Nehemia 2:12 - Godigo dwagi yai po buku

^12-13 tama eno te bidi me deliba te Godigo enaba homu hodolama, te Jerusalemde yao wali sę po me wabeo. Tialima, te be hulia sabo tomo ebo tonaluama, tama ena dali te dwasianu hani bidi naga te hogodama, te da bidali pesage tagalama, tama da pelama, te taun moni masigi obo dolali te sugi pali. Ena naga te donkide dualasa pali, tama te gasa bidi dabe sągągo tǫdu pali. Tama dago te taun te giliga dega sigilubo te obo bagulali sunumi elalubo te badu te taga peyu pali, te augwaligo nogi eyu te Odogo Pesage Badu Sunumi dao wali. Tama da te saut badu peyu, tama te ulu wę edelama pai, augwaligo te nogi weyu, Te Genuai Hasamanigo Ulu Wę da wali, tama da te pelama, te nogi augwaligo te Pobele Bage Sela Sąbo Sunumi te badu sabolai. Te da pedalobo sogo, eno te taun obo aluali te bugagia tonalua pelama, te siago dali obo sunumi te bugagia susa palio.

Nehemia 2:12 Iomraidhean Croise

Esra 7:27

Ena Esra dao, eno te pas nedelama, tama eno e tiwai po obao, “Eno homu wiegi yai pemene eyu, tama Godiba usu da po obao, te dago wąį nǫų dabego Genuai Bidi dao. Magi baso meni, Godigo te kingo homu hodolobaso, tama kingo te Genuai Bidigo be Jerusalemde dwagi yai ilaibao po walio.

Nehemia 2:11

Ena te Jerusalemba sabolama, tialima ena te sela sogo olo toma neyu bidali,

Godigo Nogi Ugwaba Sabo Tęąbi Po Wabo Buku Dabe 122:6

Dagego te gedu haluasa po waiyąo, te Jerusalem dabe bugagia dugulalumainogo yao. Dagego te tiwai gedu haluasa po waiyąo, “Te Jerusalem wei ebo we bidi dabe augwa bugagia bidimainao.

Godigo Nogi Ugwaba Sabo Tęąbi Po Wabo Buku Dabe 51:18

Naga homu kolesagago digi, te Saion we bidi dwagi yai homu ma ilao. Naga digi Jerusalem genuai hanu moni masigigo nigali obo ma dodolao.

Bugagia Bidibo Kolesagade Po Asęai Buku 12:23

Te wiegi yai sę yabo kolesaga koneai bidigo, agai te aga wiegi yai homu elalubo te polo tama me pusugobeo. Tiali goli, te wiegi yai homu meni yai bidigo da, agai po te ąį bole tulalubo tiwai umabo yaibao. Tiali goli, te agai po odobo we bidi dabe da, te augwaligo koneama, te aga kolesaga umuna sai bidi tiwai da wabo dao.

Kolesaga Koneai Bidigo Pusali Po Elalubo Buku 3:7

Agai te ugwa pisą yabo sogo bodolu muyu, te hobolabo sogo muyu yali. Agai te bidi dago pedauwali panibo sogo muyu, te po wabo sogo mubadi yai dao.

Jeremaia 31:33

Tialima, eno te Israel we bidi dali dąų wainu ebo bomo yai po e tiwai elalubao. Te eno bomo yai po augwaligo homude munama, te augwaligo haligade te bomo yai po asębo tiwai yaibao. Te ena augwaligo God bidiyu, te augwali eno we bidi hani dabe bidalueibao.

Jeremaia 32:40

Te eno gesi noma dąų wabo bomo yai po te augwaliba yaibao. Tama te dąų wali bomo yai po sesemane elalueibao. Eno te augwali wiegi yai bugagia ilibo kolesaga me tagalogobe po dąų walaibao. Te eno wiegi yai homu kolesaga augwaliba menama, te augwali ena dologode bidiyu, te augwaligo ena munu ma tagalogobeo.

Amos 5:13

Te we bidi augwaligo te tobage dwai kolesaga ebo sogo, te kolesaga koneai bidi, doloba pai bidi, agai pedauwali pania sai elalu, te agai po me deli augwaliba me wagobeo.

Maika 7:5

Awe, te sogo te ogwa dabego te augwa aya dabeba posobo po dwai weyu, te wegi dabego augwa ida dabego po sela sąyu yaibao. Te bidigo sali we dabego te augwa auwa dabe dali konila po weyu yaibao. Te bidi aga we wai dali te boi bidi pedelaibao. Tibaso, nago te naga abagigo wabo po me, hai namugo po me, te osola suao, dua dao. Tama nago te naga we dali wabo po tigidali me, te bugagia tonalu te yao.

Matyu 10:16

“Odao, eno dage te sipsip tiwai te uni yowi augwali tomoba tagala palobao. Tama tibaso dagego te hasamanigo ebo kolesaga tiwai wali peyu, tama hasia bolo dagego yabo sę bolo homugo kone palao. Tama dagego te ba higo ebo nagamea pai kolesaga tiwai wali peyu, tama dwai sę me deli yabo homu kolesaga egimio.

Matyu 2:14

Tama Josep hulide digi hodaluama te wai aga ida dali selama, tama aga Isip buluba pabo gagalali.

2 Korin 8:16

Eno Godibolo po weyu usu da po obao, agai te bidi Taitusgo homu hodolobaso, tama agai dago homu tiwai ebao. Agai me dage tau sabo homu godolo mu ebo dao.

Josua 10:9

Tama Josua te aga ami bidi dabe dali augwali hulide pelama, tama te Amor dabe bidalubo madi pedelai. Te Amor dabe augwaligo te hwįabo sisi isiąbadi, tiali goli polo tama, te Israel dabe augwaligo te hwįbo gagalalio.

Kraisgo Geme Dualali Sę Pedelabo Po Jonbolo Ola Mani 17:17

Magi baso meni. Godigo augwali homu kolesaga mawai, tama augwaligo te sę emainogo eyu te polobadu agai te po wai. Te augwaligo homu deli naga eyu, tama augwali tuni bidi bidainogo te bomo sai, augwaligo te bomo tigidali te dwai hudigi ebo hasabolo mawainogo yai. Te augwaligo tama tede pidubadi, te Godigo te penani wede wali poba te usu nainogo tiaibao.”

Te Israel Tobolu Bidi Dabe 6:27

Tialima Gideongo aga sę ebo bidi nogo si selama, tama augwaligo te Genuai Bidigo wali po selama, te tiwai sę yali. Tiali goli, Gideongo te sę te giligade me ebeo, magi baso meni, aga deli hani sibide wi ebaso, tama me te hanu tomode bidalubo bidi dabede me wi yali. Tama tibaso, agai te sę hulide yai dao.

Te Israel Tobolu Bidi Dabe 9:32

“Tama tibaso, te hulide naga te nage naga ami bidi dabe dali, dage geme pelama, te bulu tomo busiba duala sigi pao,” wali.