Nehemia 6:9 - Godigo dwagi yai po buku

⁹ Eno koneani, Senbalatgo hani dabe daligo te pogo da wi ilabo po wali homu yai. Augwaligo homugo dago te sę tagalama, tama dago te obo banis sę silisąmainu homu yali. Tiali goli, eno Godiba gedu haluasa po e tiwai wali, “God, te augwaligo wabo po tagalao. Eno homugo nago ena te sę ebode dąų walomainu ebao,” wali.

Nehemia 6:9 Iomraidhean Croise

Tuni Bidi Dabego Po Elalubo Buku Si 15:7

Tiali goli dagego wiegi yai sę dabe ebo bomo elama iyąo. Dage dili elama dolaluiąo, tama Genuai Bidigo dagego sę sulama, tama dage dali wiegi yai sę yaibao,” Asariago te po wali.

Tuni Bidi Dabego Po Elalubo Buku Si 32:18

Te Asiria ami bidi dabe augwaligo te Hibru pogo po bomona mu olama, te Jerusalem we bidi augwali te obo daide ugwadu bidiyu, augwaligo te po odama tama augwali wi dwai mu emainogo. Tama te Asiria dabe augwaligo te taun sainogo bomai sę idali weyu.

Esra 1:6

Tama gasa hani dabe te Israel pąde bidali bagego augwali tau siyu, tama augwaligo te silvago nigai dis genuai pou mayu, te gol me mayu, te nai me augwaliba mawai. Tama augwaligo gasa wiegi yai nai me mani, tama te Godigo bede ofa yabo hasa dabe me manio. Tama augwaligo te Israel dabeba te nai dabe sela pabo kibu donki dabe me manio.

Nehemia 6:14

Tama tibaso, eno gedu haluasa po wali, “God, nago megi te Tobia de Senbalat sigo enade yali kolesagade homu koneama, te augwali sibolo dwai dene mao. Tama nago te profet we nogi Noadia me homugo koneyu, te gasa profet dabego me te ena wi iliyu, te haniani po wabo dao,” wali.

Godigo Nogi Ugwaba Sabo Tęąbi Po Wabo Buku Dabe 138:3

Te eno nageba i wabo sogo, nago eno gedu haluasa po wabo odolama, tama nago naga bomo digi enaba menama, tama ena bomo mu elalu bidalio.

Godigo Nogi Ugwaba Sabo Tęąbi Po Wabo Buku Dabe 56:3

Te Tigidali Bomo Elalubo God Mu, te ena magi nai me delide wi ebo sogo, eno konealubo homu nageba dąų mu wabo dao.

Godigo Nogi Ugwaba Sabo Tęąbi Po Wabo Buku Dabe 68:35

Te Israelgo God te aga wiegi yai tedali bede bidibao, tama dago te Godide wi yao. Agai te aga we bidi dabeba te genuai bomo mobao. Te God nogi ugwaba sao.

Godigo Nogi Ugwaba Sabo Tęąbi Po Wabo Buku Dabe 71:1

Genuai Bidi, ena nage dali bidibaso, tama te boi bidi dabego ena me dologobeo. Nago ena te augwaligo elalumainu me sula tagaligio.

Aisaia 40:29

Genuai Bidigo te bomo meni yai bidi dabe dąų walobaso, te dili bomo kimi silai digi, te agai augwali bomo selama, bidimainu ebo dao.

Aisaia 41:10

Dage wi igio, magi baso meni, ena duga God da, ena dage dali bidibao. Te eno dage boma pai pedalumainu ilama, te dage eno tau saibao. Te dage eno bugagia tonalu, te eno genuai bomogo te eno dagego boi bidi aiyaba elalueibao wali.

Jeremaia 38:4

Te kingo ofisa dabe mebago kingba te tiwai po waligi pali, “Jeremaia isimainao,” wali, “magi baso meni, agai pogo te taunde bidalubo ami bidi dabe me, we bidi dabe dali, bomo kimi tamunai. Te bidigo augwali bugagia bidimainogo me ebeo. Menio. Agai augwali dolomainogo ebo dao,” wali.

