Nehemia 9:15 - Godigo dwagi yai po buku

¹⁵ “Te augwali nasi ebo sogo, te nago te tubo nai dagaludu dulumainu ilama, te augwali tumainogo yali. Tama augwali te wę nogone ebo side, nago te masigide wę pedalumainu elama, te augwali tumainogo ilali. Tama nago augwaliba weyu te augwali mawaibao olama, te po dąų wali tǫ te sagameo wai.”

Nehemia 9:15 Iomraidhean Croise

Tigidali Nai Gagalama Nigali Side 14:22

Tiali goli, Abramgo te po wali, “Yawe da, te Ugwadu Mu Bidibo God da, agai te dagalu dali tǫ si nigali. Tama eno nogo me deli ugwaba siyu, tama aga gedude te dąų wabo po wai, ‘Eno te Sodom bidigo doado bage me sogobeo, te dwasianunu nai me deli sogobeo. Eno tiyu da, teda Yawe nago ena ela muao,’ eno te dąų wabo bomai po wali. Magi baso meni, nage Sodom tuni bidi nago te po weyu, ‘Ena digi eno te Abram te doado bage hauwa elalubo bidi pedalumainu ilai da,’ po waidalio.

Nehemia 9:20

Nago te naga wiegi yai Mobo Noma Bidi te augwaliba mayu, te augwali ola momainogo yai. Tama nago te tubo nai mana me wę augwali menama, te augwali te nai me wę dali tumainu yai.

Godigo Nogi Ugwaba Sabo Tęąbi Po Wabo Buku Dabe 114:8

Agai te masigigo ulu wę pedalumainu ilali, tama te bulu du masigigo te genuai soabo wę pedalubo dao.

Ma Dobola Sali 16:4

Tama Genuai Bidigo te po Mosesbolo wai, “Eno te bret dagalude tulalubode te dagego siąo. Tama tigidali deli deli side te we bidi augwali pelama, te side tuabo te nai sigi pao. Te eno augwali te kolesagade usu selama, tama augwaligo eno po wali pogowe, te eno koneainogo tiaibao.

Ma Dobola Sali 17:3

Tiali goli, te we bidi augwali te wę nogonego mu isabo ąǫ ebaso, tama augwaligo po hauwa Moses dali wai. Augwaligo te po wali, “Magi baso nago da Isipde selama, da odasa asai dawe? Nago homugo da dali, te dago wai dabe me, te dago kibu dabe me, da wę menia selama, tama da isimainogo ebawe?”

Ma Dobola Sali 17:6

Tama ena te moni genuai masigi me deli daide ugwadu te bulu du Horep, tede ena dolaluaibao. Tama nage pąba aselama, te donogo te masigiba elama, tama wę te masigide pedelama, tama te we bidi dabego tumainao,” te po wai. (Te bulu du nogi Horep te gasa nogi me elalubao, te Sainai bulu du dao.) Tama te Israel tobolu bidi dabe augwaligo Mosesgo te tiwai sę ebadi, tama te masigide wę pedelama asobo suai.

Ma Dobola Sali 6:8

Eno dage te tǫ Abraham, Aisak, Jekop, augwali dali bomo yai po dąų weyu, te tǫ mawaibao wai. Tama te tǫ eno dagebolo menama, tama te dagego tǫ mu elaluaibao. Ena da, te Genuai Bidi Yawe dao,” God agai te po wai,’ nago te po augwalibolo pusao,” wali.

Aisaia 48:21

Polobadu, Genuai Bidigo aga we bidi dabe te bulu tǫ wa pai pesageba odasa pali, tiali goli augwali wę nogonego me isibeo. Menio. Agai te masigide ąį pedalumainogo ilali. Agai te masigi dalama, te ąį buluba asobode te augwa tuali.

Jeremaia 32:23

Da hani dabego te tǫ selama, tede bidali. Tialima, te nago augwaliba mani tigidali po, me bomo yai po, te augwaligo wali me pabeo. Menio. Augwaligo nago po sela sąyu, te nago bomo yai po bolalio. Tama tibaso, nago te dene mabo sę dabe da haniba yai dao.”

Esekiel 20:15

Tialima, Israel dabe augwali te masigi tǫ wa pai bulude bidali sogo, te eno po bomo yai augwaliba weyu, eno augwali dąį ilali, te wiegi yai sawi yai tǫba augwali odasa pabo usu mu me egobeo wali. Te polalubo tǫ mu te tǫ ili hauwa mu elalu, te gasa tǫ dabe aiyaba mu elaluai dao,” te po wai.

Israel Hanigo Namba 14:30

Eno dage sese te buluba bidigi pomainu po wai goli, megi da dage sese te buluba pogobeo. Kalep de Josua si naga paibao.

Bomai Po 1:21

Te tǫ suao. God dago wąį dabego Genuai Bidigo dagebolo megi mani dao. Dage pelama, teba duagi piąo, te agai dagebolo hasia wali gilama. Dage wi elama, homu hauwa me kųą pelamo dao.’ Eno te po wai.”

Bomai Po 1:8

Te tigidali tǫ ena Genuai Bidi eno te tǫ duga wąįbolo mawaibao po dąų walai dao. Te Abraham, me Aisak, me Jekopbolo wai dao, me te augwaligo wąį nosali asobo bagebolo me. Tialima, dage megi pelama sigi piąo,’ wali,” Mosesgo te po wali.

Bomai Po 8:3

Te dage hagoma homu idali, agai dage nasi ilai dao, tama nosali agai dage te mana mawai dao, te dagego tumainogo. Te nai dagego me duga wąį dabego te tobage nai polobadu augwaligo me tuai menio. Agai te tama tiali da, te bidi dago konemainogo te yali dao, te bidi da te tubo naigo naga da bidibo ula sogobe da weyu, te yali dao. Menio. Dago Godigo po deli naga wali peyu da, teda da bidibo ula saibao.