Nehemia 6:19 - Godigo dwagi yai po buku

¹⁹ Tama te tobolu bidi dabego enabolo te Tobiago wiegi yai kolesaga ebo po pusagasai. Tama augwaligo te Tobiabolo te eno ebo sę po tigidali pusigi peyu yai. Tiali goli, Tobiago te pas hauwa enaba tolali, te ena wi ilibo pas tolai dao.

Nehemia 6:19 Iomraidhean Croise

Nehemia 6:13

Augwali sigo homugo te Semaiago pogo ena wi ilama, tama ena te Tedali Gasagi Yai Be Habu tomoba pomainu elama, tama te habu selai kolesagade ena sęgę somainu yali. Tama tibaso, te augwaligo eno nogi dolama, tama ena aiyaba elalueinu yai.

Nehemia 6:9

Eno koneani, Senbalatgo hani dabe daligo te pogo da wi ilabo po wali homu yai. Augwaligo homugo dago te sę tagalama, tama dago te obo banis sę silisąmainu homu yali. Tiali goli, eno Godiba gedu haluasa po e tiwai wali, “God, te augwaligo wabo po tagalao. Eno homugo nago ena te sę ebode dąų walomainu ebao,” wali.

Nehemia 7:1

Megi da, te masigi obo sę silibaso, tama dago te nigali sunumi dabe te augwa muabo pesagede muani, tama dago te Jerusalem sunumi dabe tonaluabo bidi dabeba te sę mawai. Tama me dago te Godigo nogi ugwaba siyu, te balia po wabo bidi dabeba me te sę mani, tama dago te Livai hani bidi dabeba te sę mawai.

Bugagia Bidibo Kolesagade Po Asęai Buku 28:4

Te bomai po tudiba mubo bidi dabe augwaligo te dwai kolesaga ebo bidi dabe nogi ugwaba saibao. Tiali goli, te bomai po wali pabo bidi dabe, augwaligo te dwai sę ebo bidi dabe aiyaba elalubo sę ebo dao.

Dwagi Yai Gesi Po Jongo Asęani 15:19

Tama dage e tǫde bidi mu tigi sogo da, teda tǫde we bidi augwaligo dage dali dwagi yai homu eyu, dage augwaligo hani da wagi da. Tiali goli dage e tǫde bidi menio. Eno dage saiba olama, sa muyu, dage ena bage dao wai dao. Tama dagego e tǫde kolesaga tagalai dao. Tama tibaso, tǫde we bidi augwaligo dage dali boi bidi yabo homu ebo dao.

Dwagi Yai Gesi Po Jongo Asęani 7:7

“Tǫde we bidi augwaligo dage dali sębę elama, boi bidi me ebo menio. Tialima, augwaligo ena dali sębę elama, boi bidi mu ebo dao. Magi basowe? Eno augwaligo ebo dwai kolesaga bolo eno augwali dali po wabo dao.

1 Jon 4:5

Te tibo po ola mabo bidi dabe augwali tǫde bidiyu, tama tǫde elalubo kolesaga naga augwaligo wali pabo dao. Tama augwaligo po te tǫde elalubo naide po wabo dao. Tama tibaso, tǫde bidigo augwaligo po odobo dao.