Nehemia 5:17 - Godigo dwagi yai po buku

¹⁷ Tigidali side te bidi sese hauwa te 150 we bidi eno beba nai tuagasali. Te augwali tobolu bidi dabe dali, te Juda olo we bidi dali, te nai tuagasiyu idualio. Tama te gasa bulu tǫ pedai we bidi dabego da suagasobo sogo da, teda augwali me te eno bede nai tuai dao.

Nehemia 5:17 Iomraidhean Croise

2 Samuel 9:13

Tiali goli, Mefiboset te Jerusalemde bidali, magi baso meni, tigidali sogo bidibo dononama, te aga king Devitgo bede nai tudali. Te Mefibosetgo sągą si te penelama, dwai elaluai dao.

2 Samuel 9:7

Tama Devitgo te tama po wali, “Nage wi munu me elamuo. Eno nago aya Jonatan te homu kone me elalubadi geani, tama tiyu, eno te wiegi yai kolesaga nageba yabo homu ebao. Te eno nageba te nago nǫų wąį Solgo tǫ tigidali te nageba mawaibao. Tama tigidali sogo nage te enaba naga aselama, nai tuagasu yagameo,” wali.

Te Israel me Juda Hani Sigo Tuni Bidigo Po Elalubo Buku Deli 18:19

Tialima, megi da, nago te Israel we bidi tigidaliba po ola tolama, te augwaligo ena te Karmel bulu duba tede da gesabidi sisinaibao. Tama nago te tibo god Balgo profet dabe 450 me, te tibo god we Aserago profet dabe 400 me sesao,” wali, “te tigidali te kwin we Jesebelgo augwali tonalu nai ula maduai dao,” Elaijago te po wai.

Te Israel me Juda Hani Sigo Tuni Bidigo Po Elalubo Buku Deli 5:3

“Nago koneani, te eno aya Devit te king bidali sogo, agai te aga Genuai Bidi Godigo be te sę yabo sogo te meni yani, magi baso meni, te tigidali sogo te boi bidi dabego agaba hwįagasu iduali. Agai homugo te Genuai Bidigo te boi bidi dabe bolo elalumainu homu elama, tama nosali agai te Genuai Bidigo be sęwaiba homu yali.

Nehemia 5:16

Tama eno te tǫ me deli me abelibeo. Menio. Eno te sę bomo mu eyu, tama te Jerusalem masigi obo nigibo bidi dabe tau sali. Tama eno bede sę ebo sę bidi augwaligo me, augwaligo te obo banis nigibo bidi dabe tau sai dao.

Aisaia 32:8

Tiali goli, bidi wiegi yai dabe augwali genuai nogi elaluaibao. Te tigidali sogo augwaligo doloba pai kolesaga naga ebo dao, tama augwaligo wiegi yai kolesaga naga yabo homu bomo ebo dao.

Polgo Po Pas Rom Dabeba Asęani 12:13

Tama te Godigo we bidi meba augwali te nai dabe meni baso da, teda dagego augwali tau sao. Me ma, te gasa bulu bidi dabe dage bidiboba pedalobo si da, teda dagego augwali bugagia geseyu tonaluao.