Nehemia 9:37 - Godigo dwagi yai po buku

³⁷ Dago te dwai sęgę sabo sę yalio, tama tibaso nago te gasa bulu tǫ pedai kingo da tonalumainu yai. Tama augwaligo te dago tǫde pedalubo nai tigidali siyu ebo dao. Te kingo te po obaso da, teda dago dali te dago tonalubo nai kibu dabego me te agai homu wali naga pabo dao. Tama tiyu, dago sęgę genuai mu elalubo dao,” augwaligo te po wali.

Nehemia 9:37 Iomraidhean Croise

Esra 4:13

Tama tialima, king, odao. Te augwaligo te taun dali te obo dali ma nigibaso da, teda te Juda dabego nageba te haniani takis mone me magobeo, tama tiyu nago te bulu tǫ pedai kantri tonalu tau sabo mone sǫą paibao.

Esra 6:8

Tama tialima, eno megi po bomo elama, dagebolo obao. Dagego augwali te be sę ebo sę tau siąo. Dagego te sę ebo bidi dabe maiabo mone dodoliyu, tama augwali te sę yabo nai dabe abelainu ebaso da, teda dagego mone augwalibolo polo mayu yao. Dagego te mone te duga te wę Yufretis u badu provins dabede bidibo bulu bidi hanigo te mubo takis mone selama, tama te sę yao. Dagego te tama tiyu da, tama te sę me tulalugobeo.

Esra 7:24

Tama odao, dagego te pris bidi dabede me, te Livai bidi dabede me, te musik wabo bidi dabede me, te tempel be sunumide tonalubo bidi me, te sę ebo bidi dabe, te augwali te tama bidi dabede te dagego haniani takis mone me selamu dao, tama te Godigo bede te sę ebo gasa bidi dabede me te takis sigio,’ eno te po wali.”

Nehemia 5:8

Augwali sisinagasai madi, te eno augwaliba te tiwai po wali, “Dago te dena abagi dabe te Israel hani isąwai bidi dabego abelama, te olo sę ebo bidi bidibaso, te dena ma sainu te mone sisinibo sę dene mu ebo da. Tiali goli, megi dagego te duga abagi dabeba dwai sę iliyu, tama augwaligo te dugago digi te olo sę ebo bidi bidibo tiwai emainu ilali.” Eno te tama po obaso, te polalubo bidi dabe te pedauwali pania selama, te augwaligo po wei ponabo usu meni yai dao.

Te We Bidi Dabego Jerusalem Hagede Gela Wali 5:5

Te boi bidi dabe augwaligo da selebo genuai mu ebao, bidigo aga sę yabo donki ma kamel selebo tiwai ebao. Tama da tigi hagela dwai mu ebao. Tiali goli, augwaligo da toma tumainu sula me tagalobeo.

Pris Sę Ebo Bomai Po 26:17

Te ena digi eno dageba boi bidi yaibao, tama eno te gasa bidi dabego dageba boi hwįagasomainogo elama, te dage aiyaba elalumainogo ilaibao. Tama te bidi dabego dage dali dwai homu mu eyu, augwaligo dage tonalubo sę yaibao. Te boi bidi dabego dage pobeasa asisąbadi goli tagalao, te duga digi odolali wi elama, te wi paibao,” wali.

Dwagi Yai Gesi Po Jongo Asęani 8:33

Tama augwaligo Jisasbolo te po wai, “Woo, da Abrahamgo hani dao. Te tebo side bidi deligo da hani olo sę ebo bidi te nigilama munu me bidai menio. Magi baso nago te po obawe, ‘Dage te nogo dąų wali kolesaga tagalama, tama dage olo mu bugagia bidaibao’ po magi baso obawe?” augwaligo Jisas dali te po wai.

Bomai Po 28:33

Te gasa kantri bidi dabe, dagego konesiąma yali bidi dabe, augwaligo dagego bomai sę elama bulai gi nai dabe sagasaibao. Tama tigidali sogo augwaligo dage dali dwai sę elama, dage dwai dene mayu yaibao.

Bomai Po 28:39

Tama me dagego wain gi bulama tonaluaibao, tiali goli te muna dabego dolaibao. Tama tiyu dagego wain du selama, te wain wę me nigigobeo.

Bomai Po 28:48

tama tibaso Genuai Bidigo boi bidi dabe tagala palama, dage dali hwįagaselama, tama dage augwalide sę yaibao. Tama dage nai sili bidaibao, tama dage wę nogonego isaibao. Tama me name ugwa dabe, me ugwa meba dabe, me gasa meba nai dabe habuge yaibao. Tama te boi bidi dabego dage agalama, dage sese dola siliboba usu naibao.

Bomai Po 28:51

Tama augwaligo dagego kau kibu dabe, me sipsip kibu dabe, me gide nai dabe, me tigidali wit dabe, me wain, me oliv ni du wel me, augwaligo sese tula silaibao. Tama dage sese tama nasi dwai mu elama, tama dage isaibao.