Nehemia 5:10 - Godigo dwagi yai po buku

¹⁰ Ena dali, ena hani me, te eno sę bidi dabego me, te we bidi dabego dade te negeli selama, te nai me mone somainu ilali. Tama da tigidaligo te negeli augwaligo wei ponomainu te profit me somainu i me olamu dao.

Nehemia 5:10 Iomraidhean Croise

Nehemia 10:32

“Tama te tigidali kibu bede te da deli deligo te dwasianu pedai dage silva mone menama, te Godigo bede muabo nai dabe abelimainu yaibao wali.

Nehemia 5:11

Dago augwaligo negeli yali tagalao. Tama augwaligo te mone me wit, ma wain, me te oliv wel, te augwaligo negeli sali nai dabe te wei me ponogobeo. Tama te me wain gi me, oliv gi me, be me dagego te we bidide sali doado bage dabe, te dagego augwaliba ma maiąo, tama dagego te negelide ugwadu manani profit mone me te ma maiąo,” te po wai dao.

Nehemia 5:7

tama eno te sęgę dodolabo sunumi bugagia homu kone palali. Eno koneani, te polalubo bidi dabe me, te ofisa dabego dali, te dwai kolesaga yali, tama eno augwali sisinagasomainu i olama, tama eno augwaliba po bomo elama, augwali dali wali, “Dagego te duga ama hasi dabe aiyaba elaluama, tama augwaliba dwai sę ilalio,” wali. Tama eno tigidali we bidi augwali sisinagasomainu i olama, te sęgęde po miainu yai.

Nehemia 5:9

Tama eno po wadoa selama, te tama po wali, “Dagego kolesaga dolo me ebeo. Dage te God dologoba pelama, tama doloba pai kolesaga sesemane yao. Te dagego te tiwai ebaso da, teda te dago boi bidi dabego me te dago ebo kolesagaba te posobo po me wagobeo.

Godigo Nogi Ugwaba Sabo Tęąbi Po Wabo Buku Dabe 15:5

Tama te agade negeli sali bidigo te negeli wei ponobo sogo, agai te giguai mone ma ugwadu daganobo mone mao olama, agai sogobeo. Te gasa bidi dabego te dwai sę isąwai bidi me deli dali po tų yainogo eyu, tama augwaligo homu augwaligo te doloba pai bidibolo mone meba geme menama, tama agai te po tų ebode te tibo po kisilibo po waibao. Tiali goli, agai te mone selama, agai te tibo po kisilibo po wagobeo. Bidigo te dwagi yai kolesaga ebo wali pabo bidi aga tulalugobeo.

Aisaia 58:6

“Eno te tobage kolesaga godolo homu me ebeo. Eno homugo dagego te haniani dwai kolesaga mu ebo habu selama, te gasa we bidi dabe elaluama, te dolobo kolesaga me habu selao. Te we bidi dabe te hobedagia kalabuside bidiyu, dagego augwali te bono me sengo kęnani, tama augwali te bulmakau tiwai dagego te ni nami augwa dogonide kęnama, te duga sę emainu ebo tiwai eyu tonalubao. Te dagego augwaliba wiegi yai kolesaga eyu, te augwali olo pomainu tagala palao.

Esekiel 18:13

Tama aga abagi dabego te negeli wei ponobo sogo, agai te gasa ugadu daganobo mone dali sabo dao. Te tobage bidi da, te bugagia bidaibao homu eba, agawe? Mu menio. Agai te yali kolesaga dabe eno godolo homu mu isąbaso, te aga isimainao,” wali. “Te aga yali kolesaga pagede te aga isaibao po wai dao,” wali.

Esekiel 18:7

Agai gasa bidi dabeba dwai sę ilama, te augwaligo nai dabe wi sabeo. Te gasa bidi dabego agaba negeli ilama, te agai we ponabo usu nama augwaligo mani nai, agai te nai dabe tolalubo sę mu egobeo. Menio. Agai te agaba negeli ilali bidi dabeba ma mabo dao. Agai te nasi ebo bidi dabe nai mayu, te ugwa meni yani bidi dabeba te ugwa mabo dao.

Esekiel 18:8

Te abagi me delibolo agai negeli ilibo sogo, te negeli wei ponobaso da, teda agai te gasa ugadu daganobo mone dali me sogobeo. Te agai po tų odobo sogo, agai doloba pai kolesaga naga eyu, tama agai te po tųba asali bidi dabe dali po bugagia dodolobo dao.

Maika 2:1

Te dage dwai kolesaga yabo homu ebo bidi, te hobede ya, te dage dolaibao! Dage te hulide godege me pisąma, dagego te dwai kolesaga yabo homu naga eyu, te kigamu mu dage hodaluama, te sę ebo dao, magi baso meni, dagego te sunumi gegali dao.

2 Korin 5:11

Te da tigidali te moni po tųde pedalaibao homu ebaso, da Genuai Bidide wi eyu, tama te bidi dabe augwaligo te da Godigo po sela pabo bidi dabe mu dao te hania konemainogo eyu, dago augwalibolo homu bega sabo po weyu bidibao. Godigo da gisiga koneani. Tama eno homu te dage me, dage deli deli duga te dwai sę dali dwagi yai sę dali dagalabo homugo ena hania koneai, te ena homu mu eyu te Godigo sę ebo bidi bidibao.

2 Korin 5:20

Tama tibaso, dago te Kraisgo pedauwalide po selama tama agai po pusubao. Te tiwai God aga digi te tigidali bidi dago pedauwaligo i obao. Dago Kraisde digi te po tigidali we bidibolo pusubao, tama dago te tiwai po augwalibolo obao, “Te dagego boi bidi homu ebo kolesaga tagalama, God dali abagi homu ebo kolesaga mu yao,” dago te po pusubo dao.

2 Korin 6:1

Dago sę God dali eyu tama dago te tiwai po bomo elama dagebolo obao: dagego te Godigo olo mani wiegi yai tau sabo kolesaga salio, tiyu dagego agai te olo mu mani wiegi yai tau sabo kolesaga tagalabuo, te kolesagago agai sę dage tomode bugagia emainao.

Bomai Po 15:2

Dagego te tama tiao. Bidi mego aga abagi mone mawai baso me, te bidi aga abagigo negeli sela sąnama isilao. Tama aga abagibolo wei ponao po wagio. Magi baso meni, Genuai Bidi agai digi te abagigo negeli yali sela sąyu silabo sogo te pedelai dao, te kibu bede.