Esekiel 30:24

Tama tialima, eno Babilon king bidigo nogo si bomo ilama, tama ena bainat hwą te agai nogoba muaibao. Tiali goli, eno Isip king bidigo nogo si tama togwa sąwaibao, tama aga genuai dene mu saibao. Tama Babilon king bidigo gedude aga hwąwa dwai mu waibao, te bidi me isainogo wabo tiwai yaibao.

Sekaraia 10:12

Te eno we bidi dabe augwali te bomai we bidi dabe pedalumainu ilaibao. Tama augwali ena dologode bidiyu, te eno po wali peyu bilibo sę yaibao. Ena Genuai Bidigo eno te po wai dao,” wali.

2 Korin 12:9

Tiali goli agai te po enabolo wai, “Woo, te eno olo tau sabo wiegi yai kolesaga nagede usu yai elalubao. Magi baso meni, te bomo meni yai bidide eno bomo hania mu pedalobo dao,” Genuai Bidigo te po wai. Tama ena bomo meni yai da te homu sęgę munu me egobeo. Menio. Ena wiegi yai homu pemene mu tede ebo dao, te Kraisgo bomo enade elalumainogo ebao.

Efesus 3:16

Tama tibaso eno gedu haluasa po e tama wabo dao: “Aya God, nago naga we bidi dali wiegi yai sę yabo homu umabo mu elalubo dao. Tama tiyu, eno homugo nago te Efesus hani we bidi dali dwagi yai sę eyu, tama nago Mobo Bidi agai nago bomo meba selama, tama agai augwalibolo te bomo mao, augwaligo homu bomo ilimainogo, te Mobo Bidigo bomogo augwali dąų mu walomainogo tama tiao,” eno God dali te tobage hanalu wabo po wabo dao.

Efesus 6:10

Te eno po silagasu wabo po e dao: dage te Genuai Bidi Krais agade wadoloyu, tama dagego agai genuai bomo meba siyu, tama dage bomo eyu bidao.

Filipai 4:13

Krais agai aga bomo ena menama, tama te bomogo eno tigidali sę ebo usu ebo dao.

Hibru 12:12

Godigo te dago ebo kolesaga dodolobo sę tama yaligo da, teda dagego agai po wali pabo kolesagade dage te bomo kimi isali bidi tiwai eyu biligimio. Te meni. Te dagego nogo te olo walalubo tiwai elalubo, te tagalao, dagego bomo ma sao. Tama te sągą kidu isai tiwai ebaso da, tagalama, te duga bomo elama dolaluao. Dage Godigo po wali pobadi, te dolo wiegi yai kolesaga naga yao, te bilibo bidi agai te dwagi yai dolo tųdu naga pabo tiwai yao. Te dage tomode bidibo bidi me deli aga Godigo po wali pabode bomo meniama tama aga tulaluidali weyu, dagego aga tau somainogo eyu, te dolo wiegi yai kolesaga naga eyu bidao.

1 Pita 5:10

Tama dagego te sęgę osogo tolama, tama God aga digi agai dage sese bugagia ma ilama, tama dage bomo menama, bugagia mu dąų waibao. Te God aga da te tigidali wiegi yai olo tau sabo kolesaga page bidi dao, tama agai dage i wali, te dage Krais wali peyu, te Godigo bomo yai gamonabo ula meba dagego somainogo yali.

1 Samuel 30:6

Te Devitgo bidi dabego homugo te boi bidi dabego te augwaligo we me wai sela pali homu elama, tama augwa haliga sęgę elama, tama Devitba wado po wali. Tama tialima, augwaligo agaba te masigi sąnama, tama aga ela muaibao wali. Tama Devit aga genuai sęgę mu elaluali. Tama Devitgo gedu haluasa po, te aga Genuai Bidiba wali, tama Godigo aga homu kolesaga dąų walalio.