Nehemia 6:12 - Godigo dwagi yai po buku

¹² Nosali te pode eno bugagia homu kone palama, te tiwai eno koneani, Godigo te tama po te Semaiabolo me wabeo. Menio. Eno koneani, Tobia de Senbalat sigo aga abelama, te po ena dali omainogo yali homu yai.

Nehemia 6:12 Iomraidhean Croise

Nehemia 6:11

Tiali goli, eno agabolo te tiwai po wei ponani, “Ena te wi ebo bidi dabe tiwai elama, tama te wi peyu, te geme me duala sigi pogobeo. Tama ena te wi pelama, te Godigo be tomoba geme me duala sigi pogobeo. Mu menio,” wali.

Nehemia 6:13

Augwali sigo homugo te Semaiago pogo ena wi ilama, tama ena te Tedali Gasagi Yai Be Habu tomoba pomainu elama, tama te habu selai kolesagade ena sęgę somainu yali. Tama tibaso, te augwaligo eno nogi dolama, tama ena aiyaba elalueinu yai.

Aisaia 56:11

Augwali te nai hauwa tuabo homu ebo yowi tiwai bidali, te dwasianu pągąsiąbo ąǫ yai. Augwali te sipsip tonalubo bidigo aga sę ebo konesiąbo tiwai yali. Deli deligo te augwa homu wali pelama, te aga tau sabo nai naga homu koneai dao.

Jeremaia 14:14

Tama Genuai Bidigo enabolo te tiwai po wai, “Te profet bidi dabego eno nogide tibo po pusubao. Eno augwali me tagala palobeo, tama eno po augwaliba me mabeo. Te po profet dabego dageba pusali po, te tibo po augwa homude digi pusali. Augwa te po wali, augwa te nade subo tiwai yali po wali, tiali goli, augwa tibo po wai. Tama augwa te nai dabe pedelaibao po wali, tiali goli, augwa te tibo po pusubao homu yai dao.

Jeremaia 23:16

Te Tigidali Bomo Elalubo Genuai Bidigo te Jerusalem dabeba te tiwai po wali, “Dagego te profet dabego dageba pusubo po me odogio. Augwaligo dage tibo po ola mayu, dage bugagia bidaibao po obao. Augwaligo te augwa homude digi te na yali po pusaibao. Eno augwaliba te po me mabeo.

Jeremaia 23:25

“Te profet dabego eno nogide te tibo po pusubo eno odalio. Augwaligo te tiwai po wabo dao, ‘Eno na yalio! Eno na yai dao!’ te po wabo dao.

Jeremaia 28:15

Jeremaiago te po pusulama da, tama agai Hananiaba te po ma wali, “Hanania, nago odao. Genuai Bidigo nage me tagala palobeo. Tialima, nago te we bidi dabe tibo po ola mobaso, te augwaligo nago po homude dąų wali.

Esekiel 13:19

“Dagego tibo po weyu, te we bidi augwaliba waliyu, dago te Godigo po pusubao po wali. Tiali goli, menio. Dagego eno nogi aiyaba elaluyu ebao. Dagego yesi bubo sę ebo kolesagade te we bidi meba ela muyu, te meba tau sobao. Te bidi meba eno homugo augwali isigobe da homu yali, te bidi dabe dagego ela mubao. Te eno homugo meba isimaina homu yali bidi dabe, te dagego augwali tau sobaso, te augwali bugagia bidali. Tama te we bidi augwaligo dagego te tama tebo kolesaga godolo ebao. Augwaligo dage te bret delagego abelebaso, me te dwasianu sasabi rais baligo abelebo si da, tama te kolesaga dagego yai dao,” wali.

Esekiel 13:22

“Dagego te tibo po hauwa weyu, te dagego wiegi yai bidi dabego homu kolesaga dolobao. Tama dagego te dwai bidi dabe tau sobaso, te augwaligo dwai kolesaga ebo me tagalobeo. Te augwaligo dwai kolesaga tagalobaso da, teda augwali bugagia bidigi dao.

Esekiel 13:7

“Megi eno te tiwai po dage profet dabeba obao, dagego te po weyu, dagego te nade subo nai tiwai suali po olama, tama dagego te nai dabe pedelaiba po obao. Tialima, dagego te wabo mu po me wabeo. Te tibo po naga obao. Dagego te we bidi augwaliba te tiwai po waliyu, ‘Te e po da, Genuai Bidigo po obao,’ wali, tialima ena God, eno po me deli dageba me mabeo.

