Nehemia 3:1 - Godigo dwagi yai po buku

¹ Tialima, tigidali bidigo te Jerusalem moni masigi obo ma geselebo sę gagalali. Polalubo pris Eliasip dali, te gasa pris dabe dali, augwaligo te obo dage me badu te augwaligo te Kibu Sipsipgo Sunumi nogi poali, te badu te obo nigibo sę yali. Augwaligo te sę silama, tama augwaligo te me badu obo dage sa muyu, te Godigo masigi obo mu da olama, te lotu po wai. Tama nosali augwaligo te sunumi palibo sunumi dabe muani, augwaligo te nogi te Kibu Sipsipgo Sunumi dao wali. Tama augwaligo te obo ugwanu holama nigali te usu nigulali, te Bidi Sese A Naga te 100 Tonalubo Bidi bobobage beba peyu nigali, tama te Hananelgo Tauaba usu nai, te bobobage be mu dao. Augwaligo silama, tama te Godigo obo da olama, te lotu po wali.

Nehemia 3:1 Iomraidhean Croise

Nehemia 12:10

Josua te Joiakimgo aya, tama Joiakim te Eliasipgo aya, tama Eliasip te Joiadago aya dao.

Nehemia 12:30

Hasia bolo te pris dabe me Livai dabe te augwa digi te Godigo gedude magi sę isiąwai wiegi yai mu pedalabo kolesaga wali pali. Tama augwaligo te tiwai tobage kolesaga te we bidiba eyu, me te Jerusalem oboba yai, me te obo sunumi dabeba me, tama tiwai kolesaga naga yai dao.

Nehemia 12:39

Tama dago te badu taga soyu, tama peyu, te Efraim Sunumi, me te Jesana Sunumi, me te Pisgo Sunumi, me te Hananel Taua, me te Tonalubo Bidi 100 Bidibo Taua, me te Sipsip Sunumi elaluali me, te ededeli palio. Tama da asiyu, te Godigo tempel be oboba sabolali, te sunumi augwaligo nogi yali te Kalabus Dabego Sunumi Dao wai.

Nehemia 13:28

Joiada aga te polalubo pris Eliasipgo ogwa. Tiali goli, te Joiadago ogwa me deligo te gasa bulu tǫ pedai we me salio. Te we te Senbalatgo wegi dao. Tama eno te Joiadago ogwa sela sąnama, tama eno aga te Jerusalemba bidimainogo me ebeo.

Nehemia 13:4

Pris Eliasipgo te dago Godigo tempel be doado bage mubo habu tonaluai, tama aga te Amon hani bidi Tobiago hai namu dao.

Nehemia 3:20

Tama Baruk, te Sabaigo ogwa, dali te gasa Livai dabego dali te obo banis sę ebo te Esergo hani sę ebo pąde sę wadolama yali. Augwaligo bomo eyu, te obo sę ela pali, te polalubo pris Eliasipgo be sunumi elaluali pąba usu nigi pai dao.

Nehemia 3:21

Tama Meremot aga te Uriago ogwa, tama te Hakosgo wąį nǫų da. Tama aga dali, te gasa Livai dabego dali, te obo sę ebo te Eliasipgo be sunumi pąde gagalama pali, tama te be sesegeba usu nigi palio.

Nehemia 3:32

Tama te golgo nai nigibo bidi dabe dali te bisnis sę te masigi obo nogo habu badu gagalama ebo madi, me te Sipsipgo Sunumi elalubo madi, teba te obo sę ela pelama, usu nigi pai dao.

Nehemia 6:1

Te Senbalat, me Tobia, me Gesem, me te dago boi bidi mebago te po odali, te dago te moni masigi obo ma geselebo sę tigidali silali po odali, tiali goli dago te sunumi musiąbadi dao.

