo Buku Dabe 99:3

Tigidali we bidigo aga te polalubo king te genuai nogi elalubo homu koneaibao. Tama augwa aga genuai nogi ugwaba somainu yaibao. Aga te tedali wiegi yai mu dao.

Ma Dobola Sali 15:11

“Genuai Bidi Yawe, mena gasa god bidibo te nago bomo tiwai dawe? Me deli menio. Nage te polalubo tuni bidi te nage ugwadu tama tigidali wiegi yai tedali mu dao. Tama niwai bidi te nage dali usu tiwai dawe? Me menio. Nago te bidigo isąwai bomai sę eyu, tama genuai sę ebaso, te we bidi augwali nagede wi mu ebo dao.

Ma Dobola Sali 15:6

“Genuai Bidi, nago dolo nogogo bomo genuai elalubao, tama agai te boi bidi ągąlama, tama augwali mu mia sąwai.

Daniel 2:20

tama te tiwai po wai, “God, eno nago nogi sesemane sogo ugwaba saibao. Tigidali bomo me koneani kolesaga te nagede naga elalubao.

Matyu 11:25

Tama te sogo Jisasgo Godibolo te po wai, “Ayao, nage te dagalu dali tǫ dali nigila tonalubo Genuai Bidi dao. Eno nage dali deli homu eyu, nagebolo usu da po obao. Tǫde homu kolesaga koneai bidi dabe augwaligo koneidali weyu tama nago te eno tamadi pusali po page nago geme dualai dao. Tiali goli te tǫde elalubo homu kolesaga konesiąwai we bidi augwalibolo nago te po page ola mawai dao.

2 Korin 4:6

Magi baso meni, e tiwai dao. Polobadu mu Godigo te po wai, “Te be hulia sai madi ula pedalomainao,” wai. Tama te po wali God aga ula digi da dali bidibao, tama da homu ula mu ilibo. Te ula e dao: dago te Godigo bomo yai ula te Krais gesabidide elalubo koneai dao.

Bomai Po 28:58

“Te dagego Godigo tigidali po e bukude elalubo te po dabe sese bugagia wali pelama, tama dagego Genuai Bidi dago Godigo nogi bugagia ugwaba sela musiąwani da, te tama tiaibao.

1 Pita 1:3

Te dago dena Genuai Bidi Jisas Kraisgo Aya God aga nogi dago ugwaba sinao. Agai da moni homu dene mu eyu, tama da tau somainogo, agai Jisas Krais te isai bidi dabe bidibo digi tomodu ma hodolali. Tebogo dabolo te gesi noma ula mawai. Tama menama, da dwagi yai homu eyu, bugagia tonaluyu bidalubao.

Te Israel Tobolu Bidi Dabe 13:18

Tama enselgo te po wali, “Magi baso te dagego eno nogi koneainogowe? Te eno nogide te we bidi homu hauwa eyu, noma siyu ilaibao,” wali.