Nehemia 2:5 - Godigo dwagi yai po buku

⁵ tama eno kingba te tiwai po wali, “King, te nago enaba bugai haliga ebaso da, teda eno nageba te magi nai po me deli hanalu wainu ebao. Te e tama tiwai. Te nago homu usu eyu da, te nago ena te ena wąį nǫų dabego taun te Juda tǫba pomainu ebaso da, te eno ena abagi dabe dali te taun ma geseliyu nigibo sę tau sigi pomainu ilao,” po wali.

Nehemia 2:5 Iomraidhean Croise

2 Samuel 14:22

Joapgo te po odolama, tama aga te king gesabidiba te tǫba degasa dulama, te kingba genuai nogi mayu tialio. Tama agai te tama po wai, “O king, Godigo wiegi yai sę nageba yao. Megi da, eno koneani, nago enaba wiegi yai homu pemene ebao, magi baso meni, nago eno hanalu wali pode usu da po walio,” wali.

Esra 5:17

Te Juda dabego tama po wali. Tama tialima, king, te nago homugo te naga kuskus dabeba wabo homu ebaso da, teda augwaligo te Sairusgo po te Babilon gavmango bukude asęani po bugagia gegao wao. Te Juda dabego po te mu po dawe, ma meni, te nago koneaibao. Tama nosali nago dabolo te tiwai po wagameo, te augwaligo te be sę yao po usu da wali po tede konebo dao,” te po wai.

Nehemia 2:4

Kingo te po odolama, tama enabolo te tiwai po hanalu wai, “Megi nago te eno magi sę me deli emainu, agawe?” Tialima, eno dagalude Godiba gedu haluasa po polo olama,

Nehemia 2:6

Te eno king dali po mibadi, te aga we te kwin aga pąde dugulaluali. Kingo eno te po odolama, tama po wei ponoyu, te tiwai po wali, “Usu da, nage pao,” wali. “Tiali goli, nage te pęwadage sogo, ma te bobage sogo te Judade bidaibawe? Tama nisu sogo nage ma asaibawe?” Tialima, eno homude elaluali te ena ma asabo sogo po agaba pusalio.

Esta 1:19

“Tialima, king bidi, nago homugo te po wiegi yai da wida, te nago te bidi dabebolo te tiwai po me tolao, te kwin Vastigo te nage me suagasigi po wao. Te po te Persia me Midia dabego te bomai po asębo bukude asęao. Tama te bomai po hasegelibo usu me egobeo. Tama nago te we Vasti te hasegelama, tama sawi yai dwagi yai we me selama, tama aga te gavman tuni we kwin nigilao.

Esta 5:8

“Tuni bidio, te nago eno hanalubo po tigidali awe po waibao homu ebaso da, teda nage me Haman dage si te do gasa nai eno dage sibolo sisi ilibo madi do ma asao. Te sogo eno nagebolo eno homude elalubo po waibao,” Estago te po wai.

Esta 7:3

Tama tuni we kwin Estago po wei ponoyu, te po wali, “King bidio, te nago ena dali dwagi yai homu mu elama, te nago enabolo wiegi yai sę ilaiba wida, teda nago tama tiao. Eno te ena dali, te eno hani dabe dali isidali homu te hagela ebao. Te da bidimainogo eyu, da tau sao.

Esta 8:5

“King bidio, te nago usu da wida, tama nago homugo ena kone palu da, tama nago homugo te dwagi yai nai da homu ebaso da, teda nago po te bidi dabebolo tagala palao, teda augwaligo te Hamango po wali pomainogo me elamuo. Hamango te nago tǫ pedaide bidibo Juda we bidi tigidali mu silimainao te po wai dao.

Bugagia Bidibo Kolesagade Po Asęai Buku 3:4

Te nago tama tibaso da, te Godigo nage godolo ebadi, te bidi dabego me nage godolo homu yaibao, tama nago sę te wiegi yai pedelaibao.

Daniel 9:25

Nago odama, te tiwai koneao, te Jerusalem taun ma gagalama nigaibao wabo po pedalubo sogo, te 7 taims 7-pela yia, te tama kibu be siliyu bolo yaibao, tialima te Godigo Sa Muani Genuai Bidi, aga te sabolaibao. Te augwaligo te Jerusalem dali, te taun tomode sunumi dabe, me te taun bagulali genuai masigi obo dabe, te ma nigaibao. Tama te Jerusalem elalubadi te 62 taims 7-pela yia, teba usu naibao, tiali goli te kibu be dabede te sęgę elalubo sogo dao.

Matyu 23:27

“Dage bomai po page ola mabo bidi me, dage Farisi dabe dali, hobede ya. Dageba te dwai sogo mu pedelaibao. Dage te gų page ola be augwaligo te tedela yai pengo pilali tiwai dao. Bulu badu da, te bidigo subo dwagi yai ilali, tiali goli tomode da, te isai bidi dabego dili dabe me te tigidali dwai meda yai mobia pai nai te pągąnalubo dao.

Rutgo Po Elalubo Buku 2:13

Tama Rutgo po wei ponoyu, Boas dali te po wai, “Nago wiegi yai kolesaga mu enabolo ilibao! Ena te nago sę ebo we dabe tiwai wiegi yai meni, tiali goli, nago po dua digi mu enabolo wabo, tama tebo pogo ena homu dąų walobao,” wali.