Nehemia 6:3 - Godigo dwagi yai po buku

³ Tama eno augwali siba te tiwai po te bidi mebago wagi pomainu tagala palali, “Nehemia te genuai sę me deli ebao, tama tiyu agai te sę taga soyu, dage suagasabo usu egobeo. Te aga asobaso da, te sę bidi dabego te sę me egobeo.” Eno te po ola tolali.

Nehemia 6:3 Iomraidhean Croise

Nehemia 4:13

Tama tibaso, eno te sesemone ene me, bainat hwą ge me, enesigi me, te sę ebo tigidali bidiba dobolama mani. Tama eno te augwa hani deli deli bage augwa deli kanemeba deliba sisinigi pelama, bidao po wali. Tama eno augwaliba weyu, te augwali pelama, te obo banis silisąwani te tigidali badu dolalua peyu, te no munalu, tama augwaligo te boi bidi dabe dali boi hwįabo sisi elaluao po wali.

Nehemia 6:2

Tama te Senbalat me Gesem sigo te po enabolo ola tolali, tama enabolo hanalu, te augwali si dali te bulu me deliba sisinaibao wali, te odogo bulu nogi Onoba sisinibo da wali. Tiali goli, eno koneai, te augwaligo ena muma sabo po olama, te augwaligo ena dolainogo wabo homu yai.

Nehemia 6:4

Tiali goli, te bidi sigo te wali po tiwai naga te ena dali me si me si sogo wali, tama tigidali sogo eno te po wei ponoyu, te wali po tiwai naga augwali dali wali.

Bugagia Bidibo Kolesagade Po Asęai Buku 14:15

Te kolesaga dwasianu koneai elalubo bidi dabe augwaligo te haniani po tigidali homuba dąų ola saibao. Tiali goli, te wiegi yai homu kolesaga elalubo bidigo, te aga ebo kolesaga dabe bugagia osola suyu ebo dao.

Kolesaga Koneai Bidigo Pusali Po Elalubo Buku 9:10

Te nago sę me deli ebaso da, teda nago sągą dili tǫde dąų walama dolalu, te sę mu tama yao. Magi baso meni, te nago sę me isiąyu, ma homu kolesagade kone paliyu, ma te wiegi yai homu kolesaga konea sabo sę te isali bidi dabego bulude me egobeo, te nage pabo bulude te tama sę dabe me egobe dao.

Matyu 10:16

“Odao, eno dage te sipsip tiwai te uni yowi augwali tomoba tagala palobao. Tama tibaso dagego te hasamanigo ebo kolesaga tiwai wali peyu, tama hasia bolo dagego yabo sę bolo homugo kone palao. Tama dagego te ba higo ebo nagamea pai kolesaga tiwai wali peyu, tama dwai sę me deli yabo homu kolesaga egimio.

Dwagi Yai Gesi Po Lukgo Asęani 14:30

te po waibao, ‘Te bidigo e sigi be sę ebo gagalali. Tiali goli, agai e sigi be sę yani simanobeo.’ Augwaligo te tobage po waidali weyu, agai hasia te be sę ebo bugagia koneama, usu baso, te be sę yao,” Jisasgo te po wali.

Dwagi Yai Gesi Po Jongo Asęani 9:4

Megi ulade dao. Tama ulade dago ena tagala palali bidigo sę yao. Hulia sabo magade, hulia sabode, bidi me deligo sę me egobeo.