Nehemia 6:13 - Godigo dwagi yai po buku

¹³ Augwali sigo homugo te Semaiago pogo ena wi ilama, tama ena te Tedali Gasagi Yai Be Habu tomoba pomainu elama, tama te habu selai kolesagade ena sęgę somainu yali. Tama tibaso, te augwaligo eno nogi dolama, tama ena aiyaba elalueinu yai.

Nehemia 6:13 Iomraidhean Croise

Nehemia 6:12

Nosali te pode eno bugagia homu kone palama, te tiwai eno koneani, Godigo te tama po te Semaiabolo me wabeo. Menio. Eno koneani, Tobia de Senbalat sigo aga abelama, te po ena dali omainogo yali homu yai.

Nehemia 6:6

Te pasde wali po te tiwai, “Ena Senbalat, eno Gesemgo te tiwai po wabo odai, te da pąde bidibo we bidi hani tomode te po me deli sabilibo odali. Tama te sabilibo po te tiwai wai, nage dali, te gasa Juda dabe daligo te king dologode munu ma bidigobeo olama, tama dagego hwįnama, te duga gavman tedali hodolainu yali. Tama te pagede naga dagego te obo banis ma geselebao. Tama nago me te naga digi te king pedalumainu ebo dao.

Bugagia Bidibo Kolesagade Po Asęai Buku 22:1

Te bidi dabego nage te wiegi yai bidi da homu elama, tama augwaligo genuai nogi nageba mobaso da, teda tego te tigidali mone me, te silva dali gol dali si te aiyaba mu elaluaibao.

Bugagia Bidibo Kolesagade Po Asęai Buku 29:5

Te bidigo tibo homu bega sabo po obaso da, te tiwai agai te wa kekelama, te aga abagi tola somainogo ebo tiwai ebao.

Kolesaga Koneai Bidigo Pusali Po Elalubo Buku 7:1

Te bidi dabego homugo nage wiegi yai bidi da homu ebaso da, teda te wiegi yai mu da, te genuai mone mugo abelebo wiegi yai denami ebo tigide pibo wel aiyaba mu elaluali. Me, nage isibo side, tebogo te nago idago nage ame nani sogo te aiyaba elalueibao.

Aisaia 51:7

“Dage te doloba pai kolesaga bugagia koneama, te eno bomo yai po dąų ola sabo hani dabe, dage te bidi dabego dwai po weyu, dage dolobo po obaso, te dage wi me igio.

Aisaia 57:11

“Dage dede mu wi elama, te dagego ena ili po ola mayu, te ena tudiba munama, te ena homu kone mu gegeda palobawe? Te bobobage sogo eno dageba wado po wabe, tama tiyu dagego enaba wi ebeo.

Jeremaia 1:17

Tiali goli, nage da, nage sisi elama, hogodama pao. Te tigidali po eno nageba mani, te nago augwaliba pusao. Nage wi me isiąma, augwalide habu bulu me kila sigio. Nage tama tiyu da, teda te ena digi eno nage wi iliyu, te augwali gedude habu bulu kila somainu yaibao.

Jeremaia 18:18

Te we bidi dabego te tama po wali, “Tegobao, dago te Jeremaiabolo magi sę yabo sunumi gegeinao. Agai po te mu po me wabeo. Te pris dabego augwa bomo yai po dabolo pusubo sę me tagalogobeo. Te wiegi yai homu kolesaga me koneai bidi dabe, augwa wiegi yai po me tagalogobeo. Tama te profet dabego me, te augwa profet po pusubo sę me tagalogobeo. Tama tialima, dago te Jeremaiago poba olo me mugobeo. Menio. Dago aga po tų naga inao,” te po wali.

Jeremaia 20:10

Eno odali, te bidi hauwa augwa hasi pomu po dua digi mia siyu, te tiwai po obao, “Jeremaia aga te po wabo bidi, ‘Te bidi dabe wi ilibo sę eyu, te tigidali badu bidaibao.’ Tegoba, dago aga po tų ilaibao. Te megi tama po tų ilinao,” augwaligo te po wabo. Te eno hai namu tigidaligo homu te dwai sę enaba pedelama, te ena aiyaba elalumainao homu ebao. Tama augwa te tiwai po wali, “Te dago aga gaga munama, te dago aga aiyaba elaluama, te agai yali dwai kolesaga wei ponaibao,” te po wai.