Maika 3:11

Te taun bidi dabego te tobolu bidi dabe homu bega sabo sę eyu, te augwaliba mone mayu, te augwa haniani dwai kolesaga emainu ebo dao. Te pris dabego te mone naga sainogo te Godigo bomai po page pusubo dao. Tialima, te profet dabego te mone sabo homu eyu, te geme dualali po pusali. Tigidaligo te tiwai eyu, augwa te po wali, “Genuai Bidi te da dali bidibao,” walio. “Tialima, te magi nai me deligo da me dologobeo,” wabo dao.

Godigo Sęba Tagala Palai Bidigo Po 20:33

Tama dagego mone me, ugwa me, me me dwagi yai nai eno pesa yai menio. Eno homugo dagego masigi dabe, ugwa dabe eno dagego ena me mao wai menio. Duga digi koneai dao.

1 Korin 12:10

Tama gasa bidi mebolo te Tedali Mobo Bidigo te haniani bomai sę yabo bomo mabo dao. Tama gasa bidi mebolo te Godigo po pusabo kolesaga agai mabo dao. Tama mebolo te haniani dwai haubo noma bidi dali te dwagi yai noma bidi dali dagalabo kolesaga agai mabo dao. Tama gasa bidi mebolo te Godigo Mobo Bidigo te tǫde bidibo we bidigo homugo konesiąwai po wabo kolesaga mabo dao. Tama agai me te gasa bidi me delibolo te hasia bidigo wabo po begelabo kolesaga olo mabo dao.

1 Korin 2:15

Tialima, te Tedali Mobo elalubo bidigo, agai te tigidali nai dagalama, tama te nai page konebo usu ebo dao. Tiali goli te bidi me deligo te Tedali Mobo elalubo bidi dagalainogo ebo te usu me egobeo.

2 Timoti 3:3

Aga te bomai ąį tulama te esela pabo bidi tiwai bidamuo. Agai sębę polo eyu, bidi eleyu me egobeo. Menio. Agai te bidi dabe dali imilai homu nagame yao. Agai te wąbi subigila hwįgio. Agai homu te monede kuna dąų me olamuo.

Taitus 1:7

Magi baso meni, te Godigo we bidi tonalubo bidi te bidi agai Godigo sę tonalubo dao. Tama tibaso, te bidi aga dolo bugagia bilao, sęgę meni yai bidi bidao. Agai hagoma ebo kolesaga ebo bidi bidilamuo, tama agai sębę polo me elamuo. Agai bomai ąį hauwa tubo bidi menio, tama agai bidi dabe me elebo menio. Tama agai masigi dabe hauwa sabo homu eyu pesą ebo bidi menio.

1 Pita 5:2

Tama te homu kęna sabo po e dao: te kibu sipsip tonalubo bidi agai te kibu sipsip bugagia tonalubogia tama dagego te Godigo dagego nogoba muani we bidi bugagia tonaluao. Tama te sęde augwali tonalubo hagela homu eyu tama tonalugio. Woo, te menio. Dwagi yai homu naga eyu, dagego augwali bugagia tonaluao. Tama dagego te masigi naga somainogo te sę egimio. Te menio. Dagego homu mu bomo eyu, te augwali tau somainogo te sę yao.

2 Pita 2:3

Tama te tibo po ola mabo bage augwaligo te gasa we bidi dabego nai sulama pesą elama mu sainogo ebo bidi dabe, tama augwaligo te dagego mone dabe bomonama sainogo tibo po hauwa dage dali waibao. Tiali goli polobadu mu Godigo augwali po tų ilama hagayabo te sisi yai elalubao. Tama augwali mu dolabo nai te sesemane sogo tonalubao.

1 Jon 4:1

Abagi dedeo, tibo po ola mabo bidi dabe hauwa augwali tigidali tǫde bilalubao. Tama bidi hauwago te po obao, “Godigo Mobo Bidi agai enabolo mu po olama, tama eno te mu po pusubo dao.” Te po obaso, dagego homu te augwaligo ola mabo poba olo subigila dąų wagio. Dagego koneainogo, tigidali te po ola mabo bidi osola suao, te Godigo tagala palali Mobo Bidi augwali dali bidibawe, ma meniwe, te suainogo tama tiao.

Kraisgo Geme Dualali Sę Pedelabo Po Jonbolo Ola Mani 18:13

Tama te meba doado bage e tiwai elalubo, te denami ebo tubo nai nogi sinamon me, te tubo gagi, tama te denami ebo nai pauda me, tama te haniani denami ebo ili yai nai elaluai, tama wiegi yai denami ebo nai sanda, me te bomai ąį wain me tubo wel, te wiegi yai tubo plaua me te tubo nai wit ge, te kibu bulmakau me sipsip, te me hos dali te hosgo kegasa pabo wiegi yai nai nogi karis dabe me, tama te augwaligo mu abelai masigi sisąbo sę ebo we bidi dabe me, te tigidali nai bidi dabe augwaligo ma abelegobeo.