Nehemia 7:6 - Godigo dwagi yai po buku

⁶ Te kibu be hauwa polobadu te king Nebukatnesargo te Israel we bidi hauwa selama, te Babilonba kalabus mugi pali. Tama nosali hauwa we bidi te Babilon tagalama, tama te Jerusalemba ma asali, te gasa Juda tǫ badu me asai. Tama augwali te augwa wąį nǫų dabego taun tǫba bidagasai dao.

Nehemia 7:6 Iomraidhean Croise

Te Israel me Juda Hani Sigo Tuni Bidigo Po Elalubo Buku Si 25:11

Tama te Nebusaradango agai te taun Jerusalem bulude bidali we bidi dabe dali, te gasa hani we bidi dabe dali oda sali, tama augwali te odasa pelama, te Babilon buluba kalabusiba mugi pali. Tama me te Juda hani dabe te boi hwįbo sogo te Jerusalem bulu tagalama, wi peyu, te Babilon hani dabego bidibo pesageba osogo bidigi pali we bidi dabe me, agai te augwali selama, tama agai augwali te Babilon buluba odasa pelama, augwali hadabu iligi pali.

Esra 5:8

King, dago homugo nago te tiwai konemainogo ebao, da te Juda bulu tǫ pedaiba pelama, tama te Juda dabe augwaligo te augwa bomai Godigo be ma sę ebo sualio. Augwaligo te be te togwali moni dobo dwai masigigo sę eyu, tama augwaligo te be daga paiyu, te masigi mamano holobo sę yai. Augwaligo te wiegi yai sę mu ebao, tama tialima te sę bugagia mu ebo dao,” wali.

Esra 6:2

Augwaligo te buku te Babilonde munalubo susiąwani, tiali goli augwaligo te buku me deli te taun Ekbatana te Midia tǫ pedaide munalubo suali, tama te bukude te tiwai po elaluali,

Nehemia 1:3

Tialima, augwaligo po wei ponoyu, te po wai, “Menio,” wali. “Te hani we bidide genuai sęgę elalubao,” wali. “Tama te Godigo bomai po wali pisąbo hani dabe, te Israel hani isąwai bage, te augwali pąde bidiyu, te augwali dolobo sę ebao. Tama te Jerusalem bagulali moni masigi obo dolali me tama elalubao. Tama te sunumi obo te siago polobadu ulali, te dabe augwali me te tiwai naga elalubao, tama te Jerusalemde bidibo bagego te nigabo homu me ebeo,” wali.

Nehemia 7:7

Te augwali te Babilon tagalama ma asali sogo, te augwali odasa asiyu, te polasa asali bidi dabe nogi e tiwai, Serubabel, me Josua, Nehemia, Asaria, Ramia, Nahamani, Mordekai, me Bilsan, Misperet, Bikvai, Nehum, me Bana dao. Te Israel hani dabego nogi te augwali Jerusalemba me Juda Provinsba ma asai. Tama te bidi hani dabego bidi dabego namba e tiwai dao.