Esekiel 2:6

“Tialima nage, te tǫde bidi, nage augwalide wi elama, te augwaligo nageba wabo pode nage wi me igio. Te augwaligo nago po aiyaba elaluama, nage begela dolaibao. Te nage augwali tomode bidiyu, te tiwai dwai haliga yaibao, nage te dwai sesane elalubo bono sili tomode bidibo tiwai yaibao. Ma, nage te dwai marasin elalubo hwą dabe tomode bidibo tiwai elalueibao. Tiali digi tagalao, nage augwalide wi eyu, te augwaligo pode me wi igio. Menio.

Matyu 10:28

Dagego tigi naga ela mubo bidi dabe te dage wi egio. Augwaligo dagego po wabo mobo noma bidi te dali me ela mugobeo. Menio. Te Godigo dagego tigi me noma bidi dali te genuai dene sabo te siade mu dolobo bomo elalubaso, te dage agade naga wi yao.

Matyu 22:15

Te Farisi hani dabe augwali Jisas taga pelama, po migi peyu te po wai, “Dago magi ilama te aga wabo pode aga dąų omainogo eyu aga usu sogowe?” te po miani.

Matyu 26:59

Te pris tobolu bidi dabe dali, te tigidali kaunsil dabe dali, augwaligo te Jisasde tibo po omainogo yabo bidi dabe gegebo sę yali, tama augwaligo aga ela muabo po dąų wabo tų gegemainogo yalio.

Godigo Sęba Tagala Palai Bidigo Po 6:13

Stivende tibo po wabo bidi dabe me augwali dolaluagasali. Augwaligo te po wai, “Tigidali sogo te bidigo dwai po wabo bidi dao. Agai da dago dwagi yai Moni Lotu Be tempel dolobo dao, Mosesgo dwagi yai bomo yai po dolobo dao.

2 Korin 11:12

Meba bidi augwaligo homugo eno me te eno ebo sęde dagede masigi sao, augwaligo te masigi dagede sabo tiwai yao, augwaligo te homu ebao. Magi baso meni, augwaligo homugo eno te tiwai eyu da, teda augwali da tiwai si bidibaso, augwa digi augwa nogi ugwaba sabo tų elaluaibao. Tiali goli menio, eno te dagego masigi sisąyu te tų palibo sę augwaliba ebao. Tama eno tiwai sę naga me iduaibao.

2 Timoti 5:14

Tama tibaso, augwaligo tama idali weyu, eno homugo Timoti nago te bidi isai gesi we dabe te augwali bidigo ma sao po wao, tama wai ame nobaso, te augwa hani tonalubo sę yao. Te augwaligo tama tiyu da, teda, te da dali te dwai po wabo boi bidigo tų gegabo usu meni yaibao.

Polgo Si Wali Pas Timotiba Asęani - 2TI 1:7

Magi baso meni, te Godigo da te wi ebo bage bidimainu aga Mobo Bidi dabolo me mabeo. Menio. Agai Mobo Bidigo dabolo te bomo hauwa me, te dena ama dede dali dwagi yai homu eyu godolo ebo kolesaga me, te dena digi bugagia tonaluabo bomo me, te dabolo momainogo eyu, Godigo aga Mobo Bidi dabolo mani.

Taitus 2:8

Tama nago agai po ola mabo si te dolo po naga augwali dali wao. Tama tiyu da, teda nage dali boi bidi homu ebo bage augwaligo da dali, te nago ola mabo po dali, tede augwaligo dwai po me wabo usu sąbaso, tama augwali hale yaibao.

Jems 4:17

Tama tibaso, bugagia kone palao. Dwagi yai kolesaga ebo koneai bidi, tama te bidi agai te dwagi yai sę esiąyu da, te bidi agai dwai sę yali dao.

Kraisgo Geme Dualali Sę Pedelabo Po Jonbolo Ola Mani 21:8

Tiali goli te wi elama tama Godigo po wali pabo tagalabo homu eyu, ma geasa painogo ebo bidi dabe augwali me, te Godigo pode augwaligo homu dąų wasiąbo bidi augwali badi, te haniani dwai dwai kolesaga mu ebo bidi badi, tama te bidi ela mubo bidi, tama te penani kolesaga ebo bidi, tama te dwai pobi elalubo bidi dabe, tama tibo god dali lotu po wabo bidi, tama tigidali tibo po wabo bidi, te augwaligo sabo bulu te genuai posolo mu yai sia dabo dedage page masigi salfa teba bidigi paibao. Te isibo te si sogo wali isabo dao,” agai te po wai.