Nehemia 5:15 - Godigo dwagi yai po buku

¹⁵ Te ena gavman bidi bidisiąbadi, te provinsde polasa gavman bidali bidi dabe, augwaligo te we bidi dabeba genuai sęgę mawai. Augwaligo te we bidi dabede te nai me, wain me, te mone 400 kina anoma elama siyu yali. Tama me te gavman bidigo sę bidi dabego te we bidi dabe augwali aiyaba elalu yai. Tiali goli, ena te God dologode bidiyu, tede homugo kone palobaso, tama tiyu, eno te tiwai kolesaga me ebeo.

Nehemia 5:15 Iomraidhean Croise

Tigidali Nai Gagalama Nigali Side 20:11

Tama Abrahamgo po wei ponoyu, te po wai, “Polobadu eno te tama homu yai, ‘Te e bulu bidi dabe augwali te Godide wi isiąbowe,’ te homu yai. ‘Tiyu, augwaligo ena ela munama, tama eno we saiba,’ homu yalio.

Tigidali Nai Gagalama Nigali Side 42:18

Te sela sogo wabode Josepgo augwalibolo te po wali, “Dagego eno po wali pelama, tama dage bidibo ula elalubao, magi baso meni, eno lotu po te Godiba wabo dao.

Nehemia 5:16

Tama eno te tǫ me deli me abelibeo. Menio. Eno te sę bomo mu eyu, tama te Jerusalem masigi obo nigibo bidi dabe tau sali. Tama eno bede sę ebo sę bidi augwaligo me, augwaligo te obo banis nigibo bidi dabe tau sai dao.

Nehemia 5:9

Tama eno po wadoa selama, te tama po wali, “Dagego kolesaga dolo me ebeo. Dage te God dologoba pelama, tama doloba pai kolesaga sesemane yao. Te dagego te tiwai ebaso da, teda te dago boi bidi dabego me te dago ebo kolesagaba te posobo po me wagobeo.

Jopgo Po Asęani Elalubo Buku 31:23

Magi baso meni. Eno Godigo moni bomo eno koneama, tama me agai dwai nai dabe tagala palama, bidi dolobo me, eno koneai dao. Tama ena wi genuai mu yai dao. Tama tidali weyu, eno dwagi yai kolesaga naga yai dao,” Jopgo te po wai.

Godigo Nogi Ugwaba Sabo Tęąbi Po Wabo Buku Dabe 112:1

Genuai Bidigo nogi ugwaba sao. Genuai Bidi dali wi eyu, agai bomo yai po wali pabo bidi, agai dwagi yai homu yaibao.

Godigo Nogi Ugwaba Sabo Tęąbi Po Wabo Buku Dabe 147:11

Menio, agai te wiegi yai pemene te agade wi ebo we bidiba yaibao, tama te agai da sesemane godolo ebo dao homu eyu, agaba homu kęą pabo we bidi dabede, te agai augwalide dwagi yai homu ebo dao.

Bugagia Bidibo Kolesagade Po Asęai Buku 16:6

Te bidigo Genuai Bidi godolo homu mu elama, tama aga dali mu kęą pobaso da, teda Genuai Bidigo te agai sęgę sela sąwaibao. Tama te bidi Genuai Bidide wi eyu, aga dologode bidibaso da, teda te bidigo te dwai sę ebo kolesaga te ela sobaso, usu yaibao.

Bugagia Bidibo Kolesagade Po Asęai Buku 29:12

Te kantri tonalubo tobolu bidi aga te bidi dabego tibo po ola momainu eyu da, teda te dwai kolesaga naga ebo bidi dabe te aga sę ebo ofisa bidi naga bidaibao.

Aisaia 50:10

Dage te Genuai Bidi dologoba pelama, te agai sę bidigo po wali pabo hani dabe, dage wi me igimio. Te dage hulide biliyu, te dage ula meni yai, te dage konealubo homu Godiba dąų wao, te Genuai Bidigo dage tonalu, agai dage tau saibao.

Jeremaia 32:9

Tama te tǫ eno abelali. Eno te tǫ abelibo bomo yai po kontrak asęnama, te eno haluama, tama tede eno dąį ilali, te bidi mebago gedude muai. Tama eno te silva bidi sese nogo si 200 gram sęgę yai silva usu nama, tedali dagalama, eno te Hananelbolo mawai, te tǫ pedai mone usu nama mawai dao.

Te We Bidi Dabego Jerusalem Hagede Gela Wali 5:8

Te Babilon dabego olo sę bagego da tonalubao, tama da augwaligo nogode ma dobola sabo bidi menio.

Matyu 5:47

Tama dagego duga abagi dedebolo naga te siade da po weyu da, teda dagego te sęde te gasa bidi augwali aiyaba elaluaibawe? Te menio. Te Godigo po odosiąwai we bidi augwaligo me te tiwai kolesaga ebo dao.

2 Korin 11:9

Ena dage dali polobadu bidali sogo ena nai me sǫą pali, te sogo eno dagede bidi me deli dali aga nai anoma eyu sęgę me mabeo. Menio. Te ama dede dabe augwaligo te Masedonia tǫ tagalama tama Korin hanuba pedaliyu, augwaligo ena sǫą pali nai usu nani. Tama tigidali nai eno bugagia tonaluama, tama dagego duga masigigo ena tau sabode eno dwasianu sęgę dagebolo me mabeo. Tama sesemane sogo eno te tiwai bugagia tonaluaibao.

2 Korin 12:13

Eno te deli tiwai kolesaga te gasa Godigo po odobo we bidi hanibolo yali, te dagebolo yali tiwai sę yali. Eno dage tau sabo sę mede sǫą mu pabeo. Deli sęde naga eno dage dali te gasa Godigo po odobo we bidi hani dali tiwai si ebe. Augwaligo augwa masigigo ena tau sali goli, eno digi dagebolo duga masigigo ena tau sao po munu me wabeo. Tede dagego homu eno sęgę sali homu eyu da, eno homugo dagego te eno sali sęgę sela sąyao! Tiali goli eno koneani, eno tede sęgę me sabeo.

1 Samuel 8:15

Tama dagego wit dabe, me wain wai dabe te nogo si wali, te me deli agaba mawaibao. Tama agai te nai dabe te aga sę ebo polalubo ofisa bidiba, me aga sę ebo bidi dabeba mawaibao.