Nehemia 7:1

Megi da, te masigi obo sę silibaso, tama dago te nigali sunumi dabe te augwa muabo pesagede muani, tama dago te Jerusalem sunumi dabe tonaluabo bidi dabeba te sę mawai. Tama me dago te Godigo nogi ugwaba siyu, te balia po wabo bidi dabeba me te sę mani, tama dago te Livai hani bidi dabeba te sę mawai.

Godigo Nogi Ugwaba Sabo Tęąbi Po Wabo Buku Dabe 30:1

Genuai Bidi, nago ena ma selama, tama nago ena te boi bidi dabego aiyaba elaluama, te kęnę omainu me ebeo. Tama tibaso, eno nago nogi te ugwaba mu sobao.

Godigo Nogi Ugwaba Sabo Tęąbi Po Wabo Buku Dabe 48:12

Dage we bidi, dage te Saion bulu dude biliyu, tama te taun obo baguliyu, tama tede elalubo bobobage be taua dabe nedao.

Bugagia Bidibo Kolesagade Po Asęai Buku 3:6

Te tigidali sę nago ebo, nago bomai homu Genuai Bidiba elama, tama nago te sę yao, tama agai nagebolo te wali pabo doloba pai sunumi ola mawaibao.

Bugagia Bidibo Kolesagade Po Asęai Buku 3:9

Nago te naga gide te polasa ina yani nai te selama, tama te ofa tiwai ilama, te Genuai Bidiba mao, te tama tebogo te agaba genuai nogi mawaibao.

Jeremaia 31:38

Genuai Bidigo po ma weyu, te po wai, “Eno te bodolu muani sogo, te augwaligo Jerusalem ma nigaibao, te eno taun dao. Te Jerusalem genuai obo dąį te not badu, te Hananel te Tauade gagalama, te Dagebadu Sunumiba usu nigi paibao.

Daniel 9:25

Nago odama, te tiwai koneao, te Jerusalem taun ma gagalama nigaibao wabo po pedalubo sogo, te 7 taims 7-pela yia, te tama kibu be siliyu bolo yaibao, tialima te Godigo Sa Muani Genuai Bidi, aga te sabolaibao. Te augwaligo te Jerusalem dali, te taun tomode sunumi dabe, me te taun bagulali genuai masigi obo dabe, te ma nigaibao. Tama te Jerusalem elalubadi te 62 taims 7-pela yia, teba usu naibao, tiali goli te kibu be dabede te sęgę elalubo sogo dao.

Sekaraia 14:10

Te Jerusalem pąde elalubo tǫ da, te doloba pai tǫ malu pedelaibao, te taun Geba te not badu gagalasa te pali, te taun Rimon te Jerusalem te sautba usu naibao. Te Jerusalem taun naga te bulu du me deli ugadu daide elalueibao. Te Jerusalem bagulali obo banis te polobadu elaluali tiwai dąįba usu naibao. Te Benjamingo taun sunumide gagalasa pelama, te Dagebadu Sunumiba te dąį usu naibao, te pesagede polobadu sunumi deli elaluali. Tama te dąį Hananelgo Tauade gagalasa pali, te kingo wain nigali pesageba usu nigi paibao.

Dwagi Yai Gesi Po Jongo Asęani 5:2

Tama Jerusalem bagulali obo pąde kibu sipsip dabego genuai soabo tų elalubo madi, tama te tų dolo si te dwasianu sigi ąį ge elaluai. Hibru pogo augwaligo te ąį nogi Betesda wai. Te ąį sesegede be mabo a naga elaluai.

Bomai Po 20:5

“Tama te ofisa dabego te po walaibao, ‘Te niwai bidi te aga be gesi sęnama, tama agai Godibolo te augwali te bede bugagia bidimainogo tau sao po olama bidisiąbadi yali bidi me ede bidibo homu ebawe? Te tama tiwai bidi me ede bidiba wida, teda augwali augwa buluba ma pomainao, te hwįbo madigi pogobeo. Magi baso meni, augwali te hwįbo boide elai madi, gasa bidigo agai gesi be sidali weyu.