Nehemia 9:20 - Godigo dwagi yai po buku

²⁰ Nago te naga wiegi yai Mobo Noma Bidi te augwaliba mayu, te augwali ola momainogo yai. Tama nago te tubo nai mana me wę augwali menama, te augwali te nai me wę dali tumainu yai.

Nehemia 9:20 Iomraidhean Croise

Nehemia 9:30

Te kibu be hauwa nago dua dua tau sabo sę augwaliba eyu, tama augwali homu begeliąo wai. Te nago Mobo Bidigo te po te profet dabeba mawai, tiali goli te wąį nǫų dabego te po odisąwai. Tama tibaso, nago augwali te gasa bulu tǫ pedai bidi dabego nogoba mawai dao.

Godigo Nogi Ugwaba Sabo Tęąbi Po Wabo Buku Dabe 105:41

Agai ąį masigide pedela wai. Tama genuai ąį te masigide pedelama, tama te ąį masigi kemi wa pai digi te ąį pai, te genuai ąį bulude asobo tiwai yai.

Godigo Nogi Ugwaba Sabo Tęąbi Po Wabo Buku Dabe 143:10

Nage eno God da, eno homugo te nago ena bugagia ola momainu homu eyu, te eno nago homu wali pabo homu ebao. Eno homugo te nago homu mobo bidigo ena bugagia wiegi yai ilimainu homu elama, tama ena te wiegi yai sunumiba pabo dodolumainu ebo dao.

Ma Dobola Sali 16:15

Tama Israel dabe augwaligo te nai suali, tama augwaligo konebeo. Tama augwaligo augwa hasibolo digi hanaluyu, te tiwai po wai, “Te magi nai dawe?” Tama Mosesgo augwalibolo te po wai, “Te bret Genuai Bidigo digi dagego tuabo nai mobao.

Ma Dobola Sali 16:35

Tama Israel dabe augwaligo te nai mana te kibu be bidi sese side 40 tuai. Tama te kibu be bidi sese si silama, tama nosali augwali te bulu tǫ Kenan teba pedelama, tama augwali te tǫde bidiyu, gi sę yai.

Ma Dobola Sali 16:4

Tama Genuai Bidigo te po Mosesbolo wai, “Eno te bret dagalude tulalubode te dagego siąo. Tama tigidali deli deli side te we bidi augwali pelama, te side tuabo te nai sigi pao. Te eno augwali te kolesagade usu selama, tama augwaligo eno po wali pogowe, te eno koneainogo tiaibao.

Ma Dobola Sali 17:3

Tiali goli, te we bidi augwali te wę nogonego mu isabo ąǫ ebaso, tama augwaligo po hauwa Moses dali wai. Augwaligo te po wali, “Magi baso nago da Isipde selama, da odasa asai dawe? Nago homugo da dali, te dago wai dabe me, te dago kibu dabe me, da wę menia selama, tama da isimainogo ebawe?”

Ma Dobola Sali 17:6

Tama ena te moni genuai masigi me deli daide ugwadu te bulu du Horep, tede ena dolaluaibao. Tama nage pąba aselama, te donogo te masigiba elama, tama wę te masigide pedelama, tama te we bidi dabego tumainao,” te po wai. (Te bulu du nogi Horep te gasa nogi me elalubao, te Sainai bulu du dao.) Tama te Israel tobolu bidi dabe augwaligo Mosesgo te tiwai sę ebadi, tama te masigide wę pedelama asobo suai.

Aisaia 48:21

Polobadu, Genuai Bidigo aga we bidi dabe te bulu tǫ wa pai pesageba odasa pali, tiali goli augwali wę nogonego me isibeo. Menio. Agai te masigide ąį pedalumainogo ilali. Agai te masigi dalama, te ąį buluba asobode te augwa tuali.

Aisaia 49:10

Te augwali nai me, wę me sǫą pogobeo, te posolai giligago me waligo te augwali tigi posolo me egobeo. Magi baso meni, te augwali olo mu tau mabo wiegi yai kolesaga ebo bidigo te augwali bugagia tonalu, te sipsip tonalubo bidigo te sipsip dabe te nosai hauwa elalubo pesageba, me wiegi yai wę elalubo madiba odasa pabo tiwai gilama ebo dao.”

Hagai 2:5

Polobadu mu dagego te Isip bulu tagalama tama dage eba asali, tama te sogo ena dage dali po bodolu siyu tama po wai, ena te dage dali tigidali sogo bidada paibao, te po wai. Tama me te eno Mobo Bidi me te tigidali sogo dage dali bidaibao wai dao, tama teyu dage tigidaligo wi egimio,’ eno te po wai,” wali.

Israel Hanigo Namba 11:17

Tama ena aiyaba dulama, nage dali po waibao. Tama eno nagebolo te mani te mobo bidigo bomo meba selama, tama eno augwalibolo mawaibao. Tama augwaligo nage tau selama, te bidi dabego sęgę augwaligo me tolomainao, tama nagaduba deligo nago te sęgę tigidali me tologobeo.

Dwagi Yai Gesi Po Jongo Asęani 4:10

Jisasgo te webolo po wei ponoyu, te po wai, “Nago te God agai te we bidibolo olo mabo nai konegi sogo da, tama ena mena bidigo nagebolo ‘Aį ena mao, ena tueio’ obao konegi sogo da, te si nago konegi sogo da, teda nago ena hanalu olama, eno nagebolo te bidabo bomo elalubo ąį mao wagi da,” Jisasgo te po wai.

Dwagi Yai Gesi Po Jongo Asęani 4:14

Tialima, bidi me deli eno mabo ąį tuyu da, tigidali sogo te bidi ąį nogone ma egobeo. Te ąį eno mawainogo ebo ąįgo da, te tama tiaibao, te ąį da bidabo bomo mabo wę ulu pedalubo ąǫ te bidi tigi tomode tiwai yaibao. Tama te ąį tigidali sogo pedaliyu, te bidi mu bidada peyu, mu bidada paibao,” Jisasgo te po wai.

Polgo Po Pas Rom Dabeba Asęani 15:30

Eno ama dede, eno homugo dagego te dago Genuai Bidi Jisas Krais homu koneama, tama te Tedali Mobo Bidigo da tomode hodolali duga hasi godolo ebo kolesaga me homu kone palao. Tama te side homu kone palama, dage homu hodolama, tama te gedu haluasa po wabo sę dene ena dali emainu eno te homu godolo ebao. Dagego te Godibolo gedu haluasa po weyu ena tau somainogo yao,

1 Korin 10:3

Tama augwali tigidaligo te Godigo Tedali Mobo Bidigo augwali mani te nai nogi mana augwaligo tuai dao.

Efesus 5:9

Tama te gide bulali nai bugagia holama, tama geninama walobo gilama tama te tiwai me te ulago agai te tigidali dwagi yai kolesaga ebo me, te doloba pai kolesaga me, te homu mu sai wiegi yai kolesaga, te tigidali hania bugagia ugwaba hanilama pedalobo dao.

Josua 5:12

Nosali te sogo te nai mana te munu ma dulubeo. Tama te Israel dabego te Kenande elalubo nai naga selama, tubo gagalalio.

2 Pita 1:21

Magi basowe? Polobadu bidi me deli aga homugo digi te Godigo po pusubo profet dabego wabo po munu me pedalobeo. Menio. Godigo Mobo Bidi aga digi te bidi dabe homu hodolobaso, tama augwaligo te Godigo augwalibolo mani po pusai